قرقعة سمسومه في الحج <<< ماتتوب!!!

[سمسومه]

[align=center]بسم الله الرحمن الرحيم

قبل كل شي : إقطعو الإتصال قبل لاتقرون الموضوع !

واللي بيقرى الموضوع كله يسعدني أن أهديه لقب أشد مكافح ومناضل في العالم !!

الحمد لله وحده

نصر عبده

وأعز جنده

وهزم الأحزاب وحده

بما إن موسم الحج أزف واقترب <<< مهيب عاقله !!

فحبيت أذكركم بمأساتي العظيمة في حق الشعب الدوسري والعنزي <<< يعني أنا وأمي !

المهم القصة بأشلخها أنصاف لأنها مخربطه مثل تقاسيم شعري الجميلة بس بأعلمكم

من تزهيب القش إلين وداعي لأم ذكرى ....


أولاً: الحملة الرائعة:

فيه حملة في منطقة الجنوب حقت أمير الله يسلم عميري وفروعها في تنومه وابا العريش

وأبوجبن أبو قرون وسبت العلايا وغبص السجايا ومدري وشو بعد المهم كل الهجر الي هناك!!

المهم لها فرع في الرياض وعلى حظي الجميل ماحجر من أهل الرياض إلا أم ذكرى الطقاقه

وولدها وأم نايف الطقاقة وانا وأمي المصونه وأخي اليافع <<< يقالها تعرف تخششكم جو خخخخخ

ولها فرع في الزلفي ماحجر فيه إلا عجوز ومرت ولدها وولدها

الله يستر عليه ويهديه <<< حاقده عليه بلاه يقز مابقي إلا مقاس نعالي ماقزه !!


باص الحملة:

ركبنا على بركة الله وطبعاً الأمر بالنسبة لي فاجعة لأنني تلقيت صدمات معيب صاحية :

1/ الحملة فئة واو مدري ياء !!

2/ كنا حاجزين في طيارة بس هكوا علينا !!

3/ كل شعب الجرادية والفيصلية وعتيقه في الباص!

حسبي من الهوايل ما ذكرت!

أول ماركبت الباص ذلفت وراء أنا وأمي أمي جنب الدريشة وأنا جنب الدريشة الثانية

وفجأة قدمت فرقة أم نايف! وجلسو بينا أنا وأمي <<<بداية انشقاق الصف!

كان معهم عفش فضييييييييع والله لو إنهم بيهاجرون ماخذو ربعه!!

المشكله إنه كله شناط يد خفافي <<< بزعمهم!

وقهوة وشويهي وماجر غصنه!

وأنا كان عفشي (شنطة يد – فشافيش وشوكولاتات)

من يوم سمعت الباص يشغل بديت أفكك في الفشافيش وما حرك إلا وأنا لاحسة أم أبو الفشافيش

والشوكولاتات <<< حوير بطيني خخخخ ماهنا صبر

وعطيت من باب الأدب ذا الطقاقة أم نايف تسالي حار وكل الطريق وهي

مصفطته على شكل مثلث وتنقب به ضروسها << الله يحوم تسبدتس!!

وفجأة :

واااااااااااااو

هيييييييييييييييييييييئ

وتبازر عيون ذا الطقاقات ويصايحون الفلوس الفلوس أثرهم ذا الزلايب خذو القهاوي

والدنيا وشنطة الفلوس نسوها!!!

وطبعاً أصول المهنة تقول إن الفلوس النص بالنص!!

يعني المصيبة مشتركه !!

ويديور الباص ونسوي زحمه مالها داعي في النقل المهم لقوها الحمدلله على سلامة الشنطة !!

5 دقايق من المناقر بين هالطقاقتين كل وحده تشذب في الثانية ثم تقاسموا الفلوس

وهجدو وطلعو قهوتهم!!

طبعا قهوه خضراء <<< لاتستغربون حاطين معها مستكه مدري غرب مدري نعناع !!

أنا بديت أزوع وأتوع من شكلها <<< الله يقرفتس خخخ

المهم طلع حلاو صعو و قوطي شفاف شوي فيه شي يخرفش تسمعه من بعد كيلوا!!

أنا طبعاً تبادر لذهني <<< إنه جراد مشوي مدري ميبس <<< قاطه معهم خخخخخخخ وتقز بعد!

