قصيده من زوج لزوجته بمناسبة حآفز

[فقيدة امها]

قصيده من زوج لزوجته بمناسبة حآفز

تكفين يابنت الاجاويد تكفين
نبي سلف ولانبيها معونه !

أما عطيني الألف ةلا ألفين
مادام حافز قامو يوزعونه !

وانا ترى استاهل ولاني معك بشين
ومعروفي الأول تذكرونه

اما شرينا به شاه وبعارين
والا به المديون يخلص ديونه

ردي علي بالخبر وش تقولين ؟
عسى ابو عيالك ماتخيب ظنونه

..................
((ردت الزوجه ))

توك بديت تميز الزين والشين
يومن حافز قامو يوزعونه !

أول تمن علي بعشره وعشرين
ولسانك يلعلع علي بالمهونه

مامن سلف عندي ومامن بعارين
ومامن شياه وما أعرف المعونه

أبي اروح السوق اشتري فساتين
واشتري جزم وشناط من نفس لونه!

وأبشتري مكياج وساعه وعطرين
وأبشتري آيفون زي أيفونه

ويابو عيالي لو كثر عندك الدين
ترى الرجال لازم يسدد ديونه

[انثى الجزيره]

هههههههه صح لسانها
هالبخيل عشرة وعشرين الله يخلي لي الالفين

شكرا ع الطرافه ي بعدي

[ابو الوردتين]

هههه توه يبين زينها وغلاها ههه
يوم صارت ام خمس بحضن الزوجه تستقر هههه
صدق الدنيا مصالح
بس لي تعليق بسيط ترى الزوجه اذا حبت زوجها وحست
انه مخلص لها عيونها تشيلهم وتعطيهم اياه
لكن السؤال من يستاهل هذه العيون
والعكس بالعس يابنات لاتفرحون هههه
اختي فقيدة امها اضحك الله سنك
مشكوووووورة والله يعطيك الف عافيه

[فقيدة امها]

المشاركة الأصلية كتبت بواسطة انثى الجزيره   هههههههه صح لسانها هالبخيل عشرة وعشرين الله يخلي لي الالفين شكرا ع الطرافه ي بعدي

بس ياشين الزوجه اذا ذلت زوجها مو حلومنها احس انها نكرت عشرته السنين الي سواه لها
من هنا يزهو الحرف بشذى حضورك غلاتي أنثى الجزيرة
لا حرمت من هالطله الحلوه

[فقيدة امها]

المشاركة الأصلية كتبت بواسطة ابو الوردتين   هههه توه يبين زينها وغلاها ههه يوم صارت ام خمس بحضن الزوجه تستقر هههه صدق الدنيا مصالح بس لي تعليق بسيط ترى الزوجه اذا حبت زوجها وحست انه مخلص لها عيونها تشيلهم وتعطيهم اياه لكن السؤال من يستاهل هذه العيون والعكس بالعس يابنات لاتفرحون هههه اختي فقيدة امها اضحك الله سنك مشكوووووورة والله يعطيك الف عافيه

هههههههههههه ايه وربي من يستاهل هذه العيون
اذا جينا للصدق اخوي ابو الوردتين المرأة اوفى من الرجل بكثير من ناحيه كل شيء
اسعدتني اطلالتك وتشريفك وتعقيبك
شكراً يليق بشخصك الكريم

[بقايا الذكريات]

ههههههه

من جد صار حافز حافزا لكل شاعر وشاعره

اسعدك ربي على هالقصيده والانتقاء يالغلا

[فقيدة امها]

المشاركة الأصلية كتبت بواسطة بقايا الذكريات   ههههههه من جد صار حافز حافزا لكل شاعر وشاعره اسعدك ربي على هالقصيده والانتقاء يالغلا

دوم هالضحكه يارب
يسعدني دوما وجود اعرفك هنا غلاتي
تزينين بها جنبات متصفحي بجمال اطلالتك
اسعدك المولى