خواتي الحبيبات عندي لكم طريقة دونت سهله ولذيذه جدا جدا
صدقوني كل اللي يذوقونه بينهبلون عليه
وجربوا وقولوا رايكم
الطريقه والمقادير يا حلوين
اول شي لازم تسمون بالرحمن وتتوكلون على الله
المقادير
3 كاسات طحين
3 ملاعق حليب
فنجان قهوة سكر
بيالة شاهي زيت
ملعقه كبيره خميره
رشه خفيفه ملح
كاسين مويه دافيه بس مو دافيه مره بس خففي برودته شوي خاصه هاليومين للعجن
تخلطين المقاديرمع بعض وتعجنينهم بالمويه وتحاولين وانتي تعجنين ترفعين العجينه علشان يدخل فيها هواء وتخمربسرعه وتطولين وانتي تعجنين فيها طبعا بتكون خفيفه معك نوع ما وهذا عز الطلب
بعد ما تخمر تقريبا ايام الصيف يبيلها حوالي ساعه الا ربع ايام الشتاء يمكن ساعه ونص او اقل على حسب دفى المكان
عموما بعد ما تخمر ترشين طاوله بالطحين وتفردين العجينه وتفردينها بالفراده مع تقليبها على الجهتين حتى ما تلصق
وتخلين سمكها حوالي 1 سم وتبديت تقطينها دوائر بقطاعة الدونت او اذا ما كان عندك ممكن بكاسة مويه وبالنص تستخدمين غطاء غرشه زي موية الورد او زيت الزيتزن لانها حاده وتساعدك على التقطيع السريع
وبعدين تضعينها بالزيت الحار للقلي بس ما يكون حار جدا لانه ممكن يتغير لونه من برى ويبقى معجن من داخل فاهم شي الزيت يكون مناسب وتقلينه الى ان ينتفخ ويصير لونه ذهبي
وصدقوني ما راح يشرب زيت ابدا ابد وبيكون ناااااااااااااااااااشف تماما
بعدها تغمسينه بالسكر المطحون وترصينه بطبق التقديم
ونتمنى ان يحوز على رضاكم وبالهناء والعافيه
17-02-2005, 08:37 AM
)
العرض العادي
