العين .... ومكانتها في الشعر الشعبي

[سلطان العضيدان]

السلام عليكم ورحمته الله وبركاته :

قد تغزل كثير من شعراء الشعر الشعبي بالعين ومايحيطها من رموش وجفون وحواجب
وفي جمال العين وما تحمله من مواثرات على الشاعر

فالكثير من الشعراء يبدعون في وصف العيون ووصف جمالها وحركة رمش العين
ولا تخلوه قصيدة غزلية من وصف العين ومن جانب اخر مصدر للجمال
في حال حزنها او ألامها او حين الفرح والسرور

ومن الشعراء الذين اثر عليهم مروش العين الشاعر الكبير / أحمد الناصر حين قال :


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لي صاحب ما قطعت اليأس من دونه=لو غاب عني خيالـة دوم يبرالـي
الصاحب اللي سحر هاروت بعيونـه=ودي بشوفـه ولكـن ماتهيـالـي [/poem]



كذا قصيدة الشاعر صالح السكيني وهي قصيدة سامرية يقول فيها :


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحة ساهـر والدمـع يجـري=والقلب حزن على فرقـى حبيبـه
كريم يا بـارق ينـوض حـدري=واللي سرى بالغداوي يقتـدي بـه
والى ضرب وادي خـلاه يجـري=عسى طروش البوادي ترتوي بـه
متخفي لابس لـه بشـت بـدري=حسبي على البشت واللي غرني به
يا مدرج الساق حالي منك مبـري=بري النجاجيـر عيـدان صليبـه
ابـو قـرون تغـذى بالشمطـري=مثل السفايف على كور المجيبـه
ابو عيون والـى دلـت تخـزري=ترمي بالاسباب ويل اللي تصيبـه [/poem]


وحين الفراق تهل العين بدموعها هذا ما حصل لشاعرة نورة الهوشان :




[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالعين هلي صافي الدمع هليـه=واللي قضى يا عين هاتيه سريبه
يالعين شوفي زرع خلك وراعيه=هذي معاويـده وهـذي قليبـه
من اول خلـي قريـب ونرجيـه=واليـوم جيتهـم علينـا تعيبـه
يمرني بالسوق معـاد احاكيـه=يا كبرها يا عبرها كم مصيبـه
اللي يبينا عيت النفـس تبغيـه=واللي نبي عيا البخت لا يجيبـه [/poem]



ان للعين جمال في حالة الحزن وكذلك جمال في حالة
احمرار العين من شدة البكاء يقول الشاعر صالح السكبي :


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
والبارحه ساهر والدمع يجري=والقلب حزن على فرقى حبيبه [/poem]




وكلنا نعرف ان العين من مقومات الجمال ويحلو ذلك في في لبس البراقع التى
تظهر العين بشكل اجمل واحسن وكما قال الشاعر :



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صادفني بالبراقـع واعجبنـي=واودعن قلبي على حد الممات
صابني سهم العيوني اللي رمني=يرسل سهوم المنايا بلحظـات
من عيونه يذبحن لا سلهمنـي=بامهدب فوق المحاجر شاعقات [/poem]



الشاعر غريب الشلاقي يصف العين قائلا :


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عينها عين حر شاهر مـن مطيـره=شاف جول الحباري في البطين ادرجن [/poem]




وحين يضيق صدر العاشق وتكدر حاله تهلت العين دموع وهذا ما حصل
لشاعر الكبير محمد الاحمد السديري حين قال :




[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الصدر ضاق وحاير الدمـع دفـاق=من ناظرن من جاير الدمع مرهوق
دمع تكبه عين عاشـق ومشتـاق=ارعد سماها بالغضب وامطر الموق
اليا سفج من فوق الاوجان وانساق=تسيل منه معيلـه مرتـع النـوق [/poem]




البعض من الشعراء يرى ان جمال العين في اتساعها والبعض الاخر يرى ان جمال
العين في طول الرموش والشاعر عبدالعزيز العبيدي يقول :


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بو عيون هدبها فوق خده مظلـه=مجهمات تشادي ريش ربد النعامي [/poem]



والشاعر سالم اللهيفي يصف العين وصف محكم حيث شبهها بالجيوش والعساكر حين قال :



