قصيدتي في فتاة أحلامي

[مرهف]

السلام عليكم ورحمة الله ..

صباح الخير ..

في الحقيقة .. الموضوع وما فيه ... ان أهلي يبون يزوجوني ... وكلما ذكروا بنت ، قلت لا هذي ما فيها شروطي ..

ونسجت هالقصيدة حتى تعبر عن مطالبي ...

شبّوا على قـلبي شبّةٍ ما بــعدها شبّه &&& يبوني أعرس ويرتاح بالهم و الـبنات منـكبّة

قالوا لي تخـير وشف اللي قلبك يحبّه &&& قلت أنا لي شروط و لا أظن بألقى فيهن حـبّة

قالوا أهــم شي الديــن و الطبــع بدّه &&& قلت ما اختلفنا بس الجمال مـهـم و اللـون طبّـه

أهــم شي بــيــاض مع حَـمَارٍ منشدّه &&& شرط لزوم لو تحـقـق يا هـوه يا نـاس من قـدّه

والديــن ما نسيــتــه وخـــلــك حــدّه &&& رومانسية وحسّاسه وفيّه وفيــها للديــن شـدّه

طرقت لي بابـيـن جتـني منهم الردّه &&& تعَبَتْ أنا نفسي وقــلــت لابو العـرس لابـو جـدّه

تـعـقّـدت لأني حسّــاس وصـل حـدّه &&& ما بي إلا بشــروطي و نفسي و صَلَت لها السدّه

دورُوا لي بنتٍ على شروطي منطبقه &&& وإلا تــرى غـيـر هـــالــكـلام أنا ما أقـبـل بـه


وسلامتكم ،،،

مع العلم ، أني شاب قد حباني الله بجمال وخلق .. ولن أقول إني جميل فيوسف عليه السلام قد آتاه الله شطر الحسن

ووزع الشطر الآخر على سائر البشر .. وأنا أبيض أحمر فيحق لي أن أتشرط ...

أسأل الله أن يوفقني وغيري من الشباب إلى الزواج المستقر ..

ومع أن الوالدة - الله يحفظها - تحطمني ودايم تقول ان بنات السعودية بيض بس لاهبتهن الشموس ... الا أني ما أزال

واثق ان فيه بنات على نفس الشروط اللي ذكرت ..

والله يكتب اللي فيه الخير ..


ملحوظة :

طبعا شعري هذا لا يخلو من العيوب والابيات المكسرة ... لذلك أرجو من الأخت (دمعة ألم) خاصة ألا تجاملني وأن تبين

العيوب الموجودة في القصيدة هي وغيرها من المتذوقين للشعر .... لأن المجاملة لن تفيدني بل أريد أن أقوّم شعري ..


تحياتي الحارة !!

ميشو ..

[( عابرة سبيل )]

//

لي عودهـ لهذهـ القصيدهـ
( الرنانه )
والتي تحملـ ( الغرور ) المشبع بـ الثقه :icon1:
دمتـ بـ خير ... ووفقكـ الله اخي

//

اختكـ ( دمعة ألم )

[ابو هاجر]

المشاركة الأصلية كتبت بواسطة ميشو   السلام عليكم ورحمة الله .. مع العلم ، أني شاب قد حباني الله بجمال وخلق .. ولن أقول إني جميل فيوسف عليه السلام قد آتاه الله شطر الحسن ووزع الشطر الآخر على سائر البشر .. وأنا أبيض أحمر فيحق لي أن أتشرط ... ميشو ..

ههههههههههههههههه أضحك الله سنك يا ميشو

[أمير سدير]

ماشاء الله قصيده جدا رائعه

ومابها خلاف الا شي بسيط

انه لو تجبر الكسور في هالابيات كان تصير ممتازه ( ولا شعر احمد الناصر)

ولا على حالها كذا ممتازه لكن مثل ماقلت شكلك شاعر

ويبي لهالابيات شوية تعديلات بسيطه

من جبر للابيات ( كل بيت طبعا)

شاكر لك ودمت لنا شاعر

[مرهف]

دمعة ألم ..

وصفك فظيييع .. >>> هذا وانتي مريتي مرور الكرام وشلون عاد اذا استقعدتي ومخمختي .. الله يسترررر

لكن بانتظار عودتك ..

ميشو

[مرهف]

حيدره

وسنك يا شيخنا الوقور ...

ميشو

[مرهف]

أمير سدير

أشكرك عزيزي على شفافيتك المتناهية .. وعلى توجيهك الأكثر من رائع ..

أخوك ..

ميشو

[وارث الطيب]

ميشو -

استمر في المحاوله القصيده مكسره لكن هي تعتبر خطوه
للأمام يعقبها ماهو افضل منها اكثر من قراءة القصائد
ولحن القصيده على طرق شعبي واكتب عليه لكي يتحسن
الوزن عندك - ميشو بالتوفيق لك

[مرهف]

وارث الطيب ..

أشكر لك توجيهك القيم يا مشرفنا الغالي ..

وبانتظار عودة الأخت المراقبة ( دمعة ألــم )


ميشو

[رعشة شنب]

تسلم صح لسانك


الى الامام

[مشــاعر]

السلام عليكم..


أنا ماأفهم بالشعر ,, لكن والله شعر رااائع ,, كبدايه على قولتهم ,,

يعطيك العافيه ,,

وترى بنات سدير يهبلن ولايغرك غيرهم ,, هههههههههه أسألني أناعنهن ,,

والله يوفقك ويزوجك البنت الصالحه ,,

دمت بخير

[مرهف]

رعشة شنب

الله يسلمك أخوي ..

سؤال >> انت مخفف شنبك ؟؟ ما نبي يرتعش ويطيح علينا كم شعره


ميشو

[مرهف]

مشاعر

تسلمين يا خيتي

يعطيك العافية ..


والله يرزقني الزوجة الصالحة اللي تسعدني ..


أخوك ...

ميشو

[بسمة فرح]

لاتأخذ مقلب على نفسك
يالبناني

[فرجار]

بصراحه قصيده جميله مثل وجهك&&& الابيض والاحمرالجميل مانشستر يونايتد

المشاركة الأصلية كتبت بواسطة   مع العلم ، أني شاب قد حباني الله بجمال وخلق .. ولن أقول إني جميل فيوسف عليه السلام قد آتاه الله شطر الحسن

ههههههههههههههههههههههههه اشوا ماقلت ان الشطر الثاني لك



واجمل بيت في القصيده هذا

المشاركة الأصلية كتبت بواسطة   ووزع الشطر الآخر على سائر البشر .. وأنا أبيض أحمر فيحق لي أن أتشرط ...

وين ياعمي فريق الوحده ههههههههههههههههههههههههههههههههههههههههههههههه
عرفتي ميشو انا صقيقك في المنتدي الي اسمه يشبه هذا المنتدي ياصقيقي

المشاركة الأصلية كتبت بواسطة ميشو   السلام عليكم ورحمة الله .. : طبعا شعري هذا لا يخلو من العيوب والابيات المكسرة ... لذلك أرجو من الأخت (دمعة ألم) خاصة ألا تجاملني وأن تبين العيوب الموجودة في القصيدة هي وغيرها من المتذوقين للشعر .... لأن المجاملة لن تفيدني بل أريد أن أقوّم شعري .. تحياتي الحارة !! ميشو ..

تعجبني انك تبي راي الاعظا بدون مجامله خذ رايي
ماشفت في الصفحه هاذي قصيده

كم من كتابٍ أفصح ما فيه بياضه