أمــانــي

[عزيز]

[poem=font="Simplified Arabic,4,black,bold,normal" bkcolor="transparent" bkimage="backgrounds/11.gif" border="double,4,black" type=0 line=0 align=center use=ex num="0,black"]
أمـــاني

لا تنقضين جروح حبٍ نسيتيه *=* خليه خافي عن بعيدٍ وداني
كثير مثلك لقيوا اللي لقيتيه *=* كلٍ من جروح المحبة يعاني
الجرح يجمعنا سوا في خطاويه *=* وأيامنا تـمضي بليا حناني
والشوق يحرقنا يبي الحب يحييه *=* والخوف يتركنا بليا مواني
نحتار ما ندري وش اللي نسويه *=* مع الزمان اللي كواك وكواني
كنت أتـمنى لي حبيبٍ أناجيه *=* وألقى معه ما ضاع مع شخص ثاني
يومي لقيتك قلت هذي مواريه *=* هذا الحبيب اللي تـمنيت جاني
وأبديت لك شيئٍ عن الناس مخفيه *=* سحر عيونك حل عقدة لساني
وأصغيت لك في كل هرجٍ تقوليه *=* نسيت ربعي والزمان ومكاني
لكن حسافة ما يدوم الهنا ليه ؟ *=* وقت السعادة راح كنه ثواني
رحتي وراحت راحتي عشت في تيه *=* محتار مدري كيف ربي بلاني
أخذت قلبي صار يسهر لياليه *=* أرجوك رده يا رهيف الثماني
رده ترى ما يحتمل فوق ما فيه *=* يكفيه جرحٍ واحدٍ في الزماني
خله يعيش أحلام والحلم يكفيه *=* يكفيه إنه عايشٍ مع أماني

كلمات : عزيز[/poem]