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كن في عينه اليمنى غروس الروايـا=كاثر الماء عليها فوق حيل سمـان
وكن في عينه اليسرى جموع وسرايا=نهضت بالبيارق شافت الليـل دانـي [/poem]


ومما ذكره الشعراء عن العين وما حولها يقول الشاعر عبدالله السياري




[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لاباس يا عين جرى دمعها فيض=غاد لدمعك فوق الاوجان حظـه
لا وا عنا قلبي متى ماادبر القيظ=ونادى المنادي راعي البيت قضه [/poem]




العين تشارك الرجل رحلة الى عالم العنا والهموم حيت تسهر ولا تذوق طعم النوم
ترحل الى نفس العالم الذي يرحله اليه الشخص وتهل بالدموع تعبير لما في الصدر
يقول الشاعر عبدالرحمن الفاضل :



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عيني جزاها النوم ودمعي تهله=اسهر طوال الليل دمعي ذريف
على وليف حط بالقلـب علـه=توه صغير السن ماله وصيف [/poem]



وكما حصل لشاعرنا عبدالرحمن الفاضل حصل ايضا لشاعر اخر وهو الشاعر
بصيري الوضيحي حين قال :


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه ما هملج الجفن بمـراح=وسريت للـي كاللوالـو عذابـه
قالت تنزح لارهج النزل بصيـاح=ماني من اللي بالردى ينهقى به
قلت آمني يا عين خشف الى لاح=يا عنق ريمـي تجـدد صوابـه [/poem]



وفي ديوان الشاعر الكبير عبدالله لويحان
استطرق شاعرنا عن العين حيث جرى له ما جرى لباقي الشعراء فلم يذوق طعم النوم
والسبب هو ذاك الوليف الذي رحل وابتعد عن حياته وعبرا شاعرنا ما حدث بقوله :



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه ما هملج الطرف بنعـاس=ما فاض من نجم عيونـي تخيلـه
لاباس يا عيني على السهر لاباس=على وليف فـات مالقـى مثيلـه
هنا قطع شوف المواصل له ارماس=ولا في يدي من نابي الارداف حيله [/poem]



الليل والعين حاجتان متلازمتان لشعراء فالليل فيه يبدا الشاعر بتذكر ما جرى له من
عواقب وهموم والعين دورها تدمع حزن والم على ذلك فالشعر اساسه تعبير
لهذه العواقب وما يكن في صدر الشاعر
وهذا شاعر من اهل شقراء
يقاله صالح السكيني يقول قصيده مطلعطها هالبيتين :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه ساهر والعين مسهرها=زول مع السوق بالمفرق تعداني
من يمه النفس فيما فات قاهرها=واليوم خطر علي فرقاه تقوانـي [/poem]



نوح الحمام ... وهو بدوره يبكي العين ويذكرها بما مضى
هذا ما حصل لشاعرنا الكبير الشاعر ابن لعبون يوم يقول :


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياذا الحمام اللي سجع بلحون=وش بك على عيني تبكيهـا
ذكرتني عصر مضى وفنون=قبلك دورب الغـي ناسيهـا [/poem]



وهذه الابيات تصف العين وصف خيالي لشاعر عبدالله بن علي التميمي


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا بو عيون هدبها سود=لا تذبح الناس بعيونـك
تذبح بنجل وبيض وخدود=عجزت اوصفكوش لونك [/poem]

الشاعر الكبير : سليمان الطويل من اهل شقراء
وصف العين في قصيدة غزليه منها هالبيتين حين قال :



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا علي لي خلّ دلولـه عجيبـة=مير الليالي يا اخو سارة غدت به
العين عين اللي براس الشذيبـة=في ماكر عسر لها طيـرت بـه
والعنق عنق اللي تربّ الجذيبـة=اقفى يخز غزيلـه تلتفـت بـه [/poem]



وهذه هجينيه اعجبتني وفيها وصف للعين وكذلك
وصف اكثر من بديع احببت ادرجها لكم وهي :



