يا قلب / لا تحـزن ودرب التهلكـه
جنبـه كانـك تحـرى لـك شويـر
حـاول أنـك تنسـجـم بالفبـركـه
أستغفرالله ذا الزمـن مالـه ضميـر
ان قـام لـك حـزنٍ لعيـنٍ برّكـه
من شان لا تسمي على ظهر الحصير
كــل دربٍ تجهـلـه لا تسلـكـه
وريّح الخطوه من الـدرب العسيـر
الهم / فـي جوفـي بنالـه مملكـه
وعيّن الدمعـه وسـط عينـي اميـر
ابوه بـوذي / ميـر امـه مشركـه
كيف يرجع في يهود ابن النظير !!؟
كـم واحـدن ماكـان ودي اتركـه
لكـن الدنيـا وتحـديـد المصـيـر
وكم واحـدن فرقـاه ليلـه مباركـه
جنته ماهيـب تفـرق عـن سعيـر
وكم واحدن سيف المراجـل يملكـه
ومثل نور الشمس في عين الضريـر
وكم واحدن قلبه كمـا قلـب سمكـه
لو ظهر للناس فـي مظهـر بعيـر
عيشـة الدنيـا عجيـبـه مربـكـه
قمت اناطحها وانـا سنـي صغيـر
ان كـان درب العـز ودك تدركـه
شد حيلك لو يصيـر اللـي يصيـر
ما خسـرت الحـرب بـلاّ معركـه
واعتبر من فاز من يضحـك اخيـر
وطويق لو هـب النسيـم وحرّكـه
يمكن ان قلبي يدور لـه شويـر !!
مع تحياتي وتقديري / سامر999
28-12-2005, 12:59 PM
العرض العادي
