[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
لا إلـه الا انـت يالمعـبـود رزاق العبـيـد=
ما هما غر السحاب ومـا لمـع بـرق بسمـاه
يـا لطيـف ويـاودود وياحمـيـد ويامجـيـد=
مالنا غيـرك نصيـر ومـا لنـا غيـرك إلـه
جيـت للدنيـا وحيـد وبأتـرك الدنيـا وحيـد=
مبتـدأ دربـي عرفتـه وأنـت تعلـم منتهـاه
وأدري إن الخاتمـه إمـا شقـي وإلا سعـيـد=
يالله إجعل لي من إسمي حظ ..وإرفع مستـواه
شاعر لا جن ليلـي قمـت أهجـرس بالنشيـد=
لاطرح رأسي النعاس... ولاتريّـح مـن عنـاه
أتسلـى بالقديـم مـن القصايـد.. والجـديـد=
علّها تطفي لهيبٍ فـي الحشـا يضـرم لضـاه
أقدح من الرأس وأنحت في الصخر جزل القصيد=
أمتطي صهوة خيالـي والنجـوم أدنـى مـداه
أبدع الأمثال وأحكمهـا علـي القـول الرشيـد=
كايفه.. والبيت وافـي مـا يعيبـه مـن قـراه
ما نقص عن وزنته قيـراط ولا يمكـن يزيـد=
كالذهب يبقى مـع الايـام مـا ينقـص غـلاه
ولوبعض الأحيان عاندني فأنـا رأسـي عنيـد=
أسخره بأمر الله اللي سخّـر لموسـى عصـاه
إن كتمتـه ينحبـس ويعـوم مـع دم الوريـد=
وإن رفعت الصوت عالي حدّثت عنـه الـرواه
رغم هذا مـا ذخرتـه للزمـن كنـز ورصيـد=
ماذخرت الا الجميـل ومـن ذخـر شـي لقـاه
وماذخـرت الا رجـالٍ معرفتهـم مـا تبـيـد=
بعـد ربـي هـم غناتـي يامـدورة الغـنـاه
والنشاما في الشدايـد ليـدك اليمنـي عضيـد=
والشدايد تبحث الصاحب وتكشـف لـك خفـاه
ياحمد تشكي وأنا أدري إنك على الشده شديـد=
وفيك ثنتين مدحها الله وهـي .."حلـم وأنـاه"
لا تلفت فـي الدجـاج اللـي مناقيـره حديـد=
وأنته الحر النداوي اللـي مـلا الدنيـا صـداه
إن بغيت تصاحب إختر صاحـبٍ ذكـره حميـد=
صاحـبٍ تفخـر بعرفـه عدّهـا منـي وصـاه
همتـه دايـم رفيـعـه مايطـالـع للزهـيـد=
وماترصـد فـي رفيقـه ينتظـر منـه خطـاه
حافظٍ عهـد الصداقـه عـن طريقـه مايحيـد=
ماتنكـر للرفـيـق ولاتغـيـر فــي وفــاه
مانقل وش قال "عمرو" ومانقل وش قال "زيـد"=
صايـن لسانـه وخيـره سابـقٍ دايــم أذاه
إن بغيته في إستشـاره مـدك بـرأيٍ سديـد=
تأمنـه سـرك لأنـه خابـر البيـر وغـطـاه
والصداقه ما تهـون الا علـي القلـب البليـد=
والوفاء راعيه يكسب فـي المـلا قـدرٍ وجـاه
ياحمد هذي نصيحـه مـن فـؤادٍ لـك وديـد=
مبتداهـا طلبـة اللـي مالنـا غـيـره إلــه
والختام أزكـى صـلاة لغوثنـا يـوم الوعيـد=
الشفيـع لأمتـه يـوم البشـر عـري وحفـاه [/poem]
مع تحياتي / سامر999 اتحفونااااااااااااااا بردودكم ,,, لكي نمدكم بجديدنا ..............