بس إستغربت إن الجراد مع القهوة يوكل !!

مادريت إلا أم ذكرى تقول تفضلي !!

قلت : أنا فيني قل شهوه ما بي شكراً <<< أشوى إني بالعة كيستين فشافيش قدام نظرها !!

أثره الله يكرم النعمه تمر حشف وملون بعضه أحمر وبعضه أسود وبعضه بني !!

عشان كذا قلت جراد والألوان في بالي إن الأحمر انثى الجراد والذكر أسود

والعيال بني خخخخخ <<< يقالي أفهم في الأحياء خخخخخ

المهم أمي فتحت مصحفها وخشت جوها وأنا بحلت بذا الطقاقات والمشكلة أستغفر الله

الله لايعاقبهم جايبين معهم محرم مهبول مررررره ومقرع وعليه طاقيه مشخله

وناشبه عند إذنه اليمين <<اسم إن عليه طاقيه !!

وعليه قميص اللي مخطط درجات الرمادي ومن رحنا إلين رجعنا وهو عليه <<<ماعندها شغله إلا تراقب خخخ

المهم ذاا لولد كل شوي ناط عند أمه عشان ياكل جراد قصدي تمر وكل مافتشت وجهي جاء

و أمصع الغطوة لايشوف خشتي ثم يصيرعلى ماقالوا : مجنون وطق بعصا <<< طبعا من الروعه

من براطمي خخخخخ

والحمد لله وصلنا على خير!!



ثانياً : مخيم منى

طبعا مخيمنا مثل ماحدثتكم آنفا فئة واو !!

يعني وأن في المخيم مكتوب عند حجاجي الأيمن بداية مزدلفة <<< أمحق حمله !!

وكل اللي جنبنا تكرونيات يبيعون برتقال ولحم !! <<< مدري وشلون تسبودهم تعيط ذا اللحم

الله يكرم النعمه المشكله إن اللحم تكسره بساطور على الرصيف!!! <<<لاحظو التعقيم !!

وما أمشي إلا على قشر برتقال وبيني وبينكم فحطت في قشرة برتقال ولا حسيت بنفسي

إلا أنا تحت دباب شرطي وما أسمع إلا : بسم الله عليتس ياخاله قومي تبين نستدعي

إسعاف!!! <<< أنواع الفشيله!!

وعباتي كلها سعابيل وتنخيم ذا العمال قصدي الحجاج<<< الله يقرفتس!

دخلنا المخيم ولاهم قاسمينه نصين قسم للي جايين بطياره وقسم للي بالباص <<< لاحظو العنصريه خخخخ

والله ياإني حمدت ربي إني ماجيت في الطيارة لأن مخيم أهل الطيارة كللللله لحوج !!

وفي المخيم عشت أيام والله إنها تكتب بماء السعابيل من شينها والله إني نحفت في الحج 7 كيلوا من ذا العالم !!



ثالثاً: أمي الرائعة:

للمعلوميه أمي إنسانه راقيه جدا ومثقفه ورزينه << للأسف ماطلعت عليها خخخخ

ومن تعاملها الطيب نصبوها (ابن باز) الحمله!!!

وصارت أمي مقدسه بشكل يقطع المصران ومن مظاهر التقديس مايلي:

1/ كل الحملة يمكن 100 حرمه مايصلون إلا على سجادتها وسرى عليها!!

2/ أي حركه تسويها يقلدونها إذا انسدحت كل الحملة ينسدحون وإذا غسلت كل الحملة

يغسلون وإذا تسبحت كلهم يتسبحون وأي شي

تاكله ياكلون مثلها !! << أنواع التمصع من الضحك أنا !!

3/ إذا كبرت تصلي الوتر صفوا وراها <<< أي صلاة خخخخخ!!

4/ مرقد أمي كل الحملة جربت تنسدح عليها !!

5/ شنطة أمي كلهم لمسوها وقزو اللي فيها !!

6/ جوال أمي كلهم يتفرجون عليه !!

7/ أي شي يصير لهم يشاورون أمي فيه لدرجة إن فيه وحده طولت شوي في الحمام

جو يستفتون أمي يطبون عليها وإلا ماتت وإلا يكلمون زوجها وإلا وش يفزعون به؟؟

طبعا السالفه كلها الحرمه فيها شوي مساك!!! <<< الله يرجتس!

بس من الفرغه أي شي يحاولون يحلون لغزه!

8/يخلونها تتصل على عيالهم وأزواجهم ثم إذا ردوا عطتهم التليفون يكلمونهم!!!

8/ ليلة من الليالي كان برد وخشم أمي ثلج وحطت يدها عليه عشان يدفى وأ نا كنت طالعه

رجعت وإلا الحملة كلها يدينهم على خشومهم استغربت قلت عسى ماشر عسى مهوب الحج

كذا بس <<< عليميه أول مره تحج!!

وأناظر أمي وإلا يدها على خشمها وميته من الضحك وبلشة بعمرها !!!

ولو أقص لكم إلى باتسر من تبركهم بأمي والله إن تربصون من الضحك!!

رابعاً: أم ذكرى الطقاقة!!

هذي حرمه من أول الخط وهي تسحلتن بي وحاقده علي بدون سبب الظاهر بلاي قلت مابي جراد!!

وتناظرني بحقد بس المشكلة إنها متحملتني عشانها ميته على أمي وتقدرها بشكل فضيع !!

أنا جبت مرقدي جنب أمي وطبعاً ذنوبي اللي جابتني أم ذكرا صارت جنبي!!

حطت شنطتها تحت رجولي وكل شوي تقرب لمرقدي وهي تقلب إلين دخلت كشتها في عيوني!!

وأنا بصراحه محد يحبني لأني عاقده حجاجي ومتكيه على عمود الخيمة وأتمقل في ذا العالم وأتحمد !!

جاء الليل وخشعو العالم وقامت أمي توتر وجت أم ذكرى وشافت أمي توتر وقومت

كل الشلة اللي جنبها عشان يصلون وراء أمي <<< نصف الدين غاريه!!

أنا تمصعت خشتي من الضحك ناس قامت من النوم وصفت جنب أمي المشكلة

إنهم قبالي يعني مافيه مفر لخشتي شافوني أضحك وحقدو لآخر درجه <<< ما أنلام والله

وسلمت أمي وهي منحرجه مررررره ودها تعلمهم بإن السنه مافيه إمامة بس كل ما شافت

كرشتي ترتج من الضحك جتها الضحكة وهونت وأسمع أمي تقول بهمس : الله يفشلتس ويخزي

عدوتس وهي فيها الضحكه بس تكتك فيها والسبب في هالكارثه أم بشرى !!

طبعا أنا يحسبوني مهبوله بعض الأحيان أضحك فجأة وأكيد فيه سبب بس يجهلونه

وكلهم كارهيني الله يرجهم
وجت أم ذكرى وتستلمني محاضرة وتقارني بأمي وتحمد وتشكر على عقلي وأنا مافيه

فايدة رابصه من الضحك وراحت وهي زعلاانه وسبحت بدون شامبوا وطبعا خذت فوطة أمي

تنشف فيها شعرها <<<معلمتكم إنهم يمونون بقووووه خخخخ

وصارت تنفض شعرها على وجهي من الحقد !!!

وتعرفون شعر طقاقة ومغسول بدون شامبوا يعني أنواع الصنان <<< أول مره والله

أشم صنان في الشعر خخخخخ

وكل شوي أمسح وجهي من المويه المصننه من كشتها وهي مبسووووطه على

بالها تنتقم بنت الإيه خخخخخ

نكتفي بهذا القدر عن هالطقاقه ....

خامساً : أكل الحملة

طبعا بدعاية الحملة حاطين صور بوفيها توسنع ودنيا <<< زارفينها من الانترنت!!

طبعا ماشفنا شي من هالبوفيهات ولا شفنا شي يسد الجوع لأن أكلهم بصراحه يجيب الصرع الله لايحرمنا آمين!

