فلم شريك وعصابة العوعو والعشبة السحريه !!! (أنواع الإثاره والتنكيت)

[شريك المشاكس]

كما عودكم حبيب الشعب شريك أنه يرسم الابتسامه على خششكم المباركه ولانكم من زمان ما طحتوا على الكرسي لذلك اقدم لكم هذه القصه راجيا ان تحوز رضاكم

بموجب فهرس تسجيل .... << متأثر تراه



عند الإشاره تكون الساعة 9 صباحاً
كالعادة وانا منجط على سريري ، ولأن الدعوه تصوير فطالع شكلي : منبطح على بطني ، فاقن خشتي وفيه قطرات من النهر تجري << يعني سعبولات بس ما ابي احوم كبودكم خخخ
والفنيله كاشفه نصف صدري والصروال *** احم احم

شوي وإلا الجوال يرن .. يووووووه عاد أنا في الاساس باخبط فيه بالجدار << احلىىى يا قوي
بس المشكله ان تلفوني استقبال يعني باستقعد للي بيدق علي ، ومير ارفع السماعه ويطلع حبيبنا في الله جنوووون

جنون: هااااااع
شريك: بسم الله علي وش تبي
جنون: كيفيك يا بو الهبال كله
شريك: والله العالم أن الهبال بيطلع ويكفخك في السماعه
جنون: اف اف اف اف << سعابيل
جنون :وش دعوه يا حافظ
شريك: لا يكثر تراني منيب رايق لك
جنون: الحين بدال ما تبارك لي
شريك: بشر عساهم قشعوك من المنتدى << ما يكرهك أبد
جنون: لاااااااااا
شريك: خلاص خلاص شفت لهاتك الله يرجك
جنون: الله يرجك انت صاحي يقشعوني أنا مضبط راعي الاوله
شريك: شلووووون ؟<<منقهر يبي الاشراف ولا يدري شلون
جنون: نيا نيا نيا نيا هذا سر
شريك: يابن اللذينا شكلك ماسك عليه شي مهب عاقل << مدري ليش تفكيري من جنبها خخخ
جنون: اصلا أنا صرت العضو المثالي هالاسبوع
شريك: بشر الوالده << أنواع التحطيم
جنون: علا فكره ورا ما نشوفك اليوم
شريك: والله ان شفتني مهب حاصل لك طيب
جنون: وش دعوه
شريك: الحين الله يغربلك داقن علي هالحزه بارك لي مدري وشو
جنون: الحين منتب صديقي وتفرح لفرحي
شريك: أيه بالله يا بيتر وهايدي صديقي وييييييين يا عمي زيميلي في الابتدائي
جنون: لا يكثر بس
شريك: أبشر
جنون: والله من جد فاقدينك علشان كذا انا تهورت
شريك: ايييه << متحمس
جنون: وقررت أني أعزمك على فووووول غير شكل
طوط طوط طوط << الفاعل شريك
جنون: احم احم يا خي مشكله الابراج ذي << ما يعرف يصرف أبد

ترن ترن
جنون: وراك صكيتااااه في خشتي
شريك: ما تستحي ، ناظر وجهك في المرايه الشيب طلع في عيونك ، ناظر إلي كبرك تزوج وجاب قطاوه يا مال القطو الي يمخشك داق علي وتتميلح واخرتها فوووول
جنون: طيب وش تبي
شريك : يعني مقلقل تسبده
جنون: طيب أمرك الحين في البيت
شريك: الحين
جنون: ايه خير البر عاجله
شريك: بتتزوجني انت وخشتك ؟؟ وش خير البر عاجله ؟؟
جنون: لا يكثر بأمرك خلك حول الباب
شريك: هييييه شلون تمرني وانا ما عطيتك الوصف ؟؟ < أول سؤال منطقي
جنون: ورى ما تتلايط أنا سألت س ق م وهو الي دلني على مكب الزبايل الي انت ساكن فيه
شريك: هيييين يا سقيمه تفتن علي ؟؟
جنون: المهم خمس دقايق واضرب بوري وتطلع لي
شريك: وين بوري شغالتكم خلاص شوي وبأجلس عند زلفه الباب

