كبـسـة منـدي بالصـور ...

[سلطان العضيدان]

السلام عليكم ورحمة الله وبركاته :

هالموضوع دسم وفيه طبخ ونفخ .. وشغل ان شاء الله يبي يجوز لكم ..

وهو عبارة عن كبسة مندي ..

طبعا نفس مقادير الكبسة العادية ولكن الطريقة تختلف

اول شي تحضير برميل المندي .. وشّب الحطب وسط البرميل الين يجمّر ويغدي متساوي





ثم نتبل الدجاج بالبهارات والمعجون والليمون والملح ونشبك فيه معلاق حديد مثل ما هوب
موضح بالصورة :








بعد كذا نجهز القدر الخاص بالكبسة ونحمس البصل والطماط والثوم واللومي والحبحر والملح
مع قطعة زبدة ... الين يستوي شوي ونكب عليه مويه الى ثلث القدر تقريبا مع ثمان كاسات رز





ثم نحط قدر الكبسة على الجمر بدون غطاء وسط المندي وفوقه نحط الدجاج مربط بالمعاليق
مثل ما هو موضح بالصورة التالية :





نسكر المندي ثم نحط عليه خياش تغطي راس المندي .. ونردمه بالتراب من كل الجهات
علشان ما يكون فيه اي تنسيم .. ونخليه للمدة تقريباً 45 - 50 دقيقة

واخيراً هذي هي النتيجة ..






وبالهناء والشفاء

[النبع]

يامال العافيه على الطبخه الحلوه والله انها طاحت سعابيلي يوم شفته بس اخاف يرتفع السكر 0خخخخخخخ

[سلطان العضيدان]

النبع

حياك الله ... ومنور الموضوع .. وانتبه لا تتسثر من السكريات

وماقصرت على المرور

[ماجد بن إبراهيم]

ماشاء الله تبارك الله


بس وراه محترق شوي




بارك الله فيك أخوي راعي الغاط

[عبدالعزيز]

ماشاء الله

كبسه عليها المقول خخخخ

بالعافيه ياراعي الغاط

[سعود الخليل]

يامال العافيه يا راعي الغاط ...

لكن ما يكفي الشوف ودنا نذوق !!! شكلها كايفه ..

[سلطان العضيدان]

المساعد .. الحرااق له طعم على كيفك ...

شيخ شمر .. الله يعافيك ... وعلى قولتك عليها المقول

راعي الأوله .. سير بس انت وابشر بالمنديات

الف شكرا لكم جميعاً على حضورك ومروركم الكريم ..

ومااقصرتواا ...

[سديراوية]

اجل تسذااا المندى !!

دايم اسمع انه بحفره

بس ولا مره شفت احد يسويه


بس شغلكم مرتب

يعطيك العافيه راعي الغاط

[سلطان العضيدان]

سديراوية

الله يعاافيتس .. وشكرا لتس على الرد ..

[قلب الحوت]

كفوووووووووو
ياراع الغاط
ويامال العافيه شغل عدل يالغالي

[روح سدير]

ما شاء الله

شهيتني

عساك بس بقتلي شي

يعطيك ألف عافية

أخوي راعي الغاط

[الصحراوية]

انا قايلتلكم حظي كنه وجهي ما ادخل ها الاشياء اللي تفتح النفس الا اذا صرت ميته جوع والله من جد يشهوي ,,المشكلة ما ينفع يتصلح بالبيت وشغل المطاعم مهب زي كذا ..

تحيااااااااااااتي لك اخوي راعي الغاط والف شكر على التعذيب

[فوشيه]

مشكووور راعي الغاط

حرام عليك اشتهيت البيره

[مرهف]

شغل عزوبية وفنتكه

بس ليه الدجاج محترق يا كافي !!

تحياتي الحارة !!

ميشو

[حمد]

ما شاء الله تبارك الله


هذا الطبخ وإلا بلاش

بس المشكله اللي ساكن في الدور الثاني وش يسوي اذا حفرت للبرميل طاح عند الجيران


هههههه


الله يجزاك خير يا راعي الغاط

امتعتنا وافدتنا و جوعتنااااااا