يعني بس آكل فطور أنا لأنه خبزه وجبنه وياااالله يالله بعد

أما الغداء والعشاء الله يكرم النعمه والله العظيم كأنه عطوف بقر وحطو في بالكم إن الطباخين من

الجنوب يعني سمنهم في دقيقهم البهارات مايطحنونها والله إن الرز كأنة ورد مجفف كلش ما إنطحن

ورق الغار مسمار هيل قطع زنجبيل دارسين قطع كركم وكل شي على حاله وطبعا البهارات هذي مره

يسوونها مع رز مره مع مكرونه وتطلع الطبخة بهارات بالمرونه وبهارات بالرز!!!

لا ويحطون لحم لونه وردي مع بنفسجي !!

شكله والله لحم قطاوه مدري بربري !! <<<الله من الرقه خخخخخخ

وفي اللحم شي يمطط شتنه بتكس وما تسمع وقت الأكل إلا مماطق ومصمصه وقرف وعععععععع

والمشروب سن توب وببسي !!!
و بصرااحه أنا نفسي شيييييينه مره يعني عجزت أتأقلم مع أكلهم فأضطر أقطع كيلوات

عشان أروح للبيك أو الطازج وآكل والله العظيم إني ما قد أكلت هاللي شريته إذا دخلت طبعا

يسوون تفتيش على اللي في يدي كلن وده يعرف وش اللي في هالكيس ثم إذا درو إنه دجاج قاموا

يتباشرون وقلطو أعمارهم وكلوه!!!!

وطريقة الأكل سفر بلاستيك لكل مجموعه وأنا دايم من حظي ذاا لطقاقة جنبي!!

ومره طاح عصيري منها وهي تناولنياع في الإدام ولحسته ثم عطتنياه !!! <<< أنواع الموانه خخخخ

وطبعا لو الموت والله ما أشربه المشكله إنها تراقبني وكل شوي تقول : اشربي عصيرك !!

وأنا بحلتن به مدري وش أسوي به !!

قلت سمس تبينه وما صدقت خبر!!

طبعا في الحملة أي شي ما تبغاه أكيد بياخذونه وأي شي مابعد أكلته يسألون : تبينه وإلا

ناخذه؟ <<< قواية وجه خخخ

وأما القهوة فهي يسمونها (قرش)

والقرش بلغتهم يعني القشر والقشر هو قشر القهوة !!

يعني مهيب قهوة لا قشر قهوة محموس مع هيل وزنجبيل ومراميه <<< دواء نفيسه خخخخ

والتمر جعلي ما أتمناه كنيز أسود وحويل إن تسانه من 4 سنين فهو طازج!!

وأنا ياعمري أطلع من الحملة وما ألقى في الكشكات إلا بساكيت وأصرفها بسكوت أبو ولد

اللي أزرق وأحمر وأنا خلقه ما أحب البساكيت!

وألقى لي مره تكرونيه مع بسطه وألقى (كريك كراك) ذاك الشييبس اللي بالطماط وأشهق شهقه تروعت منها التكرونيه!

قلت : فيه سوا سوا هذا؟

قالت فيه : 7 حبات!

وأعطيعا عشر ريال هديه مع إنه بنص ريال بس تستاهل والله

وقسم كأنها مبشرتني بدخول الجنه!
وألقطه وأعطيها عشرة ريال وأطيييييييير للحملة من الفرحة بس تذكرت إنه ممكن ياكلونه لو

شافوه وأقعد تحت شجره على الرصيف اللي يشوفني يقول طراره خخخخخ

أدري أقرفتكم بس ترى فيه أشياء مشفره حفاظا على مافي تسبودكم من طعام!!

سادساً : يوم العيد

طبعا أنا كنت مجهزة شنطتي على إن الحملة محترمه وحاطه أطقم سبورت مع كوتشاتها

ومع شراباتها ودنيا وسشوار واكسسوار وبكل ومكياج <<< والله محدن جاب خبرتس خخخخ

وطبعا إنسدت نفسي عن اللبس ومن يوم جيت ماغيرت الظاهر إلا ثلاث مرات <<< علموني الطماله خخخخ

وجزمتي ماغيرتها بس أغير الشرابات !

ولكن يوم العيد كنت طبعا نايمة وقمت على صوت قرقشه جنبي وأفتح نص عيني وإلا ذا الخرشة

في الخيمة أحمر وأصفر وبرتقالي وبنفسجي وفسفوري وشك ودنيا!!!

الله إي ده؟؟؟؟

أنا ناسيه إنه العيد قلت : إيه أكيد إني أحلم !!