وما مرت دقيقه إلا وهو خارش الحاره بالبواري طااااااااط تقل صافرة إنذار ..
شريك: هييييه شوي بأتروش وباشوف اموري
جنون: اركب يا رجال يعني بتطلع جواد إذا تروشت >> أنواااع التحطيم

وتوني راكب في البيوك حقت جنون العنابية موديل 79 الي درقسونها أبيض خخخخ
إلا جنون يشتم رائحة غير طبيعية ومير يناظرني
شريك: قايلك خلني اتروش بس ما طعت
جنون: يا لعنبو ابليسك كم يوم ما تروشت
شريك: يعني شهرين شهر ونصف
جنون: لعنبو ابليسك خبل أنت
شريك: لا يكثر بس
وتوني رافع يدي باخرش قملة تفحط في راسي الا وجنون يزااااعق بغى يغمى عليه
جنون: هييييييه نزل ابطك يا مال الخيااااااس
شريك: وش فيك
جنون: يا زباااله وش ذي الريحة المعفنه الي طلعت من اباطك
شريك: وشو << برائه
جنون: فيه شي اسمه مم وإلا مزيل عرق حلاقه شي قسم بالله تقل مصنع خمر جالس جنبي
شريك: وأنا أقول ليش الهيئة تدور حول بيتنا
جنون: شف قسم بالله لو نفطر في أي مكان وإلا نتمشى والله بيموتون أوادم من الكيماوي الي فيك
شريك: طيب على يدك شفلي دبره
جنون: طيب طيب فيه طبيب شعبي يسوي شغلات بركات يمكن يضبط وزنيه الإفرازات الي عندك
شريك: قداااااام قدااااام

جنون: إلا ياشروكي
شريك: هاه
جنون: ترا طلعت لك دلع حلووو مره
شريك : وشو ؟؟
جنون : شروكي مشاكساتي << تراني انا مطلعها على روحي
شريك: شروكي مشاكساتي !!؟؟
جنون: أيه وش رايك
شريك: سق وأنت ساكت قبل ما يقولون جلده على سبب بايخ ، وادعس يا رجال خلنا نشوف خويك ذا

