بسم الله الرحمن الرحيم
لرغبة بعض الأعضاء الكرام في أن ادرج القصيدة كامله الأن أوفي بوعدي
[poem=font="Simplified Arabic,4,black,normal,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black"]
ملوم العامل الوافد الوم الي مه ركاب =من أهل الطيب والشيمه ولكن مالهم فيها
أشوف البنت وابوها مع السايق دون احجاب =سواةٍ عاقل الاجواد لا يمكن يسويها
ولو إنه خبل لابد يجفل هرجة العتاب =وهو مجنون له سمعه عن الشينه يداريها
هرج راع المثل هرجه صدق فيها مهو كذاب =إذا لم تستحي سو السواة اللي أنت راضيها
مدامك منت ستر ٍ للعذارى حلق الاشناب =مع اللحيه جميع ومنت كفو إنك تربيها
خساره إنك مواطن سعودي من هل الانساب =من اهل الطيب شب وشيب ورب البيت حاميها
ولاينقص مكان المملكة لو كثرو الاذناب =سواة الزين مايكمل ولو وصلت حراويها
وعسى ربي يديم الامن ويفني شلة الإرهاب=على يدين الملوك يزيل أولها وتاليها
هدفهم زعزعة هذا الوطن واللي نواها خاب =ويخسى كل من يبغى يدنسها ويهفيها
بها زحول الرجال اللي ليا من ولع المشهاب =لزوم ٍ تسحك القواة قوتنا وتنهيها
رجال الأمن عن ديرة هل الطاله ستر وحجاب =من الجندي ليا الظابط قروم ونفتخر فيها
رجال ٍ عاهدو ووفو ممنهم واحدٍ كذاب =قروم ٍساحة الميدان تاطاها مواطيها
ليا ثار المشوك يصمدون ويكسرون الباب =وعلى الخمه مطمه تقلب أعلآها لواطيها
خبول ٍضيعوها خبول ماهم من هل الالباب =تتبع ناس ربي عن شعاع النور معميها
لهم منهج بلا منهج مهيب دروس وسط كتاب=جماجمهم تواما مابها مخ ٍ يقديها
أنا بنشد بقيتهم وش الداعي وش الاسباب =قيادتنا لها سنة إمام الكون تمشيها
ديار اللي حموها بالسيوف اللي تقص رقاب =على ظهور المهار سهوم موت لمن يعاديها
اكرر يارجل الامن سيرو حزة الانشاب =تراكم حربة الديره ليا كثرت بلآويها
ترى الإرهاب داب وسلطو الظربه براس الداب =ولامن مات راس الداب ماتنفع تواليها
ولعل الله يبري علة اللي في جسده انصاب =ولعل الله يرزقه الطبيب اللي يداويها
ومن صوب يزورونه رجال ٍنجمهم ماغاب =تواظعهم مرفعهم بحاظرها وماظيها
ولعل اللي توفى يسكن الجنه بغير حساب =أناا طلب من كريم ٍ يسكنه عالي مبانيها[/poem]
وأي سؤال يتعلق بمعنى أي كلمه ناصر بالخدمه والمعذره عن عدم تنسيق النص لظيق الوقت
ولكم جزيل الشكر[