وتبقى سيرت الذكرى قصيدة تكتب الترحال

[فقيدة امها]

على ذكر‎ المواجع والسفر والحل والترحال
طويت آخر ورق عندي في دفتر أحزاني

طويته وانكسر قلبي وصوتي بالمواجع ســال
ودريت إن الظلام اللي تحت كف السهر جاني

جلست أجمع مسافاتي وأغني للسفر موال
على صفحة من الماضي بها حلمي وعنواني

بها كم سافرت عيني ليالي والظلام أهوال
وبها كم سافرت روحي وأنا بالليل وحداني

حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني

تخيل !!
تخيل يوم عانقني خيالك .. خاطري وش قال
تخيل قبل أسولف لك نشدني عنك وجداني

نشدني لين خلاني مدينه هزها زلزال
تخيل !! ماهدا حتى لقاك بوسط شرياني

أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني

هنا !!

هنا كانت ليالينا غـــــلا والمقبلات آمـــــال
وهنا كانت مواعيدك مطر تخضر به أغصاني

هنا شف .. باقي آثارك على رمل الوعد مازال
وهنا شف دمعه طاحت من عيونك على شاني

حبيبي لا تنشدني عن أوضاعي وكيف الحال
أنا بعدك سحاب أبيض أضم الريح بأحضاني

تسافر بي الذكرى وأحسب إني وصلت آخــر وطن بالبال
و اثرني ماوصلت إلا بدايـــة درب حرماني

وتبقى سيرة الذكرى قصيده تكتب الترحال
سوالف للعيون اللي صداها دمعة أحزاني

[انثى الجزيره]

حبيبي لا تنشدني عن أوضاعي وكيف الحال***
أنا بعدك سحاب أبيض أضم الريح بأحضاني

ابيات المت جروح غزت اضلعي
رائعه يسعد ربي روحك

[فقيدة امها]

المشاركة الأصلية كتبت بواسطة انثى الجزيره   حبيبي لا تنشدني عن أوضاعي وكيف الحال*** أنا بعدك سحاب أبيض أضم الريح بأحضاني ابيات المت جروح غزت اضلعي رائعه يسعد ربي روحك

شكراً بحجم هذا الحضور الراقي يالغاليه
والروعه لا تكون الا بجود حرفك وقلمك
لروحك الطيبه السعاده دوماً

[بقايا الذكريات]

دوم مميزه والابيات التي تنتقينها رائعه كماهو ذوقك يالغلا

[فقيدة امها]

المشاركة الأصلية كتبت بواسطة بقايا الذكريات   دوم مميزه والابيات التي تنتقينها رائعه كماهو ذوقك يالغلا

ازداد جمال متصفحي بوجودك دوما بالغاليه
من هنا يزهو الحرف بشذى حروفك ومرورك
شكراً لك مداد السماء