الصحراوية في دائرة الضوء

[شمعة سدير]

اللقاء مميز

مع واحده من أبرز عضوات المنتدى

يضيء ويشرف هذا اللقاء

العضوه الذهبيه وتستحقه بكل جداره







بداية أرحب بك أختي الغالية وأحب أن اطرح بين يديك هذه الاسئلة

وماذا يعني لك الوسام الذهبي ..

وماذا اعطاك منتدى سدير ... وما تنوين تقديمه له

[سعود الخليل]

[align=center]ماشاء الله ،،

الصحراويه هنا ؟؟!!

اختيار موفق كالعاده من شمعة سدير ،،

أرحب بالصحراويه الآن ولي عودة مرة أخرى بمشيئة الله بمجموعة من التساؤلات لتجيبنا عليها ،،،[/align]

[align=center]الاخت صحصح

عندي سؤالين واتمنى ان يتسع صدرك عليها


س1 : ما نظرتك المستقبلية تجاه الفتاة في خضم القنوات والغزو الفكري والشر محيط بها من كل جانب ؟

س2 : انتي وامك واختك الصغيرة واخوك الصغير وكابتن الطيارة يعني خمسة كلكم في الطيارة والله يستر قالوا الطيارة بتطيح ولازم واحد يطب عشان ما تطيح من تضحين فيه ؟؟؟>>>>>>>> امحق سؤال


تحياتي ومبروووووك التميز وتستاهلين [/align]

[Sub_Zero]

الصحراويه وقعتي في يدي

الموهم

عندي كم سؤال

وش رايتس فيني ؟؟ >> كم تبين ؟؟

هل انت من عشاق السيرلاك بالقمح ؟؟

لا بجد ماهي نظرتك المستقبليه >> تراها ماسرقته من مقام البدر ( وش اسوي ابي احط سؤال مثقف ماعرفت اجيب شئ )

ملاحظه

تجنبوا الاسئله الشخصيه (وش رايتس؟؟)

وفمان الله

[عاشقة سديـــر]

اختيار رائع ياشمعة سدير و تشكرااااات عالموضوع

ياهلا بالصحراويه تحت اللمبه منوووووووووره ...

طيب ... ماراح اقول ( لي عوده ) << اخاف ما اعود << متفشله من وراءالكواليس بس والله مالقيت أسأله تليق بمقامه كل ما جاء في بالي سؤال لقيتهم سألينه === >> شكلي طلعت برا الموضوع ( وجه مستحي )

عشان كذا خذي الاسئله (دي الوقتي )...

س1...ما رأي الصحراويه في :

*الزعتر خخخخخخخخخخ

*الليل

* منتديات سدير

* عاشقة سدير<< ربنا يجيب العواقب سليمه يااااارب


س2... يفضل البعض وضع همزه بعد حرف الالف في كتاباتهم

مثال ( اناء ) بدلا من ( انا ) !! .... (رحناء ) بدلا من ( رحنا) بمعنى ذهبنا .... الخ

ماهو رأي الصحراويه في هذا الاسلوب الغريب في الكتابه ؟؟ وهل سبق ان استخدمت الصحراويه هذا الاسلوب في كتاباتها << خخخخخخخ افضل الاجابه بأمانه و بدون لف ولا دوران ...<< طالعه نذله انا اليوم مدري وش سالفتي !!

ختاما ... ربنا يكون في عونك ... وبالتوفيق

[هرمنا]

اختيار رهييييييييييييييييييييييييييييييب

اجل طاحت دويزة في يدينا


بس حبيت احجز لي مكان الين اجمع لي كم سوعال

ولا اوصيكم ياجماعة ...هجووووووووووووووووم على الصحراوية

[من يفهمني]

سؤالي الاول : ليه اخترتي اسم الصحراويه؟
سؤالي الثاني : هل كلمه الصدق يزعل الشخص ؟
سؤالي الثالثه : اليتيم من فارق احد ابويه او اليتيم من فارق حسن الالخلاق؟
سؤالي الربع:في مرحله انتي في الدراسه ؟ لو قالتي الجامعه وش تخططك؟

[الصحراوية]

اهلا با الجميع ..