************* البزارين لا يدخلون اقل من 40 سنه مثل سديرويه خخخخ **********

وفي شارع من شوارع البطحاء .. والخفافيش تطير ، والذئاب تناهق أووووو ، يدخل جنون بسيارته في السكك الضيقة بعدما دهن جنباتها بزيت علشان تمر بسهولة ..
ينزل جنون وشريك ويدخلون بيت مهجوووور
يسكنه العبد الفقير لله ( دختووور المنتدى )
ودخلنا عنده في البيت الطيني ، ظلام ، خفافيش ، واثره جالسن وقدامه منقد ويذب عليه معمول وبخور علشان يطلع بخور
دختور : اجلسووو أنتم الحيييين في بيييييت العبد الفقيييير لله خلتوش منتوش ياكل فتوش
جنون: ااا ا ا الله يسلمك ذذذ ذ ذا خويي أزين عضو ففف في منتديات سسس سس سدير وريحته معفنه و ووو ودنا الله يسلمك تضبط له الوزنيه
دختور : اضبط الوزنيه ؟؟ داخل على ورشه يا الحبيييييب خلتوش منتوش ياكل فتوش
جنون: لا لا لا يا طويل العمر يعني انت دختور مشهور وعندك علاجات وزي كذا
دختور: اييييييييه أهرج من كذا من مبطي انت يا الحبييييب وش مشكلتك
شريك: والله ما عندي مشكله المشكله عند الاوادم يقولون أن ريحتي تصرع
دختور: شويه تصرع ما تشوفني حاط كيلو بخور انت وخشتك شف الخفافيش ماتت من ريحتك
شريك: علييييك نور علشان كذا حنا جايين نبيك تعالجنا
دختور: علاجكم غاااالي وسط البحوووور واللآلي لاهو مر ولا حااالي خلتوش منتوش ياكل فتوش
شريك: يعني كم
دختور: في حدود 500 ريااااال هذا دسكاوند
شريك: ياالله يا جنون حاسب الرجال
جنون: هييه وش حاسب الرجال اصرف عليك انا
شريك: يوووه حاسبه ولا يكثر دراهمك بتاخذها بعدين
جنون: بس لو ما رجعتها بأشكيك عند راعي الأوله
شريك: زين زين أدفع له
دختور: داخلين مطعم كل واحد يقول ادفع لا تدفع تصرفون علييي
شريك: لا يا طويل العمر بس كمل وين نحصل علاجي
دختور: إييييييه في الثمامه وبعد الدوار الثاني ادخل عشريييين كيلو شرق ثمن عشريييييييين كيلو غرب ثمن عشرييييين كيلو قبله
شريك: وبعدين
دختور: بتلقى قبالك زوال مويه لا تصير مخفه هذا سراب ، المهم تمشي وتمشي ليييين توصل لجبل لونه من بعييييد أسود ومن قريييييب أحمر وبتلقى فيه قبيلة تخوف ومجرمه في راس الجبل فيه عشبة الخياس تاخذها وتجي عندي هنا ثم أقولك شلوووون تستخدمها
شريك: وش اوصاف العشبة ذي
دختور: خضرا وفيها زهر أصفر
شريك: خلاص ابشر الحين بأروح
دختور: دفعه مردي والهوى شرقي

ومباشرة .. أنطلقت أنا وجنون وسيارته القرمبع للثمامه ، ومشينا على الوصف الي وصف لنا دختوووور المنتدى ، وفعلاً بدت المشاكل يوم شفنا ذيك البنيه الي ترى الغنم << تراه مهب غنم واجد يعني اثنين
المهم ونسألها :
شريك: هااااي
هي: وشو ؟؟
شريك: أقووول ماهنا قبيلة هنا؟
هي: انتاااا جيتاااا للقبيلة حقتناااا
شريك: أقول يا جنون شكلها من الجماعه تااا تااا حقتنا وإلا
جنون: والله ما أدري ؟
هي: هييييه وش بك ؟
شريك: معليش وش اسمتس
هي: وشو ؟؟ تبي أسمي تبيني أقولك أني سديراويه مزيونه يا الي ما تستحي أنت تدري أن فيها قص رقاب
جنون: أهاااا يا شروك أثرها تشتغل في المصلخ
شريك: مصلخ يا أبو جهل !! قل ملحمه << يقالك فيه فرق الحين
سديراويه: أقول أنت وياه تسنعوا لاقسم بالله لا أنادي وخيتي تسنعكم
جنون: هع هع هع تقول أختهاااا ليش بات مان وإلا بات ويمن خخخخخ
سديراويه : هييييييه يا وخيتي تعااااااالي
شريك: شوي شوي فقعتي أذني
وإلا أشوف جايه من بعيد وحده تهابد بالأرض اخت لسديراويه يقولون أن اسمها أمي سديراويه
أمي سديراويه: أبشري والله وأنا أخت أمي << لعبت بالنسب تراها
جنون: أقول شريك ترى الوضع مهب لصالحنا
شريك: طيب انطم شوي خلنا نفكر ..
وتونا بنفكر شلووون ننحاش إلا فيه واحد جاي مدرعم
سديراويه مزيونه: لاحول وش يبي خبل القبيله ( عبوس )
عبوس: هق هق هق انتووو الي يبيكم الشيخ مشوت
شريك: أي مشوت وأي كورنر؟؟
جنون: "وهو يدفني" أيه أيه حنا الضيوف
سديراويه: والله اننا اسفين يا طويلين العمر
أمي سديراويه: أي والله الي ما يعرفكم ياكلكم << فاهمه المثل غلط
جنون: أيه اركدوا حنا ما حبينا نوريكم شغلكم
شريك: والحين خلونا نروح
سديراويه: وين تروح راح عمر الظالم؟؟
شريك: وشو
سديراويه: تمشي قدامي للشيخ
جنون: أقول يا شريك ارفق
شريك: ما دامنا خربنها في الأول نخربها تالي
وفعلا مشينا لشيخ القبيلة المدعو عازف الألحان

