سواليف يوم العيد (شاركونا بمواقفكم)

[شريك المشاكس]

اول شي كل عام وانتم بخير


انقطعت عنكم بضعه ايام بسبب ظروف خارجة عن ارادتي >> خلل فني من المصدر >> براااااا

من العايدين ومن الفايزين وعساكم من عواده وان شاء الله تعيدون كل سنه وانتم اكوس من السنه الي قبلها


تخبرون ان ليوم العيد مواقف وسواليف مدري وش تبي

ويمكن يعدي بشكل عادي زي ما تتوقعون لكن لو تركزون شوي اكيد بتلقون موقف >> يعني بالعربي دبروا لي مواقف



ومع ذلك اني خابر بعض الناس من نمونة الصحراوية تدربي هالدميجه وتسوي فيها فاهمه ولو تسألها وش السالفة قالت وش حشيشه

يعني انا باذكر لكم سالفة لعيد من الأعياد >> لأن سالفة هالسنة فضيحه يعني شرط الي حاضر المجلس بيعرف اني انا هو شريك >> لحسه صح

السالفة يا طويلين العمر اني كنت غاااافي وناااااايم لين جاء أبوي وقالي قم يالله صل الفجر قلت له خلاص قضى رمضان >> قوي وجه

قالي انهج يالله بنصلي العيد ، طبعا صلاة العيد تخبرون في المصلى المكشوف الله يعز الحكومه كنها طفرانه ما تجيب شنكو تصكه >> فاهم الدعوه غلط


على طاري الغلط ، أذكر يومني صغير كنت اسمع عن صلاة العيد انها في البر وكنا نروح لعمي على اننا بناخذه يروح معنا للمصلى ، عاد انا قلت يوووه يعني وش المسكه نصلي في البر ، وتخيلت اننا بنجيب مساند ونصلي عليها بلحالنا >> شف التناكه مساند هالمحشش لو قايلن بساط كان اهون >> تفكير بزر لا تشرهون


المهم وانا الي اتروش واضبط اموري >> ما يتروش الا من العيد للعيد ، المهم وقلت قبل ما البس الثوب بالبس الشراب علشان ما يتعرفط >> اشوى انك بتجلس للخطبه وتخبزها نومه

المهم والبس هالشراب واطلع من الغرفه للمغسله وانا لابسن شبشب الحمام كرمتوا >> شبشب الحمام له سنع في السالفة >> طالع كني الشرهان مالاحظتوا

اهاااااا

هنا النكته الباااااايخه >> توحي يا روح سدير

صار الشي الذي مالم يكن بالحسبان

بدون مقدمات ، نسيت الجزمه ورحت للمصلى بشبشب الحمام ، لا ومن ردى الطبايع ذاك الاخضر ابو اصبع نعلبووووووووووووووووووو الاحرااااااااااااج عاد سبحان الله هما في رمضان الشياطين مربطه ، أول ما خلصت صلاة الفجر وتفككت عقدهم بدا الحبيب يوسوس بي من بدري لان جزمتي غالية وشكلها حلو أني افضحها وارزها قدامي في المصلى من الكبر والعياذ بالله ، واخرتها جبت بشبب حتى الهنود وهم الهنود كاشخين بكنادر وشباشب زي الناس ، عاد ما اقولكم اني اول ما نزلت من السياره وانتبهت لها لبقتها عند المصلى لين خلصت الصلاة ورحت لموتري حافي ويحلفون ان الشباشب للحين في المصلى محد خذها



هذي وحده من سوالف العيد

وبارجع بسالفة بسيطه هالسنه عن الحوامه وعطونا عيديتنا >> حاطها ريشه لا ينسى السالفة تخبرون شايب



يالله عطونا مواقفكم وسواليفكم وبرنامجكم يوم العيد وين رحتوا وش سويتوا


انا في الانتزاااااااااار


مراسلكم

شروكي مشاكساتي الطراونه >> برايفت للسبعين اسفهوها

[حمد]

هلا شريك

وكل عام وانت بخير يا الغالي


في آخر يوم من رمضان دقت علي الوالده إلا تجون بدري علشان الفطور يكون في سدير


وانا من العجله مدري وش خذت من البيت وش خليت


الشاهد عاد اني نسيت عده العيد كلها


منها الجزمه الله يكرمك والحاضرين وللي يقرون


حتى الثوب توني مطلعه من الخياط نسيته


ومسكت معي منيب راجع

اذا لقيت ثوب وإلا بلاها عيد هالسنه


بس الحمدلله ضبطت الأمور ولقينا ثوب وشرينا اللي شرينا وخذنا اللي خذنا وحطينا اللي حطينا


وياوليك اذا حشيت لأني بدبغك الأسبوع الجاي


وياوليك مره ثانيه لأنك ما جيت الملتقي


وسلامتك

[زهرة]

وانت بخير ياشريك

ماشاء الله علييك بتصير مواضيعك موسميه


الحمدلله يوم العيد واللي كسبناه من هالشروخ والنوافير

((تحسحس شعري))

هذا اللي استفدناه من الشروخ

[لهفة الخاطر]

بصراحه الحمد لله هالعيد مافيه مواقف

بس من جد شلون قدرت تمشي مكشخ وراز بس الشبشب غير شكل

يعطيك العافيه شريكو

تسلم

[عبدالله الفـارس]

خخخخخخخخخخ

لي باااكـ


بتذكر احد مواقفي وراجع لكم ,,,

[مرهف]

[frame="1 80"]هههههههههههههههههه

خخخخخخخخخخخخخخخخخ[/frame]

[بسمة فرح]

موقف حلو


ولكن حتى لو عندي موقف ماراح اكتبه



تدري لان بكره مدرسه ومااااااااااااااااااااااالي خلق

[ســــامـــيـه]

خخخخخخخخخخخخخخخخخخخخخخخخ

>>>> هذي لزنوبتك,, خخخخخخخخخخخخخخ

كركركركركركركرككككككككككككككر

هذي لموقف الصيدلي

>> وراك ما رجعت ,, كل ذا مشواار ,, ترى مابين ديرتك والرياض شي

>>إسأل مجربه... هع هع

ولي عوده ,, بموقف في مصلى العيد..

