(المكاليب) وهي اداة قلع الضرس او اسن عند الاولين ...

[ذيب سدير]

[align=center] المكاليب ..وهي زراديات مخصصه لقلع الضرس(السن) عند الاولين .... يعني ابوي وجدي قلع ضرسه بمثل هذي الله يكفيناا الشر .. ويقول الوالد الله يرفعه بالعافيه .. الاولين اذا سوس الضرس وشب عليه من الوجع يحط عليه مسمار وحلتيت 302: يخفف شوي ..ولاكن مع الايام يزيد الوجع ولاعاد ينفع لا مسمار ولا هيل ولا حلبه 114:... ويسهره الليل معاد يرقده من الصياح 113: ثم يشيرون عليه الجماعه انه يروح لفلان يقلعه له..اهااااا..يعني فيك فيك القلع 115: .. جيناا عاد في القلع ...مافيه بنج .. وش يسون .... تجيكم سالفت واحد من الجماعه يوم جاء يقلع اول ضرس له ...يقول صالت علي ضروسي وحاولت فيها ماخليت شي ما سويته ابيها تطيب .احكه.. افركه.. اطقه.. كل شي حطيته عليه حتى التراب كلته :011: .ولاكن مافيه فايده.. المهم قالولي الجماعه رح لفلان هذاا يقلع الضرس وماتحس به ابد كنه قالع شوكه ههههه... يقول انبسطة ورحت لفلان المقول عليه الي كل الناس تقلع عنده ضروسهاا..المهم دخلت عليه وقلت ابي اقلع ضرسي .. الدختر قال ابشر انسدح .. انسدحت وانا ضامن ان الدعوه بسيطه مادريت ان السيل يدربيني وانا اقول ديمه ..المهم تجمعوو الرجاجيل عليه ..وانا اقول هاه عسى ماشر خير ان شاءلله ولا كني احاكي نفسي محد اللتفت عليه ولا احد حاتسني..دريت ان الدعوه خربانه ..المهم قلت ابي اشوف تاليتهاا..مادريت الا الرجال الي معه ماسكيني وسادحيني والدختر حقهم عليه نعال زبيراويه ملونه كن عيني تشوفهاا اللحين مرقوعه من تحت بقصاصة كفر لوري يابسه ههههه المهم يقول حط النعله على راسي ورص راسي برجله لين اذنت من الوجع... ومعه ذيك الزراديه الي تصرصر مصديه(المكاليب) .. المهم انا اصايح وهم يضحكون ويقولون طلع الشر والدختور يرص برجله ويمتسع ويتلتل في ضرسي ويحورف فيها وانا مانيب يمه من الوجع ..ابي احتسي ابي اتكلم ماعطوني فرصه .. وبعد ما تبنجت من الوجع وقلع ضرسي قال هاه ارتحت الحين قلت الله يقطعك ويقطع الي يجي عندك ....الخ من السبابه ..يقول الوجه ماهو من قلع الضرس الوجع من النعله الي فيهاا مسمار و مليانه شوك وراص راسي بها ههههههههه

وهذه قصيده في وجع الضروس

امس الضحى اظلم عليه نهاري = واصبحت من بد المخاليق في ليل
مما جرى تصفق يمينى يسارى = ودموع عيني فوق خدي هماليـــل
عافت عيوني النوم والزاد شاني = طعمه ولا يطرى علي التعاليل
لا فادني عم ولا فاد خالي = ومما جرالي شايف نجمه سهيل
لاريد انا هيفاء ولا ابغى تهاني = وماريد انا طب واسوي تحاليل
صوت ظهر مابين حلق ولساني = تسمع صفيره مثل زجر المحاحيل
على ضروس فوقها السوس باني = لافادها طب ولا فادها شيل
هذا ضروسي ولا تجيبون طاري = والكلب طره والعصى هاتها حيل
الطير زينه هدته في الحباري = والبوم ماينفعك طير المهابيل
فطيري عزيز مكرم با المكاني = ويا البوم انا بقلعك يعلك الويل
هذي نصيحه وافهمولي كلامي = وكم ساكن في وادي شاله السيل[/poem]

وهذي صورة الكلاليب



وشكراااا[/align]

[عبدالعزيز]

ههههههههههه

اجل الدعوه هينه وفي النهايه شاف الزبيره مرقوعه من تحت هههههههه

والله الحمد لله على النعمه اللي انحن فيها من تطور في جميع المجالات من صحه ومواصلات و و و

يعطيك العافيه ذيب سدير على القصه والصوره

تقبل مروري

[سلطان العضيدان]

اجل فاغصن رااسه بالزبيرية ويبي يقلع الضرس

والله لو انهم يطقون ارتواز يامحمد خخخخخخخخخخ

الله المستعاان ..

