صينية الدجاج بالتوست والكرافت ،،،

[مشــاعر]

اهلين..

كيفكم ؟؟

اليوم جبت لكم سحور لرمضان..
واذا تبونه في الفطور مافيه مشكله.. بس مررره خطيره هالصينيه..



((صينية الدجاج بالتوست والكرافت ،،، ))

المقادير :

دجاجة ( تسلق ويسحب منها اللحم )
كيس توست ابيض
كاس جبن كرافت
علبة مايونيز صغيرة
جزر ( مقطع الي مكعبات صغيرة ومسلوق )
علبة مشروم مقطع ( فطر)
ملعقة صغيرة فلفل اسود
ملعقة صغيرة كركم
1 بصل متوسط الحجم ( يفرم )
زيت
ملح ( حسب الرغبة )
جبنة موزاريلا مبشورة



الطريقة:

يحمر البصل بالزيت ويضاف اليه الدجاج المسحب والفلفل الاسود والكركم والمشروم والجزر والملح ويخلط جيدا لمدة عشر دقائق ونطفى النار .
ومن ثم نضيف اليه المايونيز

نحضر صينية ( بايركس ) وتوضع طبقة واحدة من التوست وتمسح بالجبنه ونضع عليها طبقة الحشورة ونقوم بفرشها على التوست
ونعمل طبقة اخرى من التوست وتمسح ايضا بالجبنة ونضع عليها كذلك طيقة من الحشوة ( يعني طبقات متتالية الى ان تنتهي الحشوة والتوست )

والطبقة الاخيرة تمسح بالجبنة وترش بجبنة الموزاريلا
تدخل الفرن الى تحمر طبقة الجبنة من اعلى

تقطع الى مربعات حسب قياس التوست ،،،، وتقدم ساخنة ،،،،

وبالهناء والشفاء..

منقوله من دفتر الوالده الله يحفظها..

[Malena]

تسلم ايدك على الطبخة الحلوة

[بنت المجمعه]

تسلمين اختي سديراويه مزيونه على هالطبخه

ان شاء الله القى وقت واسويها

الف شكر لك

[مشــاعر]

الله يسلمكم خواتي..

وان شاء الله بتلقين وقت بس في الاجازه الاسبوعيه هذا ان ماطلعتوا بعد..

[سديراوية]

[align=center]مشكورة سديراوية مزيونة على الطبخة الحلوة[/align]

[مشــاعر]

العفو حبيبتي سديراويه..

ومشكوره على الاطلاع ..

[أنــ(تويمي)ــا]

تسلمين على الطبخة الحلوة وتسلم الوالدة بعد الله يخليها

شكلها سهلة للعزوبيين بسويها
تنفع على الفطوووور برمضان
شكراً

[مشــاعر]

الله يسلمك اخوي انا تويمي ..

ويالله ورنا شغلك فسر ذرعانك وسوها..

مشكور على الاطلاع والتعليق.

[miss sudeer]

سديراويه حرام عللللللللللللييييييييك


ج و ع ا ن ه !!


واموت بهالنوع من الطبخات !!
مشكووووووره ويعطيها العافيه امك بعد ..

[مشــاعر]

خخخخخخخخخخخخخخخخخخخخخخخخخخ

تعالي واسوي لك



والله انها لذيذه


مشكوره على المرور والتعليق