تحيااااااااااااااااااااااااااتي

[نصراويه11]

المشاركة الأصلية كتبت بواسطة   وانت بخير ياشريك ماشاء الله علييك بتصير مواضيعك موسميه الحمدلله يوم العيد واللي كسبناه من هالشروخ والنوافير ((تحسحس شعري)) هذا اللي استفدناه من الشروخ

هههههههههههههههههههههههههههههههههههههههه


نفس الحاله لكن انا قبل سنتين او ثلاث انفقع في خدي الصاروخ ... بس اللهم لك الحمد طاب


الله لايجزا بالخير من صنعَهن <=-=-=-= ملطوشه الدعوه من جدتنا الله يخليها



مشكوووور شريك موزوووع ولا الز منه ^_^

[أبو حنشل]

السلام عليكم ورحمة الله وبركاته

هلا شريك


كل عام وانت بخير

أما عليك موقف

المشاركة الأصلية كتبت بواسطة   ورحت لموتري حافي ويحلفون ان الشباشب للحين في المصلى محد خذها

خخخخخخخخخخخخخخخخخخخخخخخخخخخخخخ

مير الله يوسع صدرك بالعافية ههههههههههههههههههههههه


أنا بصراحة هالسنة الحمد لله ماصارلي مواقف محرجة واجدة


لكن صار موقف واحد وهو اني وانا توي جاي انا وابوي واخواني وبزارينا

<< اخلص

المهم قاعد اسلم وكل ماسلمت على واحد قالي ( من العايدين ) وطبعا اردله من الفايزين

يوم واحد قالي << كيف الحال >> وأنا متحمس لاني أصلا ماأمون عليه يعني من عيد لعيد

من دورية لدورية قلتله ( من الفايزين )

وبعدها أنقب وجهي صار ألواااااااااااااااااااان الطيف

والمشكلة ان الرجال ابتسم خخخخخخخخخخخخخخخ

مشكور على الموضوع اخوي .

<< تقبل مروري >>

[شريك المشاكس]

الصيدلي:


شرحك سرا


لازم يمر علينا عيد ونهبهب فيه ، الله يستر العيد الجاي انسى شنطتي بكبرها واداوم ببدلة الكوره حقت الفالح (وزارة المعارف) >> تراها شيييي

المشاركة الأصلية كتبت بواسطة   وياوليك اذا حشيت لأني بدبغك الأسبوع الجاي وياوليك مره ثانيه لأنك ما جيت الملتقي

والله ما عندي مشكلة وحلوه فكرة الخيمة

مير ان وقتكم دماااااار ، شوفوا خلوها الاربعاء او الاثنين اوكليشن ؟


ومنيب حاشن فيك اخاف تطزني بابره مخدره والا شي >> يخاف من الدخاتره


يسلمو على المرور

[مثل النخيل خلقت]

يعطيك العافية اخوي شريك ..

بالنسبة لي حصل لي موقف مشابه لموقف اخوي الصيدلي ..

انا اخذت ملابس العيد من المغسلة وحطيتها في سيارتي ومانزلتها البيت من الحرص عشان ماانساها ..

المراد اني مارحت في سيارتي لسدير واخذت سيارة ابوي ..

والملابس فيها ..

بالنسبة للثياب زين اللي كان معي كم ثوب تعبر ..

اما الشماغ مالقيت ..

لكن واحد من العيال من البطره جايب معه اكثر من شماغ جديد ..

وعدت على خير ..

المراد ان يوم العيد ماتعديت الفراش من الانفلونزا ..

[روح سدير]

كل عام وأنت بخير

يا شريك <<<< ملح

ومن العايدن

حلو والله موقفك <<<<مات من الضحك

أنا موقفي يضحك شوووي

كنت مزين المنبه حق الجوال على الساعه (( 6)) ومدرايت الأ أني قايم الساعه (( 7))

وراحت علي صلاة العيد

وموقفي الثاني في العيد

أن واحد من البزران ذب علي صاروخ على ثووبي طبعن الثوب راح فيه بس الحمد الله أني عندي ثوبين

طبعن الورع الي ذب علي الصاروخ والصاروخ شارية من عندي

وشكرااااا

[A_I_O]

ههههههههههههههههه ..


أنا أقولك وش صار يوم العيد ..

بعد الصلاة .. ( ما صليتها ) .. لبست الشماغ والحركات ..

ورحنا العيد .. يوم قلطونا .. جلست أنا في الطاولة اللي فيها عيال عمي .. وكان معهم بزر .. يجيب الحمى المالطية ..

كل ما جيت أكل سحب اللحمة من الملعقة وكلها ... مرة مرتين ثلاث .. ماش الولد ما عقل ..

في الرابعة .. كبيت على يده ( سبرايت ) ...

وخذت ملعقة وعبيتها رز وصمختها بجبهته .. << هذي أنا مضيفها ..

وووووبس ..



ع العموم ..

yslmooooooooo

شرووووك .. ع الموضوع الحلوووو ..



تحياتي ..

[جورية]

يعطيك العافية شريك على مواقفك الجميلة

ومازلت متابعة مستمتعة لمواقفكم

جعلكم تعيدونه كل سنة وتكتبون لنا مواقفكم