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا العين لك بالهوى لفته=ماأنتِ على دين الاخوان
هو معجبك واحد شفتـه=عوده من الزين ريّـان
شفته وحفته و والفتـه=قفـا بقلبـيّ وخلانـي
الاوله ليت مـا شفتـه=والثانيه ليت ما جانـي
والثالثه يـوم واجهتـه=جذ المعاليـق وابكانـي
الكحل بالعين سايجتـه=كن الهدب ريش غربان
والقرن الاشقر منّسفته=ياتي محاقيـب وبطـان
والثوب بالرزي ناقشته=كنه مساحيـب ديبـان
والردف للثوب شايلتـه=الحجل بالسـاق رنّـان
والنهد للثـوب شايلتـه=كنـه طلاليـع رمـان
يا ملّ قلب يبـي غفتـه=يا ما عذلتـه وعيّانـي [/poem]

[أنــ(تويمي)ــا]

راعي الغاط

اشكر لك هذا الكم الكبير

من الابيات والقصائد

اشكر لك هذا الموضوع الرائع

ومن ابرز مفاتن الجمال هي العين

فحق للشعار التعني بها ووصفها

تقبل مروري

لك كل الشكر والامتنان

[سلطان العضيدان]

" أنــ(تويمي)ــا "

اشكرك على مرورك

وعلى اطرائك الجميل

نورت المتصفح بردك

وان شاء الله الموضوع حاز على رضاك

وماقصرت يالغالي ...

[بدر]

مشكر على الموضوع الرائع

ولكن هنالك خطأ في اسم الشاعرة....هي اسمها نورة الحوشان وليس الهوشان

[سلطان العضيدان]

fullmoon-sudeer

الاروع هو مرورك وحضورك الكريم

وبالنسبة لاسم العائلة فهو أمر مختلف فيه

هناك من يقول انها نورة الحوشان

وهناك من يقول انها نورة الهوشان

[بدر]

المشاركة الأصلية كتبت بواسطة راعي الغاط   fullmoon-sudeer الاروع هو مرورك وحضورك الكريم وبالنسبة لاسم العائلة فهو أمر مختلف فيه هناك من يقول انها نورة الحوشان وهناك من يقول انها نورة الهوشان

شكرا على المعلومة الجديده

[ذيب سدير]

راعي الغاط ..
قصائد رائعه تحكي عن اجمل مافي الانسان ..
شكراا ونحن في انتظار جديدك ..

[ســــامـــيـه]

مشكور على النقل الرائع

والله قصائد غايه في الروعه

تتناول أروع ماخلق الله

>> لغة التواصل بعد اللسان

تقبل مروري

[سلطان العضيدان]

fullmoon-sudeer
ذيب سدير
moon-sudeer

شكرا لكم على مرورك .. وحضوركم الكريم

[سعود الخليل]

موضوع وافي ...


قرأت فاستمتعت بما فيه من روائع القصيد ...


ماقصرت يا راعي الغاط بارك الله فيك ...

[سلطان العضيدان]

راعي الأوله

حياك الله يا الغالي

وان شاء الله الموضوع حاز على رضا الجميع

وشكرا لك ..

[القيصـــر]

السلام عليكم


راعي الغاط الأنيق سلم لنا بنانك الراقي .
قلمك الجميل يجبرنا على التوقف هنا أوقات طويلة نتعلم ونقرأ ونتثقف فلله در الإبداع والروعه .
إسمح لي بالمداخله :
يقول الشاعر الكبير ابراهيم بن محمد الغنام من أهالي روضة سدير


[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="solid,10,black" type=0 line=0 align=center use=ex num="0,black"]
ياعين لك أيـام والنـوم جافيـك=وش جاك ياعيني عفتي الكرى كله
أن كان ياعيني سهرتـي لغاليـك=أمن السهر ياعيـن بـزداد علـه
اللي هجرك وراح ماهـو باغيـك=هذا لقـا لـه واحـدٍ غيـر خلـه
أغلي الذي ياعين بالقلب يغليـك=اللي أخـذ قلبـي وباقـي نحلـه
تبكي عيوني له وهو مثل يبكيـك=أخـذت أنـا قلبـه وقلبـي يتلـه
أمن السهر ياعين زادت بلاويـك=مسكين من مثلـي حياتـه مملـه [/poem]

[سلطان العضيدان]

القيصـــر

تسلم على مرورك الطيب .. وشكرا لك على هذا الاطراء الجميل

اتمنى ان ينال الموضوع على رضا واعجاب الجميع

وماقصرت على أضافة هذه الابيات الرائعة