تبي الاحباط ادخل منتدى سدير(اذا بتشارك والالاتدخل)

[المدير]

مساكم الله بالخير ياحبايبي واهلي. ترددت كثير قبل لااكتب هالموضوع(اتمنى انه ماينحذف)
في البدايه يمكن يكون الموضوع قاسي شوي بس والله ماقلته الالحبي لهالمنتدى .
وبصراحه النداء موجه في البدايه لي انا ولكل المشرفين بالاخص والاعضاء عامه.
لفت نظري انه فيه مواضيع كثيره مره حلوه ومفيده بس ماتلقى احد يرد عليها ولاكأن الموضوع مكتوب.
يمكن ماحسيت بهالشي الايوم كتبت ولا لقيت ردة الفعل اللي كنت متوقعها كنت انقهر اذالقيت عدد القراءات فوق الثلاثين والرد ثنين او ثلاثه حتى ولو كان الموضوع مهوب معجبك اوماكان لك تعليق عليه شارك بس انك قريته واشكر صاحبه .
مولازم انك ترد الااذاكان لك وجهه نظر اوتعليق على الموضوع اولك علاقه بكاتب الموضوع ،حط لو ردفاضي المهم حسس العضو اللي كتب الموضوع بالوجود وانه في منتدى اهله .

ترى الردود اللي حنا متساهلين بها لها اهميه كبيره وبعض الاحيان تزيد في قيمه الموضوع المطروح.

اول ماكنت ارد الانادر بس انشالله من الحين راح ارد على كل موضوع بقراه.
كلمه للمشرفين وش الفايده اذا انك مشرف بالاسم فقط( والله ادري ان عندكم مسئوليات وارتباطات) المفروض ان كل موضوع ينكتب في منتداك ترد عليه قبل اي واحد .


وفي الختام كل اللي اقوله هذا منتدانا اذا الواحد مالقى تشجيع صدقوني ماراح يتقدم منتدانا ولا بتلقى حماس من المواضيع المشاركه.

[blink]أمنيه:[/blink]

اتمنى اني القى في كل موضوع عدد الردود مقارب لعدد القراءات حتى ولو نصف العدد.
انشالله اشوف أول نتيجه في هذا الموضوع اللي اتمنى اني ماجرحت فيه احد.


[blink]اخوكم المدير[/blink]

[سعود الخليل]

حياك الله أخوي المدير

بالنسبة لموضوعك فهو موضوع مهم جداً فكم هو محبط ان تجتهد في موضوع وتبحث لتقدم ما تعتقد بأنه سيلاقي إقبال وردود ونقاشات ولكن تفاجأ بأن لا أحد يحس بتعبك وقد يذهب موضوعك بلا ردود نهائياً !!!
ولكن أخي العزيز هذه المشكله لا نعاني منها في منتديات سدير بل كل المنتديات تعاني منها فكثير من الأعضاء لا يهتم بالردود بالرغم من أهميتها للكاتب فليضع كل واحد منا نفسه في مكان الكاتب وليحس بإحساسه قبل أن يخرج من الموضوع بلا تسجيل حضور ...

،،،،، تمنياتي بالتوفيق للجميع .....

[miss sudeer]

ولايهمك !

[محمد العوهلي]

جزاك الله خير
جزاك الله خير



لأني دخلت مرتين

وتسلم على ها الموضوع

[ولد الشيخ]

اشكرك وهذا ردي من اول مادخلت على الموضوع

[عاشق عودة سدير]

ولايهمك

[*****]

[align=center]

عزم من الحين أرد على جميع المواضيع..

مشكووور أخوي المدير..

..[/align]

[مالي غيرك]

ابشر ياحضرة المدير سوف البي ماطلبت على الرغم اني ماسبق ان دخلت على موضوع الا ورديت عليه ......واحد صادق ., ةالله اعلم ..الى اللقاء 0

[فهد المنيع]

كلامك على العين والراس ..


والاخوان علقوا على الموضوع ..

[السنبلة]

شكراً لك على هذا الطرح.. وهذا الموضوع الذي يهم كل عضو..


قد يكون السبب في عدم الرد هو أن بعض الأعضاء لا يهمه أن يكتب بقدر ما يهمه مالذي يكتب (ومنهم أنا).. يعني (للي ما فهم) إما أن يكتب تعليقاً مفيداً.. أو يفضل عدم الرد..

وقد يكون السبب كما ذكر الاخوة (التعيجز) والكسل..


وربما يكون (العضو) مشغولاً وبالكاد يفرغ للقراءة..

وقد يكون السبب أن العضو يتفاجأ من البعد بين العنوان والموضوع المكتوب فتقل شحنات الحماس عنده..


