وش تتوقعون في قدر شريك ؟؟

[شريك المشاكس]

السلام عليكم

تعودتوا دائماً على الحج س ق م وقدوره ما غير وش تتوقعون وما تتوقعون

فغرت منه وقلت يا ولد لازم تحتك شوي


فهذه صوره لقدرنا العزيز << حق خويك لا تسذب خخخخ

لا لا لا

المهم

وش تتوقعون في هالقدر والحل إن شاء الله في موضوع جاااي

[ربى الجنان]

إندومي!!

[مـــداد الأمـــل]

أما اندومي ياربى ,,حلــــــــــــــــــــــــــــــــــوة

اتوقع مشبوس دياي,,

[شريك المشاكس]

طبعاً هي أكله حلوه من جد

واعتقد أن الأعضاء يحبون الأكلات الشعبيه !!


شفتوا التلميح

الشعبييييييييييه ركزوا عليها


وتراني بأتكلم في موضوع ثاني !!

[دكتور المنتدى]

اخس شروكي مشاكساتي...والله منتب سهل

توقعاتي...اتوقع مندي دجاج

طيب..لاتجحدني

[جنون]

السلام عليكم..
شروكي وش هالحركات انت ووجهك..
خلاص ابغاك تجي وتشتغل عندنا طباخ لمدة سنة..
اوكيييييييي..
لاتزعل تراي امزح..
بس تبي الجد وش هالقدر..
اللي يشوفك يقول طابخ لاهل الرياض كلهم..


انا اتوقع مفطح ويالله على هالقدر..





لاعاد الجد انا اتوقع..

يمكن جريش..
والا تدري والله ماظنتي جريش في هالقدر..
انا اتوقع رز ولحم..


ولاتبطي علينا عجل الله يرحم والديك..
يالله عن اذنك يا شيف شروكي..

[ربى الجنان]

قرصان!!

[مشــاعر]

مرقوق

[زهرة]

الصراحه انا من عرفت الرجال انهم اذا طبخوا طبخوا كبسة رز


فلذلك أتوقع انها كبسه000000وخاف انه فضي بعد

[السنبلة]

أتوقع جريش.. أو مرقوق..

[ابو نون]

حمص

خخخخخخخخخخ



لا امزح

أتوقع.....مرق..<خضار ولحم>

[سعد القاسم]

[align=center]شريك يالي مانيب قااايله ....

وراك ماحطيتني معك همانا متفقين ذاك اليوم اوريك ...

شباب تراااي ادري عن الي في القدر ..
لان شريك الله يصلحه ماقلكم وش السالفه ... اوريك شريكوه هاااه اعلم ولا لاء ؟؟.>> ياشين الي تحت وطئة التهديد كععععععع [/align]

[miss sudeer]

مرقوق او مطازيز؟؟؟؟؟؟؟؟؟؟؟؟

[ريناد]

اتوووووووووووووقع ان فيه كائن حي


واعتقد ان فيه ضبان


تحياتي

[شريك المشاكس]

مشكورييييييين يا حبايب


ومعليش ردي زي ما قلت في موضوع ثاني



وبالنسبه لسقيمه الله يرج مصارينك >> قاهره من جد



ترا على فكره لا تخلون أحد يمسك عليكم شي يذلكم فيه خخخخخ << ماخذ موقف من س ق م



بس على فكره الطبخه ما كملت إلا بوجود س ق م حبيبنا

يعني هو الي مضبط الطبخه

ووازن البهارات

ومرتب الطاوله

ومغسل الصحون خخخخ

وهو الكل في الكل << طيب وش شغلتك يا شريكوه



المهم اصبروا علي كم يوم

وبصراحه الإجابة موجودة في الردود ، وبصراحه بتستغربون أكثر لما تشوفون شكلها طالع يهبل

وبتقولون شريك نصاب هذا شغل امك

بس علشان تعرفون أني رجال سنع << يالله يا سديراويه دور لي على مره وقولي لهم اني اعرف اطبخ خخخخ << عنده معاناه من العزوبيه