[poem=font="Simplified Arabic,5,black,normal,normal" bkcolor="transparent" bkimage="" border="double,4,darkred" type=2 line=0 align=center use=ex num="0,black"]
الوهّابية
قال وهّابي وهو قلـــبه حــــقودي = مادرى اني عارفٍ لمز الكـــلامي
قلت وهّابي ولا نبغى شـــهودي = افتخر في دعـــــــــوة الشيخ الإمامي
وانت خلك في ظلالك يالـــحسودي = لين تشبع من غياهيب الظلامي
فكرك اللي طــــابق افكار اليهودي = حملت المغرض على دين السلامي
الجهل أكبر مصيبة بالوجودي = والحماقة جرحـــــــــها بالحيل دامي
والمصيبة طاوع المغرض عنودي = ما يعرف الحر من برق الجهامي
هرجه اللي ناقص ما فيه فــــودي = في قناة سمها يشظا العـــــظامي
في برامــــج حـــد وبليا حــدودي = جمع الله شلةٍ فيها الخــــــمامي
بعدها ياقف دقــــــيق ومعـــدودي = للدعاية فاصلٍ فيهـــا غـــــــرامي
يظهرون الترف مركوز النهودي = وسط برنامجهم وقبل الختــــــامي
كيف ترضى بالدعاية يالجحودي = تقفل البيبان ونسيت الحـــــــوامي
عروة الإســـلام تثبت بــالقيودي = يرفع الله شــــانها عند الكـــــرامي
يحفظ الله دينه بحفظ الجنودي = رغم أنف اهل الـــــوشاية والنمامي
كل شق ? يوم ما يــرفى يـزودي = لين يعجز من بغى فيه التمامي
يوم نجدٍ والجزيرة ما تذودي = والجهل بديارها طق الخـــــيامي
والعرب مابين هاجد ومهجودي = العقيدة جالها قـــــل اهتـــــمامي
اظهر الله دعوةٍ مثل العــــدودي = تروي العطشان من عقب الهيامي
دعوة اللي في سجاياه امحمودي = كــنها برقٍ شعق وسط الغمامي
مالها باطن مثل وضح النفودي = صافية واصفى من عيون الحمامي
لو بذلتا يالحسود أقصى الجهودي = ما تلاحظ في حقـــــــايقها انثلامي
تستمد النــور من متن السـنودي = ســـــنة الله مع نبيه بالــــتمامي
مالها بالفلسفة طنب ? عمودي = البواطن ما تجي عند الحشـــامي
الله الواحــــد ولا معه أمعبودي = في السجود وفي الركوع وفي القيامي
اظهر الله صيتها مثل الرعودي = واستجلت مع رفيعين المــــــقامي
يوم شيخ الحق يبحث عن عضودي =انتهض له بالــــوفا الحــــر القطامي
زانت النية وتمت بالعـــــــهودي = وامست الدعوة تحت ظل الحسامي
ما نصرها غير جــد ال سعودي = بانوا أهل الطيب يوم العـــــلم حامي
سطروا فيها البطولة والصمودي = واستحقوا بـــالوفاء أعلى وسامي
وحدوها مع جنودٍ كالأســــــودي = واستقام الشــــــــرع من عقب الكتامي
واهتنوا عقب المغازي بالرقودي = والعيون الســـــــاهرة صارت تنامي
الوطن باهل الوطن يعلى ويسودي = ما يزعزع هيبته صوت النــــــعامي
ثــــابتينٍ واثـــبينٍ كــــالفــــهودي = ســـــــايرين بالوطن نحو الأمامي
ناصر بن عبدالله السعيد[/poem]