عازف: يا هلا يا هلا الي يهلي ما يولي
عبوس: والي مولي لا يهلي
جنون: وانا والله أحب الهلي << مفشلنا في كل حته
شريك: يا هلا بهلي << يضبط المسائل
عازف: هلا والله بالمصطر جون
شريك: قم << صوت بلعه ريق تدل على التوهيق << شكرا للمعلومه
جنون: هلا والله يا شركرك صرتااا مستر أنت وخشتك
شريك: أكيد الموضوع فيه لبس
جنون: أكيد فيه لبس أجل مستر ووجهك أشهب وكله مشق << تراه يحطم وهو ما يشعر
عازف: وش تهرج به أنت وخويك يا مصطر
شريك: شوف يا بعدي ...
عازف: يا مشالله يا مشالله مصطر وتهرج مثلنا
جنون: غير اللغة بسرعه
شريك: نو نو أيام نوت يهرج هرج مال انتااا
عازف: يا مشااله مصطر سديراوي
شريك: نو نو ايام مصطر ميه ميه
عازف: يا مشالله وهندي بعد
جنون: أقول يا مال المشع الي في خشمك لا تقعد تقلقنا يامشالله
عازف: المهم انتم ضيوف ومقامكم ثلاثه ايام بلياليهم القهوه يا عبوس
جنون: "يهمس لي" شوف اذا عطاك الفنجال حطه لا تشربه
شريك: لا يا عمي صاكني راسي من القهوه
جنون: أسمع الكلام ولا يكثر
شريك: سم

عبوس يصب القهوه ومير اخذها واحطها على الفرشة وعينك ما تشوف النور
عازف: خلاص تم تم البنت بنزوجك أياها
شريك: وش حشيشه
عبوس: خلاص خلاص وش تبي منهن امي سديراويه والا سديراويه مزيونه
جنون: ياجماعه الخيييير
عازف : تم يا رجال ما يشتكي الا الردي ، أمي سديراويه والله بنت حليوه بس تجيها مسكات أول الشهر تقل كنه زار وإلا شي ، وسديراويه مزيونه عندها قضية قتل بسلاح على الغدير كانت تلعب هي وولد الجيران
شريك: هييييه يا الحبيب بلا سلاح بلا قلق اركدوا اركدوا
جنون: حصل خير يا جماعه الخير ترانا جاين لكم في موضوع ثاني
عازف: موضوع ثاني أجل أطفح الفنجان جعله ما يدحدر << وش دعوااا
شريك: الموضوع يا جماعة الخير ... ود ود ود ود ود ود [

عازف: اي العشبه ؟؟ بس هذا الجبل الي تدورونه يمكنه فيه بس شووفوا بشرط
شريك: وشو
عازف: أنكم تخلصون ولدي ( المخادع ثقة ) من عصابة العوعو !!
شريك: وشو عوعو ذي ؟؟ أبطال الديجتال
عازف: انثبر
شريك: سم
عازف: هذا يا طويل العمر عصابة شريره فوووق الجبل عند العشبه وماسك ولدي بسبب لعب بزران
جنون: لعب بزران؟؟
عازف: ايه يا رجال كان معبي له رشاش واطلق على تسعه وماتوا وبسبب ذا مسكوهم لييين نحط تسعه قدام الخيمه علشان يذبحونهم
شريك: خبل !! تصف تسعه عند الخيمه ؟؟ ليش بزر يتعلم الساكتون في قواطي ببسي ؟؟ عندي لك حركه تخلص ولدك
عازف: وشي ؟؟
شريك: ود ود ود ود