اختي الغاليه شمعه سدير

اشكرك على ها الاستضافه واتمنى اان شا الله اكون قدها ..واقدر افيد الاعضاء من خلالها

نستلم اسئلتك خيتو

ماذا يعني لك الوسام الذهبي ..؟


والله يعني لي الثقه الكبيره اللي اعطوني اياها المشرفين الاعزاء ,,وهذا الشي يخليني ابذل جهد اكبر ومضاعف عشان اقدر اقدم كل شي مهم للمنتدى الغالي على قلبي ..


وماذا اعطاك منتدى سدير ... وما تنوين تقديمه له ؟
اعطاني المساحه لاعبر عن رائيي واتعرف على وجهاة نظر الاخرين في التفكير ..وانوي تقديم كل ماهو جديد ومفيد لهذا المنتدى..

اشكرك اختي شمعه ..


اخوي راعي الاوله

هلابك يا اخوي وفي انتظار اسئلتك ,,وتقبل تحياتي

[الصحراوية]

مقام البدر

هلا والله با المدرس >>>>>ماراح افك عنك ها الصفه الا لما تسميني الصحراويه زي الناس

نستلم اسئلتك

س1 : ما نظرتك المستقبلية تجاه الفتاة في خضم القنوات والغزو الفكري والشر محيط بها من كل جانب ؟

والله انا نظرتي متفأئله بخصوص البنت اللي محافظه على نفسها وتخاف ربها ,,وفي نفس الوقت متشائمه بأتجاه الفتاة اللي مثل الاسفنج قابله لامتصاص اي شي ,سوا مفيد او لا


س2 : انتي وامك واختك الصغيرة واخوك الصغير وكابتن الطيارة يعني خمسة كلكم في الطيارة والله يستر قالوا الطيارة بتطيح ولازم واحد يطب عشان ما تطيح من تضحين فيه ؟؟؟

سهله انطل الكابتن واحول الطيران في الطياره على الطيران الالي<<<<لاتصعب اسئله الاختبار مره ثانيه


تحياتي لك ومشكوووووووووووور على الطله

[الصحراوية]

يا هلا والله وغلا ببعدي يا Sub_Zero ,, .

هاتي الاسئله:

وش رايتس فيني ؟؟

والله تهبلين الله لايحرمني من ذا الخشه يارب


هل انت من عشاق السيرلاك بالقمح ؟؟

لازم الاحراج يا دوبا ,,بعدين تعالي وش صار على علبه السيرلاك اللي شريتيها اخر مره خلصتيها <<<<فضيحه


تجنبوا الاسئله الشخصيه (وش رايتس؟؟) >>>>يلوموني
يابعد عمري انتي كذا

تشكراااااااااااات على الطله الحلوه يا زيررووووووووووه

[وراءالكواليس]

اهلا اهلا....


جاء يومك يالصحراويه....


حان وقت الانتقام<<<<<<< يحسب الدعوى نذاله

هذي بعض من الاسئله.......وانشاء الله اجيب معي كحشه زود


بس مهوب هالحين


1-شلون عرفتي المنتدى...ومن الي عرفتك عليه... وهل صار لك صديقات من المنتدى...؟؟

2_وش طموحك في المنتدى...وهل تحسين انك سويتي شيء فيه...؟

3-مواقف لا تنسى في حياتك....(نتمنى انها تكون جديده واول مره تطلع على الشاشه)

4-هل لك نيه انك تجحدي المنتدى خلال فترة الدراسه ...وماهي استعداداتك للمدرسه من دفاتر وبرايات واقلام مرسم ومحايات...<<<ممنوع التهرب من هالسؤال...



ووووسلامتك


واعذروني على الاسئله بس حبيت اسجل حضوري بهالكم سؤال..


