مرثية في خالد بن عبدالرحمن السعيد وفيصل بن فهد السويلم رحمهم الله تعالى

[خالد بن محمد]

[align=center]بسم الله الرحمن الرحيم
السلام عليكم ورحمة الله وبركاته
أخواني اخواتي أعضاء هذا المنتدى الرائع والجميل
أقدم لكم في هذا اليوم قصيدة وهي القصيدة التي خرجت بألم وخرجت بحراره
وهي مرثية في شخصين عزيزين شخصين من أهالي حوطة سدير
جائتهم منيتهم في حادث مروع بين روضة سدير وحوطة سدير
رغم أن أحدهم كان من المقربين لي وكان بمثابة الاخ أي أن من
طلعت على هالدنيا وانا أشوفه وهـو أحد أقاربي فلما صعقني الخبر
وكنت خارج منطقة سدير اهتـز كياني وضاقت بي الدنيا ولم أتحمل الموقف
ولم أدخـل سدير إلا بعد مرور أربعة أيام من وفاته حتى انتهى عزائهما
رحمهم الله فعدت وعزيت وانا والله حالي ماهي حاله لكن الدعاء لهم بالرحمه
هي أفضل طريقة ألآن وقد كتبت هذه القصيدة المتواضعه وهي بحزن وألم
واتمنى أن كل من يقـرأها أن يترحم عليهما ولكم فائق إحترامي وتقديري


[poem=font="Simplified Arabic,5,crimson,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
شلت القلم بكتب لي بيتٍ وبيـتـيــن= فــي فــجــعـة خلـت حيـاتي كـآبــه
جاني خبر خالد رفيقي مسيــكين =قالوا توفى اصويحبك واسـفـابــــه
شل الحزن قلبي على فقد شخصين=عديـتـهم كل الربع والصحــابـــــه
حادث مروع هــز نــاس ٍملايـيــن=وسـديـر غـطــا حزنهـــا في سحابه
ياراحم ارحم من دفن ظهر الأثنين=والـطـف بـحال امـــه وكل القرابــه
روحت يا خالد عن الدنيا هالحيـن= وابوك فيه الـحـزن نــوخ ركـابــــه
وامك حزنها كابت الصدر والعين= هلّت دموع ٍصافيه وش غــدابــــه
واخوانك وربعك وناس ٍحزيـنيـــن= تطلب لك الرحمه ويدخلـك بـابــــه
وش فيك يا عيني عـلامك تــرفيـن= والله فـراقه صعب ماقوى عذابـــه
جاك القدر مع فيصل اللي مسيكين=ثـــم ٍتــقــفـى مزنـكم مــع ســـرابه
أبوك يا فيصل تـرى حـاله مشيــن=من يوم عضده راح وضيع صوابه
أنتَ عضيـده في زمانٍ غــدا شيـن=فارقت عينه ثم حــزنــه سطــابــــه
يرحمك رب البيت ويحفظك بالدين=ويدخلك جنه ترتوي من شـــــرابــه
وش حيلتي يا رب من فقد شخصين=خالد وفيصل حطوا فيني مهــابــــه
جاهــم قدرهـم في عمرهم صغيرين=كــل واحــدٍ منـهم بمقــدم شبــابـــه
خـالـد رفيقي يوم حنا بــزاريـــــــن=وايضا رفيق الدرب كلٍ درابـــــــه
حلمت بـه مــره ومــره وثنــتيـــــن=وبشـوفته مبسوط هــاني مطـــابــه
حلمت مقبـــل وفــرحان والعيـــــن=صارت تحدر دمع فرح ٍهــلا بـــه
بثــوبه البنــي ولثــمتــه هالحيــــــن= يقول ويش الحال عقبــي غدا بــــه
قلت أهلك وربـعك وناس ٍحزيـنيــن= تطلب لك الله يــرزقك من ثـوابـــه
وفزيت من حلـمي وهليــت بالعيــن=دمع ٍكثيــر صافيٍ وش غـــدا بــــه
ثم ٍدعيت الله برحـمــات تبيـــيـــــــن=وبجنـة الفــردوس ألقـــى جنــابـــه
خالد وفيصل جعلـهم حيل راضييـن= من تحتهم أنهــر لذيــذه شــــــرابه
وعلى النبي صلوا وهو مكمل الدين= اللي بدرب الحق دايم مشـــــــابـــه[/poem]

الشاعر: خالد بن محمد المحفوظ.[/align]

[مثل النخيل خلقت]

احسن الله عزاءك اخوي خالد ..