وكانت الخطة أننا نعلق الثياب على الخيمة وننادي العوعو يرمون عليهم ويستانسون ويخلون المخادع ثقه

وفعلاً وتونا منادينهم إلا والرشاشات وكل شيء على الثياب الي صارت شرابات من كثر الطلقات ومير أطمر للجبل ومعي جنون ونشوف منقطة فيها عشب خفيف نفس مواصفات الرجال لكنها بصراحه كنها قرقاص ؟؟ وأنا استشكيت بصراحة بغيت أكله
جنون: وش بتسوي ؟
شريك: باكله ذا قرقاص
جنون: ياخبل ذا العشبه الي يقولها الرجال
شريك: صدقت انت عشبه ذي قرقاص
جنون: يارجال ذوليك يتعاملون مع اهل بسم الله يخلون الجح جرجير وش يدريك أنت
شريك: والله يمكن كلامك صحيح ؟!!

وفعلا ً ماغابت شمس ذاك اليوم إلا وحنا محضرين عند دختووور المنتدى
شريك: شوف يا طويل العمر هذي العشبه هاه أحط حزمه تحت ابطي الايمن والحزمه الثانيه تحت ابطي الايسر ؟؟
دختورر: وشووو تحطه تحت أباطك ؟؟ تبيه يصير مخلل !!
جنون: الحين ذي وش تصير ؟؟
دختور: من جد ما عرفتها ؟؟
جنون: وشي
دختور: قرقاص
جنون: يعني هو علاج الريحه
دختور: وش ريحته أنت وخشمك أنا أصلا مشتهي القرقاص من زمان ماكلته وراعي الاوله قالي أنه كشت قبل فترة في المنطقة وعلمني مكانها
شريك: طيب والعلاج والعرق

ومير يطلع شي من جيبه

دختور: هذا مزيل للشعر وللعرق نيفيا أحلا عطر بعد الحمام وكل سنه وخياسك يقل ، صاحي بتلقى قرقاص علاج عرق انت وخشتك


لا تسألون يوم طلعنا وش سويت بجنون !!




يكفيكم أن له شهر ما دخل المنتدى

ما يستفاد من القصة
1- تعود دائماً أنك تنام وجوالك مقفل لان السالفه الطويلة العريضة بسبه جوال
2- الشعوذه مهيب زينه أبد
3- تروش كل يوم ثلاث مرات وتكفى حس بمعاناه غيرك
4- الجزاء من جنس العمل << دايم اقراها خخخخ

وكالعاده:
العتب مرفوع والزعل ممنوع

مع تحياتي : شروكي مشاكساتي

[دكتور المنتدى]

اخوي الغالي شريك المشاكس
.
يشرفني اني اكون اول واحد يرد على قصتك..
بس اصبر علي وابمخمخ على القصة وارد عليك..

تحياتي...

[أبو إبراهيم]

ههههههههههههه


الله يرجك رجا مبرحا

قسم بالله خذت لي كم شوط ضحك

والله يوسع صدرك مثل ماوسعت صدري

[عازف الأحزان]

لي عوده يا شروك

[جنون]

[align=center]شروك..
وش هالحركات..
وانا اقول ليش اليوم الصفحة منورة..
علشانك منزل قصة..
والله مبطين عنك وعن قصصك وهبالك..
لي رجعه للقصة والتعليق..
لان القصة يبي لها جلسة..
راجع لك ياغالي..[/align]

[جورية]

[frame="1 50"]هلا اخوي شروكي مشاكساتي

الله يسلمك نصائحك جدا جميلة واستفدت كثيرا منهالقصة الشيقة

الله يوسع صدرك مثل ما وسعت صدورنا

واحس انك وفقت في اختيار الشخصيات

لكن كنك متأثر بمغامرات سنان

كني اذكر اني شفت حلقة منها كذا بالضبط نفس السيناريو والحوار

بس تختلف بالشخصيات

ولا بأس من الاقتباس من الادب الكرتوني الشهير والتراث الرسومي المتحركي

سلمت لنا يا قصصي سدير [/frame]

[أحلى مجمعاوية]

ههههههههههههههه
هههههههههههه
ههههههه


ألف شكر لك أخوي الفاضل

(( شريك مشاكس ))

من جد قصة رائعة ...

