يالله قوهم ويالله حيهم في منتدى التراث
وبهالموضوع ابي اقدم لكم عن بعض ما قيل في حنين الخلوج
انتم تعرفون ان الابل عندها حساسية قوية مرة تعرف صوت صاحبها وتمييزه من بين الاصوات
بحيث انها لو يغيب مثلا صاحب الابل تحن له الناقه هذا غير لو حنينها على ولدها يكون اشد واكثر
وفيه بعض السوالف اللي الحقيقة الواحد يستغربها للدرجة انه يشك في صحتها وويقولك هذا وحدن اسمه ردهان بن
عنقاء الشمري وردهان معروف بالفراسه وكان صديقا للشيخ ظاهر الجرباء من شيوخ شمر الوووكاد ان ظاهر كان
عطوفا وطيب تعامله على ذلوله ومع مرور السنين قدر الله على ظاهر وتوفى (دوم الحال من المحال)
والله وياخذونه الرجال ويصلون عليه ويدفنونه وكان ردهان من بين الرجال الي ادفنوا ظاهر
وقالوا الربع لردهان ان الذلول الحين يا ردهان الوكاد انها تبي تحن لظاهر الله يرحمه عاد ردهان بن عنقاء هذا شاعر
راح ردهان جهته ذلول ظاهر الجرباء ولقاهن يحنن على ظاهر وهو واقف ردهان يشاهد الموقف هلت منه ابيات واللي
فيها يقول :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بالله عليك اكفايه يا خلوجي = لاتفطنين قلوب ناس مريحين
انتي غدا لك حاشي تقل بوجي = يسوى الى طب المبيعه ريالين
حنا غدا ظاهر وسيع الفجوجي = اللي بيته يشبعون المساكين
ماياخذ العقبة ولا ارياه عوجي = ومن خلقته ما حلف الشمري دين
خريصات فوق الخيل مثل البروجي = على الكمين الغالي الروح مهدين [/poem]
[ALIGN=CENTER]كذلك الشاعر الكبير محمد بن عبد الله العوني قال قصيدتة المشهوره في الابل وهي : [/ALIGN]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خلوج تجذ القلب بأتلا عوالها = تكسر بعبرات تحطم اسلالها
تهيض مفجوع الضمير بحسها = الى طوحت حسه تزايد هجالها
له قلت أنا يا ناق كفى عن البكا=لا تبحثين النفس عما جرى لها
لا تفجعين البال بالله هودى= ولى خلوج خبث البين بالها
تبكين فرقا بكرة شدة العرب=ضاعت يمين البوش والا شمالها
تجيك يا ناق الخطا أو تجينها=وان كان ضاعت لك بديل بدالها
لكن أنا اليوم ما تنعد مصاوبى=ولا علتي تبرا ولا ينشكى لها
فلو البكا يا ناق عنى يحلها=بكيت بيض أيامها مع ليالها
ولو البكا يا ناق يرجع لغايب= بