كان المشاوير غلطه .. شوفتك عذري

[فقيدة امها]

كان المشاوير غلطه .. شوفتك عذري

والعشق كانه غلط .. بعيونك أعذاري

تحبني .. بس لو تدري مهو كثري
إسمك طواني غلا .. وإستوطن أقداري

من أول العام .. وأنت بخافقي تطري
قلي ؟؟ أجل كيف أبرجع وأنت مشواري

تقول الأشواق نار !! ومحرقه صدري
وش قولتك لو تحس شوي في ناري

ياصاحبي والغلا ماهو على خبري
الله من أيام راحت مالها طاري

بدري على البعد وعلوم الجفا بدري
توي معك ماوصلت لأول دياري

الطاري اللي يجي في غيبتك يغري
تطري متى مانسيتك .. حي هالطاري

وش حاجتي بالعمر لا ضيّعك عمري
سولف .. مدامك عن أسباب الزعل داري

أخبر بعض البشر لا باع ما يشري
بس أنت ماهقوتي بايع ولا شاري

أسقيت الأيام صبري .. مانفع صبري
شفني زبنت البحر من لجة أسراري

ياالله عسى بس عندك مانقص قدري
وإلا المصايب تراي لشيلها ضاري

جربت مره بغيرك ينشغل فكري
لقيتك اللي طرى في زحمة أفكاري

وإن كان تنشد عن أخباري ولا تدري

بس القصايد .. وطيفك .. آخر أخباري

[المحارب]

صح السان القائل سلمتي مشرفتنا معاني ومفردات نص جميل شكرا جزيلا
اختار منها
وان كان تنشد عن اخباري ولاتدري
بس القصائد وطيفك اخر اخباري

[فقيدة امها]

مرورك وردك هو الاجمل أخي الفاضل المحارب
أشكرك على هذا التواجد العطر
أسعدتني طلتك

[بقايا الذكريات]

فعلا ابيات تحاكي ما ياتي في الصدر والقلب عندما يغيب انسان عزيز

دمتي يالغلا ولا عدمتك

[انثى الجزيره]

الله الله ي زينها
مشاعر الكاتب رائعه لابعد حد
الف شكر ي الغاليه

[فقيدة امها]

المشاركة الأصلية كتبت بواسطة بقايا الذكريات   فعلا ابيات تحاكي ما ياتي في الصدر والقلب عندما يغيب انسان عزيز دمتي يالغلا ولا عدمتك

ودامت هالطله تعطر صفحاتي دوما
شكراً يليق بك على حضورك الجميل ي الغاليه
خمايل من الياسمين تعطر مرورك العذب

[فقيدة امها]

المشاركة الأصلية كتبت بواسطة انثى الجزيره   الله الله ي زينها مشاعر الكاتب رائعه لابعد حد الف شكر ي الغاليه

هلا وغلا غلاتي انثي الجزيره
كم اسعدني وجودك على ضفاف متصفحي
بروعة مرورك وجماله طلتك
شكراً لك