وأنام وإلا أمي تقومني قومي يالسيرلانكيه الناس تعيدت وأنتي خايستن في مرقدتس !! طبعا والله

مانمت إلا بعد الفجر بس أمي ماترحم!!

وأقوم إلا حلا والبقر ينبر والدنيا شايشه والروج السحري والروج الأحمر قايم عزه والكحل

من الخشم مملوط إلى منابت الشعر وباب الخيمه عليه سرى <<< كل وحده تروح توري زوجها

جديدها وزينها <<< الحمدلله إني مانيب رجال لهم!!!

وعلى طاري اللبس كل الحملة يميلون لقصر القامه <<إخس يامثقفه خخخ

وقمصانهم طويله عليهم ولو تدرون شلون كافتين قمصانهم !!!

والله العظيم إنهم بالمقص تقص القميص وتمشي !!

وكل أطراف القميص سراسيب وخيوط ولاعندها تلقااها تعكرف 100 مره في ذا الخيوط بس

أهم شي في خاطرها إن القميص جديد!

سابعاً : الشاحن والفيش اليتيم

طبعا خيمة طول في عرض ما فبها إلا فيشين واحد مشبوكه فيه الثلاجة وواحد للشاحن !!

وأم ذكرى معها الرهيب وأنا معي المسكت الله يذكر أيام المسكت بالخيييييير !!

وغايره مني مدري على إيش وكل شوي طالتن في جوالي وكلما شبكته في الشاحن فصلو

جوالي وعطوه أمي وشبكو جوالاتهم!!

<<< عاد الله من زين هالشبكة عشان يشحنون جوالاتهم !!

نسيت أنبهكم بأن جوالاتهم مهيب حقاتهم اللي ماخذه جوال رجلها وهو في الديرة واللي جوال

ولدها واللي حق أختها وحالتهم حااله وطبعا مايعرفون للجوال وأن صايره السنترال حقهم كل مارن

الجوال يجون يسألون هذي رسالة وإلا تلفون!! <<< تلوموني يوم طقت تسبدي!

لا وأكشخ وحده فيه الحملة كانت طالعه للحمام وجت لقت جوالها مكتوب على شاشته : مكالمات لم يرد

عليها وتقعد تطاااامر وتقول مكالمة لم يرد عليها أحد!!

أنا افقش بطني من الضحك على لم يرد عليها احد!!!

وصارت الحملة كلها يسمون المكالمات لم يرد عليه أحد!!!

<<< بدون تعليق!!


ثامناً: يوم عرفه!

يوم عرفه بأكتفي بموقف واحد !

أول ماوقفنا الباص جنب الخيمة سوو هجوم كاااسح على الخيمه كل وحده تبي تدخل قبل الثانية

وتجيك ذيك العجوز المااااغطه ودردبوووووم طراااااع وتشنقل في حفرة المندي!!

أنا أناظر وأشوف رجلين طالعه من برميل المندي بغيت أربص من الضحك وقسم بالله إن بطني أحسه

ترهل من الضحك ودي أقول بسم الله عليتس بس الموقف ما يحتمل!!

المهم طلعوها من الحفرة وأنا علي السلام من الضحك أحسني دخت وتهلهل بطني!!

بعد ماطلعو العجوز من الحفرة انكتمت من الرماد والوساخه اللي في البرميل وفتشو برقعها !!! <<< كارثه!

طبعا هي ماقد فتشت برقعها عند أحد حتى رجلها وفتشوها في عرفه!!

<<<مصيبتين في مصيبه!

وأشوى إنها مهيب تفتش والله إن تعنس عند أهلها خخخخخخخ

قلت آلحين يقالي ناويتن أعقل وخربتها معي ذا العجوز بس خلاص قدامي وقت أتعبد فيه!

وجلست يقالي عازمه على الجد والعبادة ولا نيب ضاحكه ولا معصبه ويجلسون جنبي حرمه والعجوز

الي طاحت في البرميل والحرمه بنت أخت العجوز

ويدور هذا النقاش :
الحرمه : هوش ياخالتي وش هذا الي في وجهش!!
العجوز : أمش الله يخزيها صنعت هذا !!
الحرمه: هذا وجهش ياخاله إلخ ....!