وكانت شخصياتك وحوارك أكثر من رائع ...
وأهداف القصة مفيدة ..

واختيارك للشخصيات موفق وجميل ...
وكل شخص أخترت له الشخصية المناسبة ..

يعطيك ألف عافية على الموضوع
الجميل ...
والتعليقات اللي تموت من الضحك ...

بس ماشاء الله عليك قصتك من الخيال ؟؟؟؟؟
يعني ما شاء الله انواااااااع المغامرات
والسيناريو الممتاز ...

وفي إنتظارالمزيد و الجديد من القصص والمغامرات الشيقة ...
على أحر من الجمر ...

لا عدمناك ...


** تقبل مني أرق وأعذب التحايا **

أختك :

أحلى مجمعاوية

[مـــداد الأمـــل]

هههههههههههههههههههههههههههههههههههههههههههههههههه هههههههههه

الله يرجك تبطحت من الضحك وانقلبت من الكرسي على خشتي من الضحك ...


هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه هه



شخصيات فضيعه مره اول مره اشوف قصه كذا رهيبه من جد .


هههههههههههههههههههههههههههههههههههههههههههههههههه

[مشــاعر]

[glow=66FFFF][grade="4169E1 4169E1"][frame="2 80"]خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخ

الله يرجك والله انك شي

يسلمو اخوي شروكي مشاكساتي

لا زعل ولاشي لان السالفه مزح في مزح

بس انا وامي سديراويه مب اخوات هي تصير بنت عمتي
وانت على كيفيك خليتها اختي
خخخخخخخخخ

على العموم مب مشكله

مشكووووووووووووووووور ويعطيك الف عافيه[/frame][/grade][/glow]

[دكتور المنتدى]

[frame="2 80"]ههههههههههههههههههههههههههههاي...ههههههههههههههههه ههههههههههاي
ههههههههههههههههههههههههههههههاي...ههههههههههههههه هههههههههههاي
هههههههههههههههههههههههههههههههاي...هههههههههههههه ههههههههههههاي
8
8
8
بس بس بس..يكفي وجع<<لا لا لا... بصراحة يستاهل كل هذا الضحك

================================================== ======================

حبيبي شروكي مشاكساتي<<اسم دلع راكبن عليك من جد ( جنون منت سهل تعرف تنقي اسم دلع )

الله يرجك بلا...وش ذا الخبال والهبال...والله انك مصرقع بالقوة...تصدق عاد عجزت امسك بطينتي واتبطح من الضحك ولا زلت والى الحين فاق خشيشتي بكبره
================================================== ================

المشاركة الأصلية كتبت بواسطة   وفي شارع من شوارع البطحاء .. والخفافيش تطير ، والذئاب تناهق أووووو ، يدخل جنون بسيارته في السكك الضيقة بعدما دهن جنباتها بزيت علشان تمر بسهولة .. ينزل جنون وشريك ويدخلون بيت مهجوووور يسكنه العبد الفقير لله ( دختووور المنتدى ) ودخلنا عنده في البيت الطيني ، ظلام ، خفافيش ، واثره جالسن وقدامه منقد ويذب عليه معمول وبخور علشان يطلع بخور

خخخخخخخخخخخخخ ...الله يرحم ابوك...وش ذا...اخر عمري صرت مشعوذ...شكيت في نفسي<<الله من حسن الخاتمة...يارب اختمها بحسن الخاتمة

