ألعاب منزلية..من العم جنون..

[جنون]

[frame="10 80"][align=center]السلام عليكم..
وش أخباركم؟؟
طبعا انتم عارفين إن العطلة تكثر فيها الاجتماعات العائلية..
وأحيانا ودك تتميلح وتغير جو القعدة بمسابقات بسيطة..
وبنفس الوقت تنبسطون وتستانسون..
علشان كذا أنا جيب لكم أفكار العاب منزلية ممكن انك تسويها في اجتماعاتكم..سواء كنتم مجتمعين في البيت أو استراحة أو حتى بر..
وما تحتاج أغراض كثيرة..
اللعبة الأولى..
اسمها لعبة النذالة..
اللعبة حلوة وبتنبسطون فيها وبتضحكون على أشكالكم..
مااطول عليك طريقة اللعبة..
اللعبة ماتحتاج تقسيم فريقين ولاشي..
خلكم مجموعة وحدة..
وبعدين تقول رقم بحيث انه يكون اقل من المتسابقين بواحد..أو تقول رقمين أو ثلاثة المهم إن المجموع أقل من المتسابقين بواحد..
أول ما تقول الرقم يتجمعون ويتماسكون بيديهم على حسب الرقم أو الأرقام اللي قلتها ويتنيذلون على واحد وما يدخلونه معاهم ويطلع..
ونفس الحركة كمل على هذي الطريقة..
في النهاية بيبقى لك اثنين هم الفايزين..
مثال على هذي اللعبة..
عدد المجموعة 6 ممكن انك تقول 3,2
او تقول 5
في كل الحالات بيصير فيه واحد مسيكين ضعيف ماعنده أحد يطلع برا..
وكملوا على هالحال..
****
اللعبة الثانية..
لعبة المربع المحتار..
اللعبة هذي يبي لها أغراض وهي..
حبل قوي ومتين..وأي شي ثاني يمسكونه لو بيالات المهم أي شي متوفر عندك..
طريقة اللعبة..
طبعا في حالة الفريقين ترشح لك من كل فريق لاعبين..
وبعدين تربط الحبل بقوة مع أطرافه..
وتأكد إن الحبل مهما سحب مستحيل ينفك..
وبعدين كل لاعب يمسك الحبل من برا..بحيث يكونون اللاعبين برا الحبل..عساكم فهمتوا وشلون..
بحيث يكون شكلهم وهم ماسكين الحبل مربع ويكون كل لاعب في زاوية يقابل خوية في نفس الزاوية..يعني مايصير جنبه..
بعدين حط قدام كل واحد بياله أو أي شي بحيث انه تصير بعيده عنه شوي مهوب مرة بس شوي أهم شي مايمسكها وهو في مكانه..
وبعدين تعد من واحد إلى ثلاثة<<متحمس وهو يوصف لكم..
بمجرد ما تقول ثلاثة يبدون يسحبون بعض..
الين ياخذ واحد فيهم البيالة أو الشي اللي أنت حاطه..
وبعدين تخلص اللعبة..
وترى مهب لازم كل اللاعبين من الفريق ياخذون البيالة واحد منهم يكفي..
وطبعا انواع الضحك وهم يسحبون الحبل..
وللاذكياء اذا لعبوا واحد من اللاعبين يرخي والثاني يشد بحيث انه يفوز بسرعة..
***


هذي لعبتين بس..
اخاف اكتب واتعب نفسي ولااحد يبي..
ترى عندي اكثر من لعبة..
اذا تبوني اكمل كملت..
واللي عنده أي لعبة ياليت يكتبها لنا..
واذا فيه لعبة مافهمتها قل لي..
وانا مستعد اوضحها لك بشكل أكثر..
وتقبلوا تحيات:
العم جنون..[/align][/frame]

[ابن الحرمين]

شكرااااااااااااا اختي جنون

العبه وووووووواضحها

اللعاب هذي يحبونه المراكز الصيفيه

واضحه مابقى الا التجربه

[شريك المشاكس]

والله بدينا ننافس يا العم جنون


سو اتحاد مع المهيدب خخخخ

[جنون]

المشاركة الأصلية كتبت بواسطة ابن الحرمين   شكرااااااااااااا اختي جنون العبه وووووووواضحها اللعاب هذي يحبونه المراكز الصيفيه واضحه مابقى الا التجربه

[frame="10 80"][align=center]هلا بك اخوي الغالي..
اول شي انا اخوك جنون مهوب اختك جنون..
ومشكور اخوي على المرور الحلو..
نورت الموضوع ياغالي..
واذا جربت عطني النتيجة..[/align][/frame]

[جنون]

المشاركة الأصلية كتبت بواسطة شريك المشاكس   والله بدينا ننافس يا العم جنون سو اتحاد مع المهيدب خخخخ

[frame="10 80"][align=center]هلا وغلا باخوي شريك..
نورت الموضوع بطلتك ياغالي..
يابن الحلال بنخليها شركة مساهمة(جنون المهيدب المتحدة)..
يالله ترى المساهمة لمدة اسبوع واحد وبسس..[/align][/frame]

