[QUOTE=وارث الطيب]السلام عليكم ورحمة الله
اعضاء منتديات سدير الشامخه السلام عليكم ورحمة الله وبركاته
اترركم مع هذه المتواضعه وهي الالفيه الاولى والحقيقه كتبتها منذ زمن وولم انشرها الا هذه الايام
واتمنى تنال ولو على بعض اعجابكم
[FRAME="11 70"][POEM="font="Simplified Arabic,5,darkblue,bold,normal" bkcolor="transparent" bkimage="" border="double,4,green" type=1 line=0 align=center use=ex num="0,black""]
(الف) اولف من عذيبـات الابيـات=وابـدى بذكـر الله إلـه السمـوات
الواحـد المعبـود راع الجزيـلات=يالله تغفـر لـي وتدمـح خطـايـا
و(البا) بليت بحب زيـن الوصايـف=ابيض مليح الوجه والعنـق نايـف
ادعج عنج والخصر مزوي وهايـف=الكامل المزيـون عـذب السجايـا
و(التا) تلابيبـي مـن القلـب تلّـه=كنّـه علـى نـار الملايـل تملّـه
أسهر على ذكـراه والدمـع أهلّـه=ياروح روحـي مابقـى بـي بقايـا
و(الثا) ثلاث سنين والخـل غايـب=باقي على ذكـراه والقلـب ذايـب
مانيب سال(ن) عنه مانيـب تايـب=مالـي بديـلً عنـه بيـن البرايـا
و(الجا) جبرني غصـب عنّـي أودّه=لا رحم ابـو عمّـه وخالـه وجـدّه
العيـن ماشافـت مثيلـه ونــدّه=أنا اشهد ان العشق واهلـه شقايـا
و(الحا) حسيب الله على اللّي منعنـا=من عقب ماصار الوصـال وجمعنـا
الله يحرمـه مثـل ماهـو حرمنـا=ماعـاد بـه وصـل ولابـه تحايـا
و(الخا) خليلي يابعد كـل مـن لـي=يانـور عينـي يـاذرايـا وكـلّـي
لاتبتعـد عنّـي ياحالـي وكـلّـي=مااقـدر اعيـش إلا وانتـي معايـا
و(الدا) دعيته فـي ظـلام الليالـي=عطشان واسقينـي ثمـان زلالـي
اروي عطش قلبي ألا ويـل حالـي=انتي ظمى عروقـي وانتـي مدايـا
و(الذا) ذبحني بالهجـر والتصـدّي=مـاكـان ودّه لا.. ولا كــان ودّي
وقف عناد الحـظ ضـدّه وضـدّي=ضاع الأمل والهجـر اعلـن عنايـا
و(الرا) ركبت البحر تايه وعطشـان=استوحشت نفسـي ولافيـه انسـان
ماني على الدنيا حريـص وشفقـان=اظلم زماني وانتهـى بـي رجايـا
و(الزا) زماني وش بقى من صروحه=ضاع الأمل يازين واعلنـت بوحـه
لعل بوح الصـدر يبـري جروحـه=جـر القوافـي واليالـي دوايــا
و(السين) سلمتـه فـؤادي هديّـه=اخطى علي والهجـر اكبـر خطيّـه
شد الرحـال وفـارق اليـوم حيّـه=من بعدها نفسـي تعـاف الهدايـا
و( الشين) شفّي ارتشف منه رشفـه=واضمهـا و اصـك شفّـه بشفّـه
لعـل قلبـي يرتـوي منـه شفّـه=عطشـان واسقينـي زلال الشفايـا
و(الصاد) صنت الحب عن كل ميلـه=اصون نفسي عـن دروب الرذيلـه
على كفـوف الطهـر حنّـا نشيلـه=اصون خلي مثـل صـون المرايـا
و(الضاد) ضدّي دايم الحـظ ضـدّي=وكل ما امشي واقـف لـي تحـدّي
يقطع طريقـي مالنـا عنـه بـدّي=يا حظي المقـرود صـف النوايـا
و(الطا) طلبتك يا جزيـل الهباتـي=انا دخيلـك يـا عظيـم الصفاتـي
ما خاب منهـو يطلبـك بالصلاتـي=يـاالله أنـا طالبـك حقـق رجايـا
و(الظا) ظلام الليل ساهر ومغبـون=من حرّ مابي اشرب المر بصحـون
أعيتني الفرقى سكاكيـن وطعـون=طعنات قلبي بيـن عكـف الحنايـا
و(العين) عيني هلّت الدمع ياخـوك=عزاه يا قلب(ن) وطى قاسي الشوك
يدك بي همّي مـن الوجـد داكـوك=تلهبنـي الاشـواق تقـدح شظايـا
و(الغين) غايات القلـوب ورجاهـا=نلقى الوليـف اللـي يبـدد عناهـا
لعل غيـم الوسـم يبـرق سناهـا=من بعدها ريـح الخزامـى هوايـا
و(الفا) فمان الله يا عـز مـن راح=من عقبكـم والوقـت الآم واتـراح
سيف العنـا يازيـن للقلـب ذبّـاح=ما عاد بالدنيـا صنـوف ومزايـا
و(القـاف) قالـوا يامحمـد تسلّـى=اسلى عن اللي راح عنـك وتخلّـى
تلقى بديله وانـت رجـل(ن) تدلّـى=قلت السـلام وشاكريـن الوصايـا
و(الكاف) كيف القلب ينسى وليفـه=مايـوم فارقنـي بحسنـه وطيفـه
بيـن الخلايـق مالقينـا وصيفـه=حليـاه مـا شفنـاه بيـن الحلايـا
و(الـلام) ليتـك ياعنايـا تروفـي=الصد والهجران صعّـب ضروفـي
ابيك ترجع لـي وعينـي تشوفـي=ارجوك ترجع كـود يرجـع هنايـا
و(الميم) مدري داعي الشوق يدعيك=ولاّ يطول البعـد والنفـس تبكيـك
ياصاحبي ارجـوك تلطـف بغاليـك=ارحم عطيب الروح وارحـم عنايـا
و(النون) ناديتـك وبسمـك انـادي=ياروح روحـي لايطـول البعـادي
ابنتظر لـو طـال ليـل السهـادي=روحي وقلبي فـي يدينـك سبايـا
و(الهاء) هجير الشوق حطّم كيانـي=والوجد والحرمان ثوب (ن) كساني
تغيّـرت حالـي وقفّـى زمـانـي=تلفحنـي الأحـزان لفـح اللظايـا
و(الواو) وينك يابعد كل مـن غـاب=ارحم شقى قلبً من الوجد منصـاب
ياشينها الايام مـن دون الاحبـاب=دنياي من عقبـك رفـوف وزوايـا
و(اليا) يبين الشوق لاهب نسنـاس=والعين تدمع والرجا يمنـع اليـاس
متى على الله تنجلي لوعة البـاس=اشوف خلّـي قبـل تظلـم سمايـا
وارث الطيب[/POEM][/FRAME]
وارث الطيب محمد الضويحي