وأثر بنت الأخت ماقد شافت وجه ذا الخاله والخالة فيها وشم وكل وجها منقوش

وشم تسنها مزهريه!
وراح عرفه وأنا متابعه استنكار بنت الأخت من وجه الخاله والخاله وهي تبرر وشم وجهها

إنه من أمتس يابنت أختها!

الله يذكرهم بالخير ويسعدهم ويجمعنا بهم في الجنه

تاسعا: المرجم

هذي عاد الكارثة اللي صز عليها الحتسي أنا بسم الله علي دبيبا وإذا طحت إنسو أقوم
بسهوله !!
وإحنا في طريقنا للمرجم زحممممممه مووووت وأنا انكتمت من ريحة الإفريقي اللي قدامي

واليمني اللي وراي !!
وجتني حومة تسبد ما قد مرت علي مثلها مره أمشي رافعيني ومره أمشي على رجليني ومره على

جنب ومره على ورى طبعا هذي الحركات لا إرادية هم اللي يمشوني إياها ذا الأوادم <<< وقسم كني رقاصه
فيها زيران!!

مرتن أرتفع ومره على جنب و......

وفجأه صارو قدامي عائلة ذا الإفريقي وطبعا هم جايبين قشهم كله معهم يخافون

ينسرق يوم شافو الزحمة ويتركون العفش ويمشون وأصلا العفش ماقدرو يمسكونه

ويسحبونه من الزحمه!

ويوم تركوه أنا اللي صرت وراه !!

وشي طبيعي إني بأصفط على العفش لأن اللي ورا يدفوني والعفش قدامي !!

وهذي زحمة مرجم مافيها يمه ارحميني !!

طحت على العفش وبدت رجلين الناس تمشي فوقي وأنا من زين الطبايع منبح حلقي ما أقدر أصارخ

وشوي شوي انفلتت يد أمي مني وراحت أمي في الزحمه !!

أنا صرت أتشهد وأصيح وأتخيل إن ماعندي أعمال وإن ملك الموت جنبي وأصيييييييح

وأقول يممااااااااااه
يماااااااااااااه

وطبعا الطريق على أطرافه عسكر متماسكين عشان ما أحد يطلع أو يدخل من نص الطريق!!

وصرت أتخيل القبر والمرت وأصييييييييييييح!

وفجأه سمعت صوت سعودي يصارخ يقول : هنا سعوديه هنا سعوديه!!

وقسم بالله إني حسيت بفرحه ماقد حسيت بها <<< يالنصابه فرحتس بفشفاش التكرونيه أكثر!


المهم حسيت نفسي أنشال ونسيييييت الدنيا!!

فتحت عيني لقيت حولي شرطه ويسمون علي وكابين على وجهي مويه لأني مغمى علي !!!

وأستحي وأغطي وجهي ذا الي كله مقاسات نعال وميد إن تشاينا!!

وأنواااااع الصيااااح أنا واااااااااااااء
وااااااااااااااااااء

إلين جو أخوي وأمي لي طبعا لأننا سعوديين <<< إحلفي خخخ

وافقو الشرطه يفتحون الطريق لأمي وأخوي يضفوني معهم!!

وأخم أمي وأقعد يمكن عشر دقايق متعنقطه فيها وصيااااااح

المهم أخوي وده يفرمني من الحمق <<<مهوب هو بلحاله خخخخخ

ورجمنا وخلصنا وتحمدنا العاقبه!!!!


عاشراً : الرائد فهد ........

طبعا هذا فهد إنسان ما أعرفه ولكن أعرف أخلاقه وكل ماتذكرت حجي دعيت له أنا وأمي ......

وش سالفة فهد....؟
السالفة إن الرمي الثاني حق الجمار عيا أخوي يوديني يقول والله لو تفطسين ماتروحين معي !!

تروحين ثمن نبحل بتس!

آلحين توتس مفتحتن عيونتس وبترجمين بعد!!

ضفي وجهتس وبأرمي عنتس !!

طبعا ماقالي هالحكي إلا يوم قربنا من الجمرات !!

وقال لأمي : شوفي ما دام ذا الدبا معنا والله ما أخليكم ترجمون!!! <<<الله يسامحه

المشكله إني أخته الكبيره!!