وقد يكون ذلك لأسباب أخرى تختلف من شخص لآخر..


وبإذن الله من الآن سوف أحااااول أن أرد على كل موضوع أقراه


شكراً مرة أخرى لك أخي المدير... وما ذكرته أمر ملااااحظ.. وليس في منتدى سدير وحده بل في أغلب المنتديات..



* السنبلة * 1426هـ [/frame]

[ابو هاجر]

[align=center]المدير

أسئل الله أن يحقق امنيتك[/align]

[سمسومه]

لك مني إن شاء الله أول ما أقرأ أرد ....

أظن إن المعناة هذي عندك وعندنا منها خير ...

تحياتي وشكري لك .......

[جود الحزن]

انا اتشرف ارد على اي موضوع بس المشكله الصفحات ماتفتح بسهوله

عموما تحياتي يالمدير

[جنون]

[grade="8B0000 FF0000 FF7F50"][align=center]اخوي الغالي المدير..
والله انك فتحت فينا جروح وانا اخوك..
من جد الواحد مايحس بالشي الا اذا جربه..
في الحقيقة..انا اقول لكل واحد..احسن من انك تدخل وتطلع وانت ماكتبت شي..اكتب الله يجزاك خير..اقسم بالله ان لها تأثير..
وانا بأتكلم عن نفسي..كل موضوع ادخله ارد عليه..ويمكن ماتكون ردودي على مستوى..يعني اتوقع لو تشوفون ردودي..كلها الله يجزاك خير..الله يعطيك العافيه..بس والله اني احسن من اللي مايكتب..شي..
بس والله بأكون صريح..احيان انا ادخل وماارد..والسبب..الجهاز عندي زفت..والله اني اكتب الرد وكل شي..بس النهايه..لايمكن العثور على الصفحة..بس والله احاول ثانيه..بعض الاحيان اطلع بنتيجه..وبعض الاحيان..اطلع وانا مارديت..فانا اعتذر يعني..هذا جهازي وش اسوي له..
على كل حال انا باحاول اني ارد على كل موضوع اقراه..من اليوم..
وودي اقول نقطه..ترى الهدف من الاشتراك في المنتدى..مهب تنزيل المواضيع وبس..
شارك..وناقش..والله لو يقعد المنتدى اسبوع..وماتنزل فيه مواضيع جديدة..بس انهم يتناقشون في مواضيع ثانية..اتوقع انه احسن من انهم ينزلون عشر مواضيع في اليوم..وتلقى الواحد منهم اذا دخل في موضوع ورد عليه..ماعاد يرجع له ثانية..بس يبي يلحق على المواضيع الثانية..واذا تبون الجد..احس مافيه فائدة..اذا صار مافيه اخذ وعطى..مانستفيد من اي شي..وهذي وجهة نظري..
ارجع واقول..وانا اخوك ياالمدير..لاتزعل ولا تتضايق..ان شاء الله بتشوف اللي يرضيك ويسرك..باذن الله تعالى..
تقبل تحيات اخوك.....جنـــون..[/align][/grade]

[وراءالكواليس]

مشكور اخوي المدير على هذا الموضوع


ولكن المسأله ترى مهيب سهله وخاصة علينا كمشرفين

وخلني اتكلم عن نفسي


تصور ماعندي فرصه اكثر من ساعتين او ثلاث بالكثير ولاهو كل يوم

وعندي التزامات كثير

دوام صباحي يومي الى الساعه 2

ودوام مسائي الى 11 في الليل من 5 العصر

وطبعا هذا غير اوقات الرااحه واوقات الغداء والعشاء وايضا الاعمال والمسؤوليات الخاصه

........؟؟؟

لكن مع هذه احاول جاهد اني ارد على اغلب المواضيع

ولكن الدور والباقي على الناس الي فالحه كل يوم تنزل موضوع جديد

ولا عمرها ردة على موضوع غير موضوعها

وترى التنافس شديد وحماس في البحث عن مواضيع جديده يملى فيها المنتدى

ولو فيه جائزه للعضو الي يشارك بالردود كان شفت وشلون الردود

المشكله ايضا في ان بعض المواضيع ما تلقى اهتمام

الا في البدايه فقط

وبعدين تهمل

وبصراحه اكثر اقصد موضوع المشرف ابا المياه في منتدىالجوال

وهو موضوع مقاطع الفيديو

الرجال يتعب ويحول ويرفعها على النت ويجمع للمنتدى

وتلقى تحميل الملفات 1 والا 2

يعني تدري انه لا ردود ولا تفاعل

مثل هذا ما نلومه لو خذ عفشه وراح ( طبعا كلنا ندري انه ما يسويها وهو اكبر من هالشي)

التفاعل بالردود شيء مهم