[poem=font="Arial,5,blue,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="1,black"]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القصيد اللي يشرفني ويرفع راسـي=
لوطلب مني وانا وسط الحرم عديتـه
كل ماعبرت اعبر من عميق احساسي=
الضمير الحي حيانـي وانـا حييتـه
اسعفوني باالقلم والحبر والقرطاسـي=
كل شي زين في وقته وفـي توقيتـه
المهمـة كايـدة ياطيبيـن الساسـي=
ماتعـود سالفـة شلـة ولاتنكيـتـه
هاجسي للشعر يدفعني قبل هوجاسي=
وانسجم مع كل طـارووق لياغنيتـه
ماخذلي في بحور المعرفة مرواسـي=
حافظ عز القصيـد ولابعـد ذليتـه
الذهب يبقى ذهب والا النحاس نحاسي=
مايجمل لو عرضته بيع والا اهديتـه
التجارب علمتني عن جميع الناسـي=
مابقى لغز مـن الالغـاز ماحليتـه
فيه ناس ماوراها الا تعب وافلاسـي=
يحسدون الرجل في ماله وفي عافيته
وفيه ناس للعلـوم الطيبـة نبراسـي=
يغمرك باالطيب واحدهم ليامن جيتـه
وخوة الطيب تبدد ضيقتي واعماسـي=
والخوي يبين لك فاالدرب لاخاويتـه
يسلم اللي في سنام المرجلة متواسـي=
وصل للدار القريبة والبعيدة صيتـه
ثابت عند الشدايد مثل ضلع راسـي=
عامر بيت المعزة يعمـر الله بيتـه
فاز باالعليا مثل فوز البطل باالكاسي=
ماتشوف الا السعد والخير من ناحيته
مااعتبره الا حزامي فاالنهار القاسـي=
وسيفي اللي كل ماشفت العدا سليتـه
لي ونا له كان لحقه ضيم والا باسي=
مثل قولة ربعنا من عزنـي عزيتـه
واحد ماينفعك فاالموقـف الحساسـي=
اشهد انه مايجيك اللـوم لـو سبيتـه
يلحق المشروه رجال بعيد ارماسـي=
مايعود للخبول اهل القلـوب الميتـه
اترك النمـام والكـذاب والهلاسـي=
مايجازونـك بمعروفـك لياسويتـه
الحياة اما نكد والا فـرح واوناسـي=
والزمان يدور محد عـارف تاليته[[/poem]/poem]