وأدق على أبوي وأصيح : قلت شف ولدك يقول ذا الدبا لاترجم معنا
وبيرجم عني ؟؟

عاد أنا دلوعة الماما والبابا قال أبوي : قولي له يضف وجهه ذا الثور وارجمي
وما عليتس منه !!

وما أمداني أصك الجوال إلا أمي تعطيني نظارات وأوراق أخوي وتقول يالله

نرجع للمخيم يعني أخوي سحب علينا !!!

عاد أن سويت فيها فلم مصري
واااااااااااء مانيييييييييييييييييب أبوي يقول ارجمي والله لأرجم!

وأكلم أبوي قلت له : ترى أخوي راح وخلانا ومالي دخل أبي أرجم !! <<< ودي أصير
شهيده بأي طريقه خخخخ

المهم قال أبوي : لاتتصلين مره ثانيه علي أزعجتيني وطسي أنتي وأمتس وارجمو وانتبهو !!

قلت : زيييين
المهم ونمشي أنا وأمي لا معنا حصى ولاشي ولا ندل بعد من زين الخشش !!

ونلقى ضابط واقف سألته أمي عن مكان الجمرات !

قال : هنا بس لحظة وين محرمكم ياخالة؟

قالت أمي راح وخلانا !

قال : زين انتظري على جنب شوي !

وأنهبل أنا قلت لأمي تراه بيحبسنا بلانا في مكه ومامعنا محرم خل ننحاش !! <<< مسويه فاهمه

وأمي تحمد وتشكر على ذا البلية اللي هي أنا !!

ويطلع ذا الضابط جواله وأٌقز اسمه ولا ه فهد .....

وتراه للمعلومية رجال كبير في السن!

ويدق على حرمه (أمه) قال وينك؟

قالت : قريبين!

شوي ويجون حرمتين وحده أمه وحده زوجته وسلموا علينا قال يمه ترى هاذولي

تبع رفيقي ! << من جنبها والله خخخخ

وشوي ولا ه جايب لنا 12 شرطي !!

قال يالله طوقوا حولهم ووخلوهم يرجمون!!

من قدي؟؟؟؟؟

وقسم بالله بغيت أموت من الفرحه مغير أعد في هالشرطه اللي حولنا خخخخخخخ

وطبعا أنا وخشتي وأمي وكرشتها مامعنا حصى ويلقطون لنا ويعطوناها
وناصل لجدار المرجم

وياعمري واحد من الشرطه فصخ قبعته وعطها ورى راسي عشان

ما أنرجم <<< خاف يحسبوني الشيطان ههههه

وما أمداه يصد عني الحصى إلا حصاااة مصوبه على إذنه !!

ويصارخ ويلعن والمشكله إني أنا السبب <<<شر وعيشن مر!

الزبده ونرجم ونطلع في خلال دقايق !!!

أنوااااااع الوناااااااسه
المهم دعينا له وتشكرنا لأهله بالنيابة وقال لم شرطيين يالله وصلهم لحد الحملة !!!!

ونااااااااااسه مره ثانيه خخخخخخخخخ <<ضعيفه ماتعودت على التحشيم خخخخخخ


بصراحه باقي من الموضوع شي كثيييييييييييير بس مليت وأنا أكتب لأن المحاور تتجازو
الثلاثين أكتفي بهذا القدر الماصل والسلام عليكم ورحمة الله وبركاته......

ملاحظة : لاغيبة في مجهول !!
و•تراي كنت صغيرة شوي يعني لاتشرهون علي <<الي يشوفتس آلحين يقول عاقله خخخخخ

ولايسعني في نهاية الصراع إلا أن أعزيكم في عيونكم الي شكلها تمططت من القراية

وأدري موضوع مااااااصل لأني بصراحه موااااااااصله ومالي خلق أكتب !! <<< وش حادتس تكتبين؟

<<< قرادة الحظ خخخخخ

باااااااااايسون


وإن تسانكم تبون أكمل قصة حجي علموني <<<<< أبشري بعزتس والله
إن يسحبون على عليتس أنتي ومصالتس خخخخخخ



تحياااااااااااااااااتي[/align]

[أنــ(تويمي)ــا]

