[align=center]
صبحكم الله بالخير اخواني وأخواتي اعضاء وزوار المنتدى
هذه قصيده للشاعر :
حمد السعيد
اعجبتني وحبيت ان انقلها لكم
لتعطوني رأيكم فيها ..[/align]
[poem=font="MS Dialog,5,white,normal,normal" bkcolor="transparent" bkimage="backgrounds/3.gif" border="outset,3,white" type=2 line=0 align=center use=ex num="0,black"]
راكب اللي طلّعه عقب ما أستوفى الرسوم=مستغيض من كراج البشر والكاظمي
عقب دوج فزّته كنها فزّة رخوم=لا نخاهم واحد في ذراهم محتمي
مسيدس هو منوة اللي يبي يقضي لزوم=ما إنصنع في ديرةٍ تحت سلطة خاتمي
ما فحص ضغط المكينه جواد ولا غلوم=والله إن مصممه ما عرج فيه عجمي
صانعه وأنتم كرامى زبون الباثروم=من شراب اللي تحالي عبس ذود بقمي
كلمته في الليل قودنخت في البنز مخدوم=جيرمَني لاهوب زيدي ولا هو حضرمي
موتر فيه المزايا كثر مالي خصوم=صنعت اللي لا انتخى قال تكفى يا جمي
لا صفط ثقلة تقل هرش عيّا لا يقوم=عن ضيوفه قاضب مسنده ومعاظمي
وإن مشى ما كنه إلا تقاطيع الغيوم=لا تقفن الهبايب سحابٍ موسمي
لا انغسل ما كنه إلا عزيز ومحشوم=لا ركبته تشعر انك حقيقة آدمي
لا زهمته موترٍ ما خذٍ طبع القروم=فيه قومات السعودي وفزعة عازمي
لا نطحته كنه اللي مع الغبّه يعوم=وإن قفيته كن قوله تنشق عادمي
موترٍ لولا التواير وكيبات الكوم=كان قلت من الصواريخ يمكن ينتمي
راكبه تكفى ولاني معرضه السلوم=بتجنبهم ولو زودو تهايمي
بأترك الشّعار مابين مبلي ومهموم=قد نخيت اللي عجز لا يقضّي لازمي
لا تقربهم وأنا بختصر لك بالعلوم=رح عساها سفرةٍ مع طريق السالمي
ولا تماكنت الجمارك وختمت الختوم=لا توقف جعل يفداك فيصل قاسمي
لين تاصل من به القلب معطى ومحروم=منحرم شوفه ومعطى غلا ما ينكمي
سم حالي جعل من لامني يعطى السموم=وإبتلاني جعل يبلى بمثله لايمي
كن من دونه معادين وجيوش وقوم=داخلي وأصعب علي من شعيب الغانمي
مل قلبٍ عنه عيّا يسج ولا يروم=لا ذكرته من معي يفطن لجرّ نسمي
واحدٍ بالوصف ما كنه إلا بالنجوم=دوّر اقواهن وحطه لمذهبني سمي
بين رمشه ذا وهذا مشي ليله ويوم=كحلته من وسع عينه سبوع وترتمي
كنه اللي يعتق البيض لامن جاه نوم=وإن صحى من مرقده شاخ فيهن ملهمي
كن زين البيض في كوم وزينٍ فيه كوم=واحدٍ من سبّته يا كثر هزايمي
في جفاه أجرّ حقت عبادي يا ظلوم=وبالوصال اجرها لي جناة ودارمي
الزمن بمواصلة تقل مشفوح معزوم=والزمن بمفارقه تقل عود منعمي
يا نديبي ما نخيتك وأنا فيني عزوم=شفني اشحذ من غيابه بعض عزايمي
وصّله علم من الراس للراس مختوم=لا وسيط إلا أنت خذ ما سمعته من فمي
لا يخليني وأنا ما بين نصحٍ ولوم=خايفٍ لا طوّل البعد أصدق لايمي [/poem]
[align=center]للأستماع والتحميل بصوت الشاعر اضغط هنا!!
تقبلو تحياتي
وشكري
أخوكم التويمي[/align]