بأسباب أمطار الرياض سيّرنا على سدير !!!

[مصوت بالعشاء]

[align=center] السلام عليكم ورجمة الله وبركاته

عندما هطلت الأمطار قبيل الفجر هذا اليوم ثم توالت الأمطار حتى بعد خروجنا من صلاة الفجر قلت ياأبو الشباب ود عيالك للمدارس وأنقز للديره ... الجو زين والربع اكيد كاشتين ... وأتصل ... والجوالات مسكره ... قلت خير أروح للعمل وأتصل عليهم وأستطلع الأحوال قبل الروحه .. ولكن لا مجيب !! والمطر والحمد لله في زياده ... بس ماش ما نيب على أعصابي رجليني تحكني أبي أروح ... قلت مالي إلا منتدانا أكتب موضوع أستفسر منهم أكيد بيعطونك الخبر ..

وأنا إلى أنزل موضوع .... بس للأسف الرد كان من عضوين من سكان الرياض ....

قلت بس ... الديره سااااااااايله ما يبيلها كلام ... الربع ما يردون على جوالاتهم .. والأعضاء والمشرفين إلي في الديره ما حولك أحد ...كلّن لاهي في هالشعبان ... وأنا إلي أدق سلف ما مشيت إلا بعد صلاة الظهر ((( يا صبري بعد ))) وشوارع الرياض ماشاء الله خير وبركه والمطر يزيد ويخف وقبل ما آصل نادي الشباب !!! ويوقف المطر .. بس فيه غيوم ...

ومنها إلين وصلت ديارنا مهنا مطر ... بس تشوف مناقع على يسار الخط ..

وفي الرجعه للرياض وقبل نقطة التفتيش بحوالي عشره كيلو بداء المطر والحمد لله بس متقطع مره متوسط مره خفيف حتى مدخل الرياض قبل الأنوار بقليل ... سبحان الله تقل أنشقت السماء ... وابل من المطر حتى وصلت إلى مقر إقامتي

يعني المطر داخل مدينة الرياض ... اللهم صيباً نافعاً

محبكم
مصوّت بالعشاء[/align]

[ابو هاجر]

مشاء الله تبارك الله

والله هالأجواء وانا خوك ميبيلها الا طلعة

وهالاسبوع بإذن الله أسبوع خير وأمطار الله يعم بنفعها البلاد والعباد

[عبدالعزيز]

الله يرزقنا من فضله

ويطرح فيها الخير والبركه

[روح سدير]

ماشاء الله

الله يرزقنا من فضله

ويطرح فيها الخير والبركه

[مصوت بالعشاء]

[align=center]أخواني


حيدره

الصيدلي

شيخ شمر

روح سدير


مشكور على مروركم

والله يتقبل منا ومنكم الدعاء ويجعل مارزقنا خير للبلاد والعباد

آمين يارب العالمين

محبكم
مصوّت بالعشاء[/align]

[المكيظم]

أخي مصوت بالعشاء

أبارك لك وللجميع نزول هذه الأمطار جعلها الله سقيا رحمة وعم بها المسلمين

هطلت أمطار على جلاجل وماحولها سالت على إثرها جميع أودية جلاجل ( سيلاً متوسطاً ) جعلها الله سقيا رحمة وأنزل البركة ..

ووصلتني اتصالات من سدير ( الحوطة وماحولها يذكرون عليهم مطر طيب لكن لم أذهب حتى الآن )

ولازالت الأمطار حتى كتابة هذا الخبر الساعة 8.25 صباح هذا اليوم الأغر 1/11

ولكم من ( المكيظم ) تحية عطرة .

[عبدالعزيز]

ا لله يبشرك بالخير يالمكيظم

بقولون جاي سيول اليوم الحمد لله طيبه بالحيل

واحد من الربع مكلمني قبل شوي يقول مزرعتنا في الجنوبيه دخلها السيل اقوى من امطار قبل امس

اللهم زد وبارك واسقنا وارحمنا برحمتك

[مصوت بالعشاء]

[align=center]اللهم لك الحمد والشكر
اللهم سقيا رحمة
اللهم صيباً نافعاً

الله يبشركم بالخير حبايب قلبي

أجل الوعد الديره ياعبالها

سلااااااااااااااااااااااااامي للجميع
محبكم
مصوّت بالعشاء[/align]

[عبدالله الفـارس]

اللهم لك الحمد والشكر
اللهم سقيا رحمة
اللهم صيباً نافعاً

مشكورين اخواني ,,