================================================== =====================

المشاركة الأصلية كتبت بواسطة   دختور : اجلسووو أنتم الحيييين في بيييييت العبد الفقيييير لله خلتوش منتوش ياكل فتوش

خلتوش منتوش ياكل فتوش
8
8


يالحبيب عجزت افهمها وجاب لي الشيب في رأسي لكلمة خلتوش واللي جنبها....
اما فتوش خلها على جنبها وانا ادري انها اكله لبنانية واحبها واموت في اكلها<<الاخو يلمح على العشاء

================================================== =====================

المشاركة الأصلية كتبت بواسطة   جنون: ااا ا ا الله يسلمك ذذذ ذ ذا خويي أزين عضو ففف في منتديات سسس سس سدير وريحته معفنه و ووو ودنا الله يسلمك تضبط له الوزنيه

مين قدك يا شروكي مشاكساتي<<يقال له الحين رايح يفوز بملك جمال منتدى سدير...خخخخخخخخخ

تضبط له الوزنية<<ههههههههههههههههه...الله يرجك يا مقرقع...والله انك ضحكتني في هذا بقوة

================================================== ======================

المشاركة الأصلية كتبت بواسطة   دختور: إييييييه في الثمامه وبعد الدوار الثاني ادخل عشريييين كيلو شرق ثمن عشريييييييين كيلو غرب ثمن عشرييييين كيلو قبله شريك: وبعدين دختور: بتلقى قبالك زوال مويه لا تصير مخفه هذا سراب ، المهم تمشي وتمشي ليييين توصل لجبل لونه من بعييييد أسود ومن قريييييب أحمر وبتلقى فيه قبيلة تخوف ومجرمه في راس الجبل فيه عشبة الخياس تاخذها وتجي عندي هنا ثم أقولك شلوووون تستخدمها

الله من زين الوصف اللي وصفته...وشكلكم كلتوها علقة من هالوصف

في الثمامه وبعد الدوار الثاني ادخل عشريييين كيلو شرق ثمن عشريييييييين كيلو غرب ثمن عشرييييين كيلو قبله<<اما هذي كثر منها...قاعدين في دوار ندور عليها....خخخخخخخخ

جبل لونه من بعييييد أسود ومن قريييييب أحمر<<شكلي فيني عمى الالوان وانا ماادري

================================================== =============

المشاركة الأصلية كتبت بواسطة   جنون: الحين ذي وش تصير ؟؟ دختور: من جد ما عرفتها ؟؟ جنون: وشي دختور: قرقاص

الله من التميلح اللي فيني

================================================== ===================

المشاركة الأصلية كتبت بواسطة   دختور: وش ريحته أنت وخشمك أنا أصلا مشتهي القرقاص من زمان ماكلته وراعي الاوله قالي أنه كشت قبل فترة في المنطقة وعلمني مكانها

اصلا انا مااواطن القرقاص ولا احبه<<تسذب بعد وانت مدرعم في الربيع اللي فات

وما خبرته ان راعي الاولة راعي بران...

================================================== ======================

المشاركة الأصلية كتبت بواسطة   دختور: هذا مزيل للشعر وللعرق نيفيا أحلا عطر بعد الحمام وكل سنه وخياسك يقل ، صاحي بتلقى قرقاص علاج عرق انت وخشتك

اما نيفيا...كثر منها...اصلا كان ودي اعطيك صابون ابو عنز مع ليفة سلك ( اللي يستخدم في فرك القدور) تفرك بها ابطك وثمين تعطرها بالديتول خخخخخخ

================================================== =====================

ايييييييه...هذا شريك اللي نبيه...بصراحة ابدعت
الله يوسع صدرك مثل ما وسعت صدرنا
يسلموا يدينك...ولا عدمناك
بصراحة.....قصه اكثر من رائعه..ولا تحرمنا من قصصك
اسجل اعجابي فيك ياشريك..
ومااوصيك..اكتب اسمي في كل قصة..
تقبل خالص تحياتي وتقديري.. [/frame]

[شريك المشاكس]

أوووه ما شاء الله التفاعل زي الحلاااااوه


طبعا كالعاده يدخل اثنين واقوم اتمدد من الوناسه قلت جاك الترييش يا شروكي مشاكساتي بس كل واحد يقول باروق عليها


تبون الصدز هذي القصص يبيلك تقراها مرتين ثلاثه علشان تستوعب السالفه وتكع ضحك لين تقول بس


دختوور المنتدى : حياك أخوي وترى إذا بتمخمخ حط لك كاس شاهي فيه خمسين ألف حبه ليبتووون !!

