شاعرنا هو الامير سعود بن عبدالله بن محمد بن عبدالرحمن آل سعود
من مواليد حي البديعة بالرياض سنة1970
توفي والدة وهو في الثالثة من عمره له من الاخوة عشره ستة اولاد واربعة بنات
متزوج من الاميرة نوف بنت سلطان بن سعود بن عبدالله آل سعود
لدية اربعة من الابناء وهم عبدالله و وسلطان والعنود وفيصل
يحمل شهادة الماجستير في الادارة العامة من جامعة الملك عبد العزيز
كتب الشعر وهو ابن الرابعة عشر ونشرت له اول قصيدة عام1987
[poem=font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياصاحبي لايسرى الليـل بـدري=خلك بوسط الدار لاتجـرح الليـل
الليل تـوه وان تجليـت يسـري=ولليـل نـاس ماتمـل التعالـيـل
خلك على تجريح الاحباب حـذري=ماتدري ان الليل ستر المواصيـل
ياحبي اللي بين عينـي وصـدري=يافرحي الماضي وخوف المقابيـل
الدم يجري في عروقـي وتجـري=انا الصحاري وانت معشوقها السيل
يضيع في وصفك كلامي وشعـري=اشبهك بالريم وأوصفـك بالخيـل
للقلب عين وانت للعيـن مغـري=يامحٌرح القمـرا بسـود مظاليـل [/poem]
يامطول الليـل الخواطـر كثيـرة
أتعبني الهوجاس وأتعبنـي الليـل
خليتني من بيـن يـأس وحيـرة
طال انتظاري وأنت طولت بالحيل
كل المشاعر في غيابك كسيـره
وأنت بظلام العمر للعمـر قنديـل
عين تشوف وماتشوفك ضريـره
عيد الغلا بعد العذاب المواصيـل
جرحك حبيبي مايجي مثل غيـره
احتاج جرحك حاجه ألارض للسيل
للحب نشـوه والليالـي قصيـره
يانور ليل الحب عـذب التعاليـل
الليـل للعشـاق دنيـا كبـيـره
والصبر خطوه في دروب المقابيل
[poem=font="Simplified Arabic,4,teal,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تدري انك غير كـل النـاس والله=وتدري ان الحب مخلوق(ن)عشانك
ياحبيب الروح خذت القلـب كلـه=والحنان اللـي بهالدنيـا حنانـك
كل درب(ن)فـي معاليقـي تدلـه=في خفوق(ن)قد حلف مايوم خانك
يحمد الله قلبي انك صـرت خلـه=وله عيون(ن)ماتشوف إلا زمانك
في هواك اللـي يظللنـي بظلـه=وكل كلمة حب تفرق من لسانـك
كان لك شك(ن)هوى قلبي فخلـه=أوتعال وشوف في قلبـي مكانـك [/poem]
بين البرد والبرد ياصاحبـي فـرق
وبينك وبين الناس حاجـه وحاجـه
ياناعم الخدين من وجهـك الشـرق
يشرق سنا صبح الهـوى وانتواجـه
ويشيل لك قلب العنا سامره طـرق
ويلبسـك زيـن المخاليـق تـاجـه
حول من الهاجس على القلب ثم ارق
اشرب قراحه واعط غيرك هماجـه
مالي بقلبي ياهوى خاطـري عـرق
يلقي بك القلـب العليـل انفراجـه
متى القمر والشمس والنجم والبـرق
تهزم جبينـك ياصعيـب المواجـه
ياحـارق قلـوب توليتهـا حــرق
محد الـى طليـت يرفـع حجاجـه
[poem=font="Simplified Arabic,4,gray,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
احبك كذبة(ن)بيضا عشقتك عشـق بعـد وقـرب=وغنت صوت قلبي لك شفـاه(ن) تجهـل اسبابـه
اموت بنظرة(ن)منك وينبت فـي دروبـي عشـب=إلامنـه شربنـي صوتـك الفتـان واحيـا بــه
عظيمه ها القلوب اللي تحب وخافـق(ن) ماحـب=حياته وش حياتـه لـو يمـوت فراقـه اولا بـه
أدور لك كلام اجمل ولااجمل مـن كـلام القلـب=وعمـر القلـب مايكـذب نهـار يحـدث احبابـه
اطير لك حمام البـال وافقـد كـل ليلـه سـرب=يمسيه الورق فـي حضنـه الدافـي ويدفـى بـه
شعوري لو نثرته للهبايب كـل جـرح(ن) هـب=وعنيت الهوى واهـل الهـوى والحـب متشابـه
حنين وشوق واحلام(ن)كثيـره والحقيقـه عـذب=حلاته في عذابه مـن دخـل دنيـاه يشقـى بـه
عظيم الحب وانت اعظم وانا اعظم من جرحه الحب=حياتي عطرها نزف الشعور اللـي مـن اسبابـه [/poem]