محاورة عبر رسائل الجوال

[ناصر العبيد]

اعضاء وزوار هذا الصرح السلام عليكم وكل عام وأنتم بألف خير00إن من محبتنا لمنتدانا كل مااستجد عندنا شي كنتم أول من يعلم به اليوم أعرض لكم محورة جرت بيني وبين الشاعر ملفي الرشيدي والذي كان سبب بدايتها أنه ارسل للي رساله من رقمه الجديد فرديت على رسالته ولكن لعدم معرفتي للرقم لم أستمر وعرضت الرقم على أحد معارفي الذي يعمل بشركة الإتصالآت فبدأت هذه المحاورة وإعذروني على الإطاله00

ناصر العبيد00

هلا باللي يراسل وحنا ماعرفناه = ولا ادري ينتمي يالربع لايت قبيلة0

ملفي الرشيدي00

لكم حق ٍ تقولون هذا القول والله = كمن الرقم الاول نزل هذا بديله0

أنا من عبس يالوايلي ساسي ومنشاه = عسل للصاحب وللمعادي حنضليلة

ناصر العبيد00

هلا باللي أبنزل ببحر الشعر وياه = لكن قول القسم ماتجيب إلا الجزيلة0

ليا وصلت لعد النسب حنا هل الجاه = بني وايل هل السرج ولجام الكحيلة0

ملفي الرشيدي00

كفو ياهل الكحيله كفو قول ٍ بمعناه = جمالٍ في النوايب يشيلون الثقيله0

إن كانك تسبح البحر حنا قد غطسناه = لكنك هات واعطيك والطرقه طويله0

ناصر العبيد00

وساسك يالرشيدي نعرفه ماجهلناه = اهل قولت تفضل مواقفكم جليله0

اقول افطن لموج البحر لاهاج تبراه = وهو من جاه يالغالي يشيله00

ملفي الرشيدي00


أنا ما ابرى لموجه أدشه واعرف دواه = أحطه تحت وأركب على ظهره وسيلة

أدفه دف من دف ثوره وسط منحاه = ويطيع الامر لاشاف مافي اليد حيله0

ناصر العبيد00

أعرف إنك بهرج اللسان أنت بتمثناه = ولكن فعلها يالرشيدي مستحيله0

ترى منته بعنتر وعنتر ذل لقياه = يقول الثور ثاير مايعرف من قبيله0

ولم ير الشاعر ملفي وأرسلت له بيت أملاً أن يرد ولكن شكل الرجل إنشغل00

ناصر العبيد00

ياملفي عندك الدور عطنا البيت عطناه = قبل وقت التعبد بالأيام الفضيله0

وإلا المحاورة القادمه مع الشاعر الفارس أحد شعراء شبكة طير المعلن عنها في أعلا منتدانا هذا00

00لكم تحياتي00

[M.M.Z]

[align=center]ياااااي


حركة والله

بس شكل فيه شيء مشفر

المشاركة الأصلية كتبت بواسطة   هلا باللي يراسل وحنا ماعرفناه = ولا ادري ينتمي يالربع لايت قبيلة

بعدين عرفت إنه رشيدي , كيف ؟؟؟

مدري يمكن في حاجة ما فهمتها

[/align]

[سعود الخليل]

صح لسانك اخوي ناصر ... ولسان الشاعر ملفي الرشيدي ...

وفي إنتظار الجديد ...

[لهفة الخاطر]

[align=center]محاوره رائعه منك ياخوي ناصر

سلمت وسلم الأخ ملفي

يعطيك العافيه على نقلك إياها لنا

بإنتظار القادم


شكريـــــــــاتي [/align]

[حمد]

صح لسانك يا ناصر

وصح لسان ملفي


ابيات جميله استمتعنا بها


وما اجمل القصيد بين الأخوان والأحبه




=====

اخوي M.M.Z قال شاعرنا ناصر انه عرض الرقم على واحد في الاتصالات وعطاه الرقم ..! شف الكلام فوق



يعطيكم العافيه

[ابو سايل]

صح لسانك اخووي ناصر ورفيقك ملفي


وفي انتظار جديدك

اخوووك

ابو سايل

[ناصر العبيد]

صحت أبدان الجميع ومروركم شرف لي 000

وبالنسبه لك أخوي mmz وفر الرد عليك أخوي الصيدلي00-


تقبلو تحياتي

[رعشة شنب]

صح لسانك ولسان الرشيدي



الى الامام يالربع

[مرهف]

[frame="1 80"]والله ما شاء الله عسانا نضبط المحاورات بالكلام العادي ..

ابداع اخوي ناصر ,,

استمتعنا بالرسائل الشعريه ..


تحياتي الحارة !![/frame]

[عبدالله الفـارس]

ما شاء الله شيء رائع

صح لسانك شاعرنا ناصر العبيد ..

بانتظار جديدك ..

[ساجي]

صح لسانك مليون ولايوفون اخوي ناصر انت و ملفي الرشيدي


وتقبل خالص تحياتي

[ناصر العبيد]

الإخوه رعشة شنب00 ميشو00 عاشق ديرتي00 ساجي00

صحة أبدانكم ولا هنتو ومشكورين على مروركم المشرف والمحفز لتقديم الافضل لكم مني جزيل الشكر00

[M.M.Z]

[align=center]

المشاركة الأصلية كتبت بواسطة الصيدلي   قال شاعرنا ناصر انه عرض الرقم على واحد في الاتصالات وعطاه الرقم ..! شف الكلام فوق

المشاركة الأصلية كتبت بواسطة ناصر العبيد   وبالنسبه لك أخوي mmz وفر الرد عليك أخوي الصيدلي00-

أعتقد ردي كان قبل تعديل الأخ راعي الأوله !

ما كان هـ الحكي أقصد توضيح القصة موجود !


عموما شكرا لك[/align]

[ناصر العبيد]

m.m.z العفو لكن راعي الاوله عدل تنظيم الأبيات وإلا المناسبه موجوده لكن ما إنتبهت لها أخوي لك مني جزيل الشكر00

[ســــامـــيـه]

محاوره رائعه,,

أتمنى الزيد,,

لاتبخل علينا,,

تحيااتي