والله ان الاتصال انقطع من نفسه يوم شافني منسجم مع قصتس المااااصلة

المهم احلى شي يوووم العيد والالوان الزاهيه

ههههههههههههههههههههههههههههههه

هههههههههههههههههههههههههه

ههههههههههههههههههه
هههههههه

هههه

ابقعد اضحك إلين الفجر

ههههههه


تقبلي مروروي

[شموخ الوجدان]

هههههههههههههههههههههههههههههه

هههههههههههههههههههههههههه



صراحة هذي مشكلة اللي تحج مع حملة رخيصة وبدون ما تسأل عنها

[مثل النخيل خلقت]

سمسومة ..

عدتي والعود احمد ..

وهنيئا لنا بعودتك ..

لي عودة لقراءة الموضوع ..

[شعيب سدير]

يرجتس يا شيخه على القصه المااصله الطويله خخخخخخخخ

مشور ه اختي الغاليه سمسومه

ويله نبي غيرهاا


تحيااتي لك


وشكرااااااااا

[السنبلة]

يا هلا والله وغلا..

اسفرت وأنورت..

أنور المنتدى برجوعك...


لي عودة بإذن الله بعد القراءة المتأني للدفتر أبو 80

[المنتخي]

الله يرجك بس


موضوع يبيله جلسسسسسسه رااااايقه


اقراه بعدين ارجع

[جنون]

[frame="8 80"]الله الله..
رجعت سمسومه ورجع الهبال والوناسه والضحك معها..

رجعت ورجعت المواضيع الرايقه معها..



الموضوع يبي له جلسه مهيب هينه..

مجرد تسجيل حضور ولي رجعه..[/frame]

[أبو إبراهيم]

الله يرجتس رجاً مبرحاً


لي عوده عقب ما اكمل القصه



( موقف عند المرجم)

[سمسومه]

هلا أنا تويمي

والله ان الاتصال انقطع من نفسه يوم شافني منسجم مع قصتس المااااصلة<<<< إيه بعذره
حتى الإتصالات توحشو من براطمي خخخخخخ


المهم احلى شي يوووم العيد والالوان الزاهيه <<< الله لايوريك جاني عمى ألوان عقبها صرت أشوف الأجسام الأثيريه ومافوق الأشعه البنفسجيه من ترترهم خخخخخخخخ

ابقعد اضحك إلين الفجر <<<< بالعافيه يارب

مشكوووووور عالرد وماقصرت

تشرفت بمرورك

تحيييييييييااااااااااااتي

[سمسومه]

هلا شموخ البردقان

إيه والله أشوى إن سعرها فوق 5000 آلاف والله !!

البلا في روس هالأوادم والله يحسون إنهم في الأنتركونتيننتال مادرو عن الحملة ولاش!!

والحملة سألنا عنها بس دعايتها كذابه !!

مشكوورين على المرور

تحيااااااتي

[سمسومه]

مثل النخيل خلقت

هلا بك عبووووووووود

تدري والله يوم شفت يوسف في توقيعك بكيت تدري إني نمر ماسي <<< افهمها إن تسانك متابع الهلال!!!

تحياااااااااتي لك وبإنتظار عودتك ......

[خطاب]

[align=center]


الحمد الله على السلامه أختي
وش هالقطاعه

ولي عوده [/align]

[مثل النخيل خلقت]

اعتذر للرد مرة اخرى ..

ولكني وعدت ان اعود بعد القراءة ..

يعطيك العافية اخت سمسومه ..


ابداع منقطع النظير ..

وخيال واسع ..

حرمنا منه فترة طويلة ..

وان كان الشباب هنا فيهم الخير والبركة ..

استمري اختي الكريمة ..
فالمنتدى في انتظارك ..

اما الثنيان فسيظل في قلوبنا ..

[المعنّى]

الله يرجك يا سموسوووووووووومه الى النخاع

ولو في كلامك شي يحوم الكبد بس وش نسوي مشتاقين لسواليفك واستهبالاتك


وهذا جزا الي يحج في حمله رخيصه واحمدي ربك انك معك طقاقات في الحمله باكر تدور الدواير ويصيرون لك عون بس اهم شي استسمحي منهم


وتقبلي تحياتي

المعنى