[دكتور المنتدى]

بصراحة العاب روووووووووووعة...مادام من العم جنون

بأسوي اتحاد مع خيوي شريكوه..والا تبيني اصير معك ونغلب شريك المشاكس

شاكر لك اخوي جنون على الالعاب الجميلة التي توسع الصدر...واذا في العاب اتحفنا طالع عمرك

تحياتي وتقديري

[سعد القاسم]

هلا والله بسعة الصدر كلها ياابعدي ...
تبي الصرااحه موضوع حلو يقوي الاجتماعات ويكسر الحواجز بين الاسره او الزملاء .. كفره ممتاز .. واما المحتوى .. ومايتضمن من العاب او مساباقات ففيه الكثير والكثير .....
... افكار كثيره ممكنا تضيف على الجلسه روح المحبه والوئام...
ولكن فيه ناس ماتعجبهم الثقافه .. ولا المرح فيما يرضي الله .. بل البعض تجده ...
لابد يفعل حرام علشان ينبسط .. وسبحان الله كن مافي بسطه الا في حرام ..
فالحمدلله على كل حال .. وكثيرلي مثل هالمشاااركات يااجنون .
اخووك سقم واسف جدا على الاطاله ..

[جنون]

المشاركة الأصلية كتبت بواسطة دكتور المنتدى   بصراحة العاب روووووووووووعة...مادام من العم جنون بأسوي اتحاد مع خيوي شريكوه..والا تبيني اصير معك ونغلب شريك المشاكس شاكر لك اخوي جنون على الالعاب الجميلة التي توسع الصدر...واذا في العاب اتحفنا طالع عمرك تحياتي وتقديري

[frame="10 80"][align=center]هلا وغلا باخوي دكتور المنتدى..
نورت الموضوع بطلتك ياغالي..
وش دعوة كلنا ربع وحبايب..(بس وش رايك نوقف ضد شريك)..
والشكر موصول لك ياغالي على المرور..
وابشر بالالعاب اللي تسرك..
راح اكمل لكم ان شاء الله..[/align][/frame]

[جنون]

المشاركة الأصلية كتبت بواسطة س ق م سدير   هلا والله بسعة الصدر كلها ياابعدي ... تبي الصرااحه موضوع حلو يقوي الاجتماعات ويكسر الحواجز بين الاسره او الزملاء .. كفره ممتاز .. واما المحتوى .. ومايتضمن من العاب او مساباقات ففيه الكثير والكثير ..... ... افكار كثيره ممكنا تضيف على الجلسه روح المحبه والوئام... ولكن فيه ناس ماتعجبهم الثقافه .. ولا المرح فيما يرضي الله .. بل البعض تجده ... لابد يفعل حرام علشان ينبسط .. وسبحان الله كن مافي بسطه الا في حرام .. فالحمدلله على كل حال .. وكثيرلي مثل هالمشاااركات يااجنون . اخووك سقم واسف جدا على الاطاله ..

[frame="10 80"][align=center]هلا بك ياغالي..
صدقت اخوي..
وبعض الناس وده يسوي بس يشيل هم ومايدري بيتقبلون اللي معاه والا..لا؟؟
وبمجرد مايسوي المسابقات يتغير الجو..
وينبسطون..وبنفس الوقت تقوى العلاقات بينهم..
وانا مجرب الشي هذا..
وهذي فرصة عطلة والاجتماعات تكثر..
يعني الوقت مناسب مرة..
والله انا اتمنى ان الكل يستفيد من هالمسابقات..
وعسى الله ينفع بها..
الله يجزاك خير اخوي على المرور والرد..
والله لايحرمنا منك.. [/align][/frame]

[ابو نون]

[align=center]ما شاء الله عليك يا العم جنون


بصراحه أنا متحمس ألعب.....أحد يلعب معي؟؟؟[/align]

[جورية]

يعطيك العافيه عموووووووووووو جنون

العاب جدا جميله بطبعها عندي علشان يمكن نحتاجها في حفل مركز او مهرجان او ملتقى

والله العاب جدا حماسية وحلوة

يعطيك العافيه وبانتظار المزيد

[المدير]

الف شكر ياخوي الغالي
وبانتظار الجديد

[جنون]