أبو ابراهيم: يا هلابك والله وما شاء الله اجل خذت لك شوط ضحك عساك نحفتاااا << فاهم الدعوى غلط

عازف الأحزان : عود يا حبيبي من بيردك << غصب يرد

جنون : وانت وخشتك احمد ربك أننا حاطينك في قصة متنب كفو << تحطييم

[شريك المشاكس]

جوريه:

هلا والله يا وخيتي ، وبعدين من جدك قاريته في سنان ؟؟؟


اولا منيب أقرأ سنان << يقرأ ماجد تراه خخخخخ

ثانياً : ما أظن سنان تجيب خلتوش منتوش وفتوش ؟؟

لا كلش إلا دوار الثمامه وقبله غرب والريحه المعفنة ؟؟!! ما ش يا جوريه يمكن تشابه في اخذ العشبه وزي كذا ؟؟

اهم شي أنتس شرفتينا في قصتنا المتواضعه واخلفوها علينا

[شريك المشاكس]

احلى مجمعاويه

يا هلا والله فيتس في موضوعنا وتشريفتس شي يفرح والله ، وإن شاء الله أننا رسمنا الابتسامة على وجيهكم




الكرستالة :

(((الله يرجك تبطحت من الضحك وانقلبت من الكرسي على خشتي من الضحك ...)))

الله الله الله كل هذا بسبة قصص شروكي مشاكساتي ؟؟؟ ما توصل الأمور لتسذا ؟؟
أكيد أن المستشفى بيمنعك من قراية القصص لمدة اسبوع

عموما هذي تصير في أحسن الأحوال ، وأسألي جنون الخبل يوم كتبت فيه أول قصه تمزع من الفرح حتى أهله داخلين عليه يحسبون أن فيه جني داخل عليه ، يوم هبدوه هبدتين ومير يطلع جني سوداني وهو دايخ يقول : حرام عليكم ما خليتوني أشتغل خخخخخخخخ

[شريك المشاكس]

المشاركة الأصلية كتبت بواسطة سديراويه مزيونه   [glow=66FFFF][grade="4169E1 4169E1"][frame="2 80"]خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخ الله يرجك والله انك شي يسلمو اخوي شروكي مشاكساتي لا زعل ولاشي لان السالفه مزح في مزح بس انا وامي سديراويه مب اخوات هي تصير بنت عمتي وانت على كيفيك خليتها اختي خخخخخخخخخ على العموم مب مشكله مشكووووووووووووووووور ويعطيك الف عافيه[/frame][/grade][/glow]

أنا عارف انكم مهب أخوات ، لانكم الله يرجكم في كل موضوع تدخلون وينتس يا بنت عمتي وينتس يا ولد منيب قايل !!! تراني أنا وس ق م أقارب بس ما علمنا أحد ، بيني وبينه شارعين خخخخخ ما يعرف يسذب أبد ، عاد أنا خايف أن أخرب القصه معاتس وأنتي شوفي قصصي القديمة أنا وسمسومه الله يذكرها بالخير صاير أمون عليها بقوووه

[شريك المشاكس]

هلا والله وغلا بدكتور المنتدى

على فكره ترا الجهاز مخنبق معي هالحزه ما خلاني اسوي اقتباس

بس المهم انك استانستاااااا في القصه ويالله رشحني مشرف جنبك <<<أبوك يا الواسطه