وشااكر لك يا ذيب سدير على طرح صور الكلاليب

والمثل يقول الهم هم العرس والوجع وجع الضرس

[الأم الحنون]

المبدع الأستاذ ذيب سدير

ماشاء الله تبارك الله ..وش هالعده الله يجعلها في ميزان حسنات جدانا واهلنا يارب

مرت عليهم ظروف صعبه ومؤلمه


كل الشكر على اتحافنا بهالموضوع والمعاناة

وفقك الله

[شريك المشاكس]

أخوي كان بيسوي تقويم لضروسه

ولازم التقويم يشيل كم سن من وراء علشان ترجع السنون شوي


المهم وأوريه هالصورة لين طقت ركبه وعيا بالطيب بالغصب يروح للدختر >> مجرم في اهله



مشكور يا ذيبان وان كانك مجرب قلنا وش شعورك مع هالاداة الي كنها قلع قلب مهب سن على هالكبر

[مرهف الإحساس]

يااااااااااوك

والله ياهي مررررعبه

بس والله الزراديات التاليه مو بعيده في الشبه عن هذي اللهم هذي مصدية شوي

انا سمعت ان الأولين اذا جاء مقلع الضروس >> يقولون انه اذا جا يقلع الضرس يوطى رجل المريض عشان ما يتحرك


قطعععععععع >>> قمة الوحشية


مشكوووووور

[زهرة]

حشا زراديات

الحين طق وطقيق اذا بغينا نروح نعالج اسنانا وأدواتهم وش جابهن لذولي

تصدق انك ذكرتني سالفه
يوم اني صغيرة يعني بدت تطيح ظروسي بكل براءة ودلاخه رحت واخذت الزراديه أبقلعه وارتاح لنه كان يتقلقل

مشكور ذيب سدير

[مشــاعر]

السلام عليكم..

الله يخلي لنا الطب الحديث ,, الالم بس عند الانجكشن,, وبعدين خلاص..

تشكرات افندم

تحيتي لك

[ذيب سدير]

شكرااا للجميع على المشاركه والله يعطيكم الف الف عافيه ...
شريك ..
انا توني بزر مالحقت عليهاااا بس الله لايحدناا عليهااا ولا لو ينقطع البترووول كان عودنااا على المكاليب والبلاوي هذي ...
وشكرااا للجميع ..

[سعود الخليل]

الله المستعان !!!!

الله يغفر لهم ويرحمهم عبروا اعمارهم بالأدوت البدائية ولا ضرهم ...

ليت من يودي هالخكاريا اللي يتميلحون عند ابو زبيرية مرقوعه كان يرصصهم شوي و يضبطون ...!!!

عافاك ربي يا ذيب ..

[حنين سدير]

السلام عليكم

يا اااااااوك وشذا ....

صدق أنواع الرعب الله يغفر لهم ....

وفيه شيء بعد تقول الوالدة منول ليمنه صال الضرس يجيبون خيط

و يتكونه عالضرس همن يقلعونه

لكن الحمد لله والشكر عالتقدم

بارك الله فيك مشرفنا الفاضل

تقبل مروري وتحياتي

[ريناد]

هههههههه مسكين

جعل ما جاه تكفير << متاثره بالقصه

اخوي ذيب سدير انت اللي رويت القصه << ماشاء الله عليك احس كاني اتسمع للشرهاان<< للراوي مستقبل حافل فليكمل مسيرته

وننتظر مزيدك اخوي ذيب سدير الشرهان<<

تحيه

[أنــ(تويمي)ــا]

وجعتني ضروسي وأنا اناضر الصوووورة بس

الله يعطيك العافيه ابو سويح على الصورة

والله يرحم جدانا كانوا يعانون من ألم الضروس

وحنا يالله من فضلك عزتين بنج وتطلع من عند الدختر شنق وجهك مرتخي

نص ساعة والأمور صايره تمام

اللهم لك الحمد

تقبل مروري اخوي وتشكرراتي

[ياسمين]

ههههههههههههههههههههه
هههههههههههههههه
هههههههههه
ههههه
ههه
هه
هاعوذ بالله والله ما اقلعه بدون بنج لو يصير اللي يصير

لا عاد من اول ما عندهم تفاهم الله يجزاهم خير والله

يعطيك العافيه اخوووووي

ياسمين

[ذيب سدير]

شكرااا للجميع على المشاركه والله يعطيكم الف الف عافيه ...
ريناد ...
هذي سواليف اهل سديررر لازم يبهرون فيهااا ههههههههه
والشرهان من نفس الديره ...