[frame="10 80"][align=center]قوة حبايبي..
أنا جايكم وجايب معاي العاب جديدة..
مااطول عليكم وأترككم مع الألعاب..
***
لعبة الفلين..
تجيب فلين وتقطعه مربعات صغيره..ويفضل تكون كثيرة مرة..
بعدين تكتب أسئلة في ورقة خارجية..والإجابات تكون في هالفلينات..يعني كل جواب في فلينة..
ويفضل تكون الفلينات أكثر من الأسئلة علشان تحوسهم..وعلشان تحس بمتعة أكثر حط إجابات مقاربة للأجوبة الصحيحة طبعا غير الإجابة الصحيحة..
بعد ماتكتبها إذا جيت تلعبها..
تقسمهم لمجموعتين أو ثلاث..
وبعدين تنثر الفلينات الصغار في المكان اللي تلعبون فيه وتكون مقلوبة يعني الإجابة محد يشوفها..
وبعدين كل فريق يرشح لاعب واحد..ويكون حولهم..وبعد ماتقول السؤال ينطلق اللاعبين ويدورون الاجابة واللي يلقاها الاول هو الفايز..
واحسب بالنقاط والاكثر هو الفايز..
خل الاسئلة كثيرة علشان يطول الوقت..
***
اللعبة الجاية لعبة الساعة..
تجيب حبل وتخليه على شكل دائرة..طبعا يكونون فريقين..يعني حبلين ودائرتين..
وبعدين تجيب اوراق تكتب فيها ارقام من 1 الى 12 وتحطها داخل الدائرة..بحيث تكون على شكل ساعة..
بعدها يرشح كل فريق ثلاثة لاعبين..واحد منهم يمثل عقرب الساعة..والثاني عقرب الدقايق والثالث عقرب الثواني..
وبعدين قل انت أي ساعة في بالك وهم يمثلونها والفريق اللي يمثل الاول هو الفايز..
وعلشان تخربطهم أكثر لاتقول الساعة وحدة وربع أو نص..
قل وحدة و15 دقيقة و3 ثواني..
وشف اشكالهم وهم يمثلون..
وبـــــــس..
***
لعبة الامثال..
واتوقع اللعبة هذي معروفة عند الاغلبية..
وهذي طريقتها للي مايعرفها..
تجيب مثل وتطلب من أي واحد يمثل المثل بشكل صامت..
وبدون ماينطق أو يتكلم بالحركات وبس..
اتوقع اللعبة واضحة..
وترى اللعبة هذي ممتعة وحلوة..
واذا تبون الجد مافيه أي اجتماع نجتمع فيه الا ونلعب هذي اللعبة..لدرجة صرنا حافظين الامثال..وتقدرون تقولون مثلنا الامثال كلها..
وفيه طريقة ثانية لها..
تجيب سبورة او لوح..وتخلي كل فريق يمثل المثل بالرسم وبدون ماينطق أي كلمة..
شف الفكرة اللي تعجبك وسوها..
***
لعبة الاكياس المثقوبة..
طريقة اللعبة جب لك كيسين حجمها صغير وبعدين حط فيها ثقوب باي شي عندك ويفضل تكون متوسطة حجمها..
وبعدين جب علبتين وحط فيها موية وحطها في مكان واحد..
وفي الجهة المقابلة لها حط علب فاضية..
وبعدين يطلع من كل فريق لاعبين..وتعطيه كيسة ويروح يعبي موية وبعدين يحطها في العلبة الفاضية..
واللي يخلص الاول هو الفايز وبنفس الوقت تكون علبتهم أكثر موية..
وعلشان تاخذ احتياطك ومايصير فيه جدال..
اذا بغيت تثقب الاكياس حطها تحت بعض واثقبها مع بعض علشان مايقولون هذي أكثر ثقوب من هذي..
خلصت اللعبة..
***
لعبة تعقيد الحبل..
اللعبة تعطي كل لاعب حبل ويكون طويل شوي..
ويبدون يعقدون (يربطون) الحبل وتحدد لهم وقت معين..وبعدين الفريق الفايز هو الاكثر عقد في الحبل..
وبعد اللعبة هذي مباشرة..
طلع لاعبين ثانين..
وعطهم الحبل المعقد وخل العقد متساوية في كل حبل..
وخلهم يفكونها والفريق الفايز هو اللي يخلص من فك العقد الاول..
وبكذا تكون لعبتهم لعبتين بنفس الوقت..
***
اتمنى انكم تستفيدون منها..
واذا محتاجين توضيح زيادة تراي حاضر ومستعد..
اهم شي رضاكم وسعادتكم حبايب قلبي..[/align][/frame]

[دكتور المنتدى]

يسلموا يدينك العم جنون على الالعاب الجميلة

الله يذكرك بالشهادة...ذكرتني بلعبة الامثال...كنا نلعبها مع زملائي ايام الثانوية...بصراحة اللعبة حلوة

اذا في العاب زيادة...لا تبخل علينا...والا مقصر...اتعبناك من كثر ما يطلب

الله يعطيك الف العافية اخوي جنون على الالعاب...ولا يحرمنا من مشاركاتك

تقبل مني فائق التحايا،،،

اخوك المحب

دكتور المنتدى

[جنون]

المشاركة الأصلية كتبت بواسطة ابو نون   [align=center]ما شاء الله عليك يا العم جنون بصراحه أنا متحمس ألعب.....أحد يلعب معي؟؟؟[/align]

[frame="10 80"][align=center]هلا وغلا اخوي ابو نون..
انا مستعد العب معاك ولا يهمك..
بس وين الوعد فيه؟؟
وشاكر لك اخوي الغالي الرد..
الله لايحرمنا منك..[/align][/frame]