رحلتنا للإمارات وصلاله ج 1 ..

[ســــامـــيـه]

تقرير مصور لرحلتنا للإمارات و صلاله .. الجزء الأول ..>>> أول مره أنزل صور .. يعني تراها شينه

المهم.. بداية إنطلاقنا من مقرنا في المنطقه الشرقيه كانت الساعه 5 الفجر .. ماسكين خط متجهين إلى العين ( دوله إمراتيه )

ريحنا فيها اربع أيام وبعدها إنطلقنا لصلاله.. وهذي صورة مدخل الشاليهات اللي أخذناها

في العين وتسمى (( شاليهات عين الفايضه )) ..

[BIMG]http://www.c5c6.com/File/1157352690.jpg[/BIMG]

وهذا الشاليه نفسه ..>>> لاتدخلون أمي داخل ..

[BIMG]http://www.c5c6.com/File/1157354305.jpg[/BIMG]

طبعاً راح أول يوم نايمين من التعب و الطريق ..

اما بالنسبه لثاني يوم ..رحنا لجبل (( حفيت )) .. رقيناااه بالسياااره لكن محاكيتكم

تخاف من المرتفعات

عشان كذا ما فكرت أنزل من السياره و أصور المنظر الخلاااب>> إمحق خلاااب والله رعب..

لكن في إمتداد الجبل على النزله لقينا اللي يسمونه قصر الشيخ زايد ..


[BIMG]http://www.c5c6.com/File/1157354854.jpg[/BIMG]

7
7

[BIMG]http://www.c5c6.com/File/1157355093.jpg[/BIMG]


أما اليوم الثالث رحنا لحديقة الحيوان .. ولقيت قروده عندهم عزيمه وكفشتهم ...

[BIMG]http://www.c5c6.com/File/1157355277.jpg[/BIMG]


وهذا الأسد وعياله وزوجته جالسين في ذاك الحر...[BIMG



بالنسبه للحديقه كبيييرره مره وفيها حيوانات كثيره .. من الحشرااات مرورا بالطيور

إلى أن تنتهي بالشمبازي المعمر و الزرافه و........إلخ...

أما في اليوم الرابع رحنا لحديقة وشاليهات (( المبزره )) ..

[BIMG]http://www.c5c6.com/File/1157355816.jpg[/BIMG]

والنوع هذا من الشاليهااات يوجد فيه عين (( مبزره )) .. وهذي العين حاااره مررره

درجة حرارتها مرتفعه مررره .

والنااس يجونها بقصد الإستشفاء من الأمراض عندهم قناعه و إعتقاد إن موية العين تشفي من الأمراض

صحيح إنها تساعد على تخفيف الروماتيزم لأنها مياه جوفيه نقيه وفيها نسبة أملاح ..لكن الناس نشوفهم يتسبحون

ويسمون ويقرون المعوذات قبل مايغسلون بالمويه.. والله ماعندهم سالفه ..الله يخلي زمزم وبس ..

وهذا منبع العين..

[BIMG]http://www.c5c6.com/File/1157356232.jpg[/BIMG]

يجري من المنبع مجرى طووويييل زي ( الساقي ) اللي في النخل .. ويسقي الثيل اللي في الحديقه .

[BIMG]http://www.c5c6.com/File/1157356471.jpg[/BIMG]


مع هالحر والطريق اللي مسكناااه ودنا تسبح في مسبح .. ولقينا المسبح و مويةته من موية العين >>طااازه..

فيه مسبح للنساء ومسبح للرجال .. قلت لأخوي يصوره من داخل لكن يقول إنه نسى الجوال في السياره.

عشان كذا قلت العوض ولا القطيعه.. وصورت مسبح النساااء بس من برا>> جل وش تبين من داخل؟؟؟

[BIMG]http://www.c5c6.com/File/1157356697.jpg[/BIMG]

هذا مكااان جلسة الشقردية (( الرجاجيل ))..

[BIMG]http://www.c5c6.com/File/1157357013.jpg[/BIMG]

[BIMG]http://www.c5c6.com/File/1157357192.jpg[/BIMG]

ترقبوااا الجزء الثاااني من رحلتنا (( صــلالـــه ))

تقبلوا تحياتي..

[شريك المشاكس]

المشاركة الأصلية كتبت بواسطة   أما في اليوم الرابع رحنا لحديقة وشاليهات (( المبزره )) ..

قضت الأسامي


مشكورة مون سدير

عجلي علينا بالثاني

[مرهف]

مساء الخير

صور مرةةة روووووعه ..

ما توقعت الامارات كذا صراحة !!

بس حلوة >> العين ( دولة اماراتيه ) صرتي الأمم المتحدة ..

أما مكان الشقردية - على قولتك - ههههههههههه صح اني ضحكت بس والله حلوووووووو وخلفيته أحلى !!


شكرا خيتو moon-sudeer

وبانتظار على أحر من الجمر الجزء الثاني ...


ميشو

[ســــامـــيـه]

شفت كيف الأسامي

بس معلومه تراها بتشديد ( الزاي )..

يسلموو أخوي شريك على الرد

[ســــامـــيـه]

خخخخخخخخخخخخخخخخ

أعجبتك دوله إمراتيه ياميشو..

>> غلط مطبعي ..

مشكور على الرد .. أثلجت صدري يالشقردي>> دامها عجبتك

خخخخخخخخخخخخخخخخخخخ

[سعود الخليل]

الحمد لله على السلامه يا مون سدير


وبصراحه مدينة العين مدينة حلوه وتستحق الزيارة ....

في إنتظار صور صلالة في الجزء القادم ...

[فهد المنيع]

الحمد لله على السلامة .. ان شاء الله انها رحله موفقه


صور جميله وجزء مميز لكن ننتظر صلاله وجوها الحلو



تحياتي ..

[شعيب سدير]

الحمدالله على سلامة الابداااان والرجوع الى الاوطااان

ما شاء الله عليك اختي قمر سدير

صور رااائعة اما حديقة المبزره عليهم اسم هلهنود خخخخخخخخخخخخ

مشكور اختي امتعتينا بصور وبتعليق عليها

وتقبلي خااالص تحياااتي


وشكراااا..,,,

[بدر]

الحمدلله على السلامة يا قمر سدير...

واتمنى ان هالسفرة نستكم هموم الدنيا وغثاها...

ان شالله استانستوا في سفركم...

لا تنسون تدعون لابوكم عشانه وداكم...
وعجلي علينا بالجزء الثاني..

تقبلي مروري...

وشكرا على الصور...

[سديراوية والنعم]

ياااسلاااااااااااااااااااام على الصور

بس كني كنت معكم صح يا.....؟>>> افضح

اقصد يا مون سدير

الموهم كانت رحلة راااائعة

[عبدالله الفـارس]

moon-sudeer

تقرير جميل بإنتظار صلاله وطبيعتها الساحرة .....

موفقه أختي ...

[ابو هاجر]

moon-sudeer

الحمد لله على سلامتكم

تقرير رائع

وننتظر الجزء الثاني

[ولد العودة 1]

أول شي الحمد لله على السلامة

ما شاء الله عليك أختي قمر سدير
صور ولا أروع

وننتضر صلاله بفارغ الصبر

[ســــامـــيـه]

[COLOR="Magenta"]

الشرف العام.. راعي الأوله.

اسعدني مرورك..

وكلها مسألت وقت بس وأنزل الجزء الثاني

تحياتي[COLOR="Magenta"]

[ســــامـــيـه]

حــــــالم ليل..

سلمك ربي من كل شر

أسعدني مرورك..

تحياتي