دعوه للتسامح 000( قصيده شعبيه ) 000

[مريح الفرحان]

دعوه للتسامح
وش انـت يللـي على هالمجتمع عاله =ذولا و لو نختـلف وياهـم ارجــالــي
ماهـمـنـي لـو يـقـول اللـي بـعـد قالـه =مانـي بـواخـذ رفـيـقٍ عـنـدنـا غـالــي
هـم منبع الطيب واصل الطيب ورجاله =من عصر جده وابو جده ولا زالي
لـو اخـتـلـفـنـا عـلى التاريخ وابطالـه =الشـمـس محـدٍ يـغـطـيـهــا بمـنخالــي
وجهة نظر والفحل خـالـي وانا خـالـه =واللاش ماهـمـني لـو هـو ولـد خـالــي
ابن الحـمـولــه ولـو هـو دش بنـعالـه =نـقـول يا مـرحـبــا يا طـيـب الفـالــي
اقـوم وافـز لـه وافـرح بـمـرســـالـه =واقـوم فـي واجـبـه دامـه تـعــنــالــي
كـرامـتـه عـنـدنـا ونـعـرف منزالــه =اللـه يـحـيـيـه بـيـن ارجـال وادلالــي
تـرث الاجـاويـد ماهـم مثلك ازبـالــه =في مجلسي لا تعـرض ماض الافـعـالـي
دايـم تـلالــي تـقـول الـســان دلالــه =ماتسـتحي جـعـل مالك بالـعـرب وآلــي
الرجل اعرفه واعرف اللي على بالـه =واعـرف عـنـد الفطاحل ويـن منـزالـي
الحـر معـروف مخـراجـه ومـدخـالــه =حسبي عـلى من حـداء قـلبي للامـثـالــي
تقبلوا تحيات اخوكم : مريح الفرحان التميمي]

[عاشق النون]

الرجل اعرفه واعرف اللي على بالـه )(+)(+)( واعـرف عـنـد الفطاحل ويـن منـزالـي
الحـر معـروف مخـراجـه ومـدخـالــه )(+)(+)( حسبي عـلى من حـداء قـلبي للامـثـالــي


مريح الفرحان
قصيدة جزله تحمل بين طياتها

معاني كثيره


بوح راقي لايجيده إلا أنت

سلسبيل أروى عطشنا

كنا متلهفين لمعانقة الإبداع

فعانقتنا هذه الرائعه

صح لسانك ونبضك


تحياتي لكـ ولقلبك


؟؟؟

[سعود الخليل]

صح لسانك أخوي مريح ...

والله لا يجيب الزعل وأنا أخوك ....

[وارث الطيب]

تسلم يامريح


وصحححححححح قلبك



تقبل سلامي وتقديري

[مريح الفرحان]

عاشق النون

اشكرك جزيل الشكر وعظيم الامتنان على اشادتك
وكلامك الجميل 00 واعلم انه لو لم يحضر إلا انت فذا
يكفي 00 فقارئ جيد خير من الف لا يجيدون القراءه
الصحيحه 00 شكرا وصح بدنك وسلم راسك 00
واللـــــــــــــه لا يهينك اخوك مريح الفرحان 00

[مريح الفرحان]

عزيزي راعي الاوله

صح بدنك وعلا شانك

اشكرك على تواجدك المستمر

والذي ليس لنا عنه غناة

تقبل تحياتي مريح الفرحان

[مريح الفرحان]

الشاعر وارث الطيب


اشكرك على تواجد وحضورك المميز


لك مني جزيل الشكر والامتنان على كل حرف


تقبلي تحياتي واشواقي واحترامي


مريح الفرحان