ونسال الله ان يغفر لهم ويرحمهم ويسكنهم فسيح جناته ...

وا نيجمعك بهم في الفردوس الاعلى من الجنان ..

[خالد بن محمد]

مثل النخيل خلقت

جزاك الله خير أخي الفاضل

واشكر لك دعائك والله يتقبله ان شاءالله

ومشكور على مرورك وتشريفك

لك مني فائق الإحترام والتقدير

وخالص واطيب التحيات

خالد بن محمد

[M.M.Z]

[align=center]الله يغفر لهما ويرحمهما ويجعل قبريهما روضة من رياض الجنة ويجعل حالهما بعد الممات أفضل من حالهما قبله

والله يرفع منزلتهما في هالساعة يارب[/align]

[خالد بن محمد]

M M Z

الله يجزاك خير ومشكور على هالدعوات الله يتقبلها ان شاءالله

تحياتي لشخصكـ الكريـمـ

خالد بن محمد

[سعود الخليل]

صح لسانك اخوي خالد على هذه المرثية ...

ونسأل الله العلي القدير ان يغفر لهم وأن يرحمهم وأن يعوضهم شبابهم بالجنه ..

إنا لله وإنا إليه راجعون ...

[خالد بن محمد]

راعــــي الأولـــه

صح بدنك وتسلم يالغالي

وجزاك الله خير

ومشكور على مرورك وتشريفك وردك الجميل

لك مني فائق الإحترام والتقدير

وخالص واطيب التحيات

خالد بن محمد

[حمد]

صح لسانك يا خالد


والله يرحمهم ويغفر لهم ويسكنهم الجنه ويجعل قبورهم روضة من رياض الجنه ويغسلهم بالماء والثلج والبرد ويجزيهم بالحسنات احسانا والبسيئات عفوا وغفرانا

[( عابرة سبيل )]

//
/

أن الله وانـ اليهـ لـ راجعون
ونسأل الله العلي القدير ان يغفر لهم وأن يرحمهم
وأن يعوضهم شبابهم بالجنه ..

//

آه هنا حزنـ .. وألم ..
اكتفي بـ صمتــــ
أبياااتـ جزله و( محزنه ) جـــــــدا
سلم لنا عطائكـ اخي ( خالد ) ..
وصح السانكـ مليوووون،,,...
دمتـ بـ خير اخي

//

هنا أختكـ ( دمعة ألم ) ..

[عبدالعزيز]

صح لسانك اخوي خالد

ورحمهم الله رحمة واسعه

[يـــزيـــد]

السلام عليكم

صح لسانك يالغالي ، وتسلم يمينك

والله يرحم جميع اموات المسلمين يارب

[سما نجد]

صح لسـانك أخوي
خالد بن محمد على المرثيـة
ونسأل الله تعالي أن يدخلهم فسـيـح جـناتــه

[خالد بن محمد]

الصـيـدلــي

صح الله بدنك

وتسلم ومشكور على حضورك

والله يتقبل دعائك يالغالي

تحياتي لشخصك الكريم

[خالد بن محمد]

دمعــة الـمـ

حضورك وتواجدك في صفحتي المتواضعه

هو شرف كبير

جزاك الله خيوراً كثيراً وتقبل الله دعائك

صح الله بدنك

لكي مني فائق الإحترام والتقدير

وكل الشكر والإحترام على حضورك وردك الرائع

تقلبوا خالص واطيب التحيات

[خالد بن محمد]

شيخ شمــر

صح الله دبنك وتسلم على المرور والتشريف

حضورك الجميل نورني في صفحتي المتواضعه

تحياتي لشخصك الكريم