تحياتي

[الصحراوية]

عاشقة سديـــر

س1...ما رأي الصحراويه في :

*الزعتر = عادي نعمه والحمد لله ,,


*الليل = احلى وقت با اليوم كله ,,يعني هدوء وبراد وتحس بوناسه غير سبحان الله وتصدقين احيانا اقول ياليت الدنيا كلها ليل

* منتديات سدير
افضل منتديات اشتركت فيها من يوم عرفت النت


* عاشقة سدير
وناستها الحقيقيه احراج الناس
لا والله من جد الله لايحرمني منك يا قلبي m


وبعدين يا الشينه وش ها السؤال الاخير خلاص فتره غبيه مريت فيها وراحت يعني لازم فضايح


بس تبين الصراحه ها الهمزه لها ذكريات خاصه عندي

تحياتي لك يا عويشقه ,,والله يلبسك العافيه على الطله

[الصحراوية]

السبعين

الله يعيني على اسئلتك ,,شكلها بتجيب خبري


...هجووووووووووووووووم على الصحراوية<<خل عنك الشماته
ياحفيد السبعاويه


تحياتي لك وفي انتظار اسعلتك

[الصحراوية]

من يفهمني

ليه اخترتي اسم الصحراويه؟
انا قد قلت السبب من قبل ومايمنع اني اذكره هنا ,,وهو ان الاسم اعجبني كلقب فقط لا اقل ولا اكثر يعني مو معناته اني مثلا احب الصحرا او اعشقها با العكس انا اكرها مرره..


هل كلمه الصدق يزعل الشخص ؟
كلمه الصدق نفسها ماتزعل ,,بس اللي يزعل الاسلوب يعني كيفية الطريقه اللي تقال بها ها الكلمه ...


اليتيم من فارق احد ابويه او اليتيم من فارق حسن الالخلاق؟


صراحه هو يتيم في كلا الحالتين ,,لانه الوالدين هما نبراس الحياة ,,والاخلاق هي زينة الشخص ,وبا التالي يعتبر الشخص يتيم بفقد احدهما


في اي مرحله في الدراسه انتي؟ لو قلتي الجامعه وش تخطيطك؟

انا في المرحله الجامعيه ,,وتخطيط بس ابي اتخرج واخلص في اسرع وقت

تحياتي

[الصحراوية]

هلا والله اخوي وراءالكواليس

وليش الانتقام <<<نست انها معطيتك 13 سؤال في موضوعك

طيب نستلم الاسئله


-شلون عرفتي المنتدى...ومن الي عرفتك عليه... وهل صار لك صديقات من المنتدى...؟؟

عرفت المنتدى عن طريق حبيبت البي الزيروووه ,,وبا النسبه لصديقات المنتدى ,,عاشقه سدير وصديقتي خلقه وماعرفت الا شمعه سدير بس لانها صديقه الزيررووووه فعرفتني عليها ..

2_وش طموحك في المنتدى...وهل تحسين انك سويتي شيء فيه...؟
طموحي انه يستمر ها المنتدى الغالي بها النشاط ,,والحيويه وتستمر المواضيع الهادفه اللي فيه ,,,وبا النسبه لي اتمنى والله من كل قلبي اني قدرت اسوي ولو شي بيسط لها المنتدى ..

-مواقف لا تنسى في حياتك....(نتمنى انها تكون جديده واول مره تطلع على الشاشه)
ابجاوبك على ها السؤال بس بعدين لاني الحين مافي راسي اي موقف ..



4-هل لك نيه انك تجحدي المنتدى خلال فترة الدراسه ...وماهي استعداداتك للمدرسه من دفاتر وبرايات واقلام مرسم ومحايات...<<<ممنوع التهرب من هالسؤال

لا ان شا الله ..

يعني مو ضار اذا الواحد فرغ نفسه في اليوم ساعه او نص ساعه ,,

وما هي استعداداتك من دفاتر وبرايات واقلام مرسم ومحايات..<<<<يازينها والله يحللها عند ها الدفاتر امهات ميتين صفحه وياللله تكفي بعد

تحياتي لك وفي انتظار الجزء الثاني من اسئلتك ,,ويا هلا بك