(( جاري إرسال رسالة نصية )) .. وش هالزحممممممة ..!

فدائي · 09-11-2005, 01:34 PM

بسم الله الرحمن الرحيم ..

جاري إرسال رسالة نصية ..

تم استلام رسالة جديدة ..

تم استلام رسالة جديدة ..

تم استلام رسالة جديدة ..

تم استلام رسالة جديدة ..

تم استلام رسالة جديدة ..

يوجد : 5 رسائل جديدة

يوجد : 6 رسائل جديدة

يوجد : 7 رسائل جديدة

جاري الإرسال ..

جاري الانتظار ..

جاري العزيز << خشة بالغلط ..

مؤجل ..

سيتم الإرسال الساعة 9:58 ..

-----------------

اففففففففففففففف ..
حاجة تقرف ..

الشبكة زحمة ..
ربع ساعة علشان يرسل رسالة لواحد ..
كأن ما بالدنيا عيد إلا هاليوم eko:

الكل يرسل ..
البزارين ..
العجز ..
الشياب ..
الحريم ..
الشباب ..
العمالة ..
الظاهر حتى حارس استراحتنا القديم جالس يرسل ..
ما له داعي يشره عليه كومار وراجو وصديق (( بتشديد الدال المهملة )) ..

إلا على طاري مهملة ..
الإهمال مشكلة ..

عندي سن أوجعن أيام الثانوي الخوالي <<< خوالي ولا عماني :as1:
ورحت عند الدختور .. وركني ساعة بالانتظار .. كأني داخل وزارة المعارف ..
ومن زين الطبايع .. يوم قلت اسم لي للاستقبال .. قالت الموظفة : وش تقرب لكم محلات ....... ..
أنا بغيت أوجه كف عاجل ..
قلة حياء ..
ما بقى إلا الحريم يستخفن دمهن ..

دخلت عند الدختور وأنا نفسي شوي وتطلع .. وهالضرس عالن عل ..
جاء الدكتور .. قال : شو بدك ..
قلت : اقلعه >>> ما فيه تفاهم .. سديراوي وجته مشكلة :as1:
قال : السن كويس ..
قلت : أي كويس يبو .. ذا عالن له يومين .. يحسب ان ما عندي علة إلا هو ..

قال : شو رأيك أعملك حشوة ..
قلت : بكم <<< اهم شي القروش ..
قال : بـ 800 ريال ..
قلت : مهوب القلع أحسن .. <<< اي بالله احسن وارخص ..

المهم .. سوا لي حشوة .. وقال لازم تركب تلبيسة .. <<< ليش . مراتب كامري هي :as1: ..
قلت : إن شاء الله ..
ومن يومك ما شفته ..
بس ولو : لا وجع إلا وجع الضرس .. ولا هم إلا هم العرس ..

نعود لموضوعنا ..

لديك : 13 رسالة جديدة ..
وإلى الحين الجوال معلق وهو يرسل رسالة ..

على طاري الرسايل :
واحد أرسلت له تهنئة .. ورد :
(تحسب رسالة واحدة تكفي .. وينك اليوم ما صليت معنا بمسجد الديرة وجيت تسلم بقصر الحكم eko: .. الظاهر انه صباب القهوة ..

أقول ..
قفلت معي ..
طفيت الجهاز ..
خل نشغله كود يزين ..

على طاري العرس ..
أحد الزملاء .. بيعرس ولد خالته .. عمره 20 ..
بياخذ واحدة عمره 13 ..
يعني تدرس بالمتوسط ..

تخيل .. واحدة بالمتوسط عندها ولد ..
كل يوم تجيبه للفصل ..
ومعها الرضاعة ..
وإن جت الفسحة .. راحت تغير له ..
وما تنسى الفيفادول .. كانه تسخن .. :aas5:

أبشركم ..
اشتغل الجوال .. وطلعت الرسايل ..
أحلا .. فيه مشايخ مرسلين لي. .

ما أقطعكم ..
لكن اقتراح ..
ليش ما يخلون للجوال عمر .. ما أحد يطلع إلا بهالعمر ..
بهذلونا هالبزارين ..
كل من وصل سادس طلع جوال ..
(( تراي أمزح .. لا يطلع لي أحد يكتب بالمنتدى بسادس ابتدائي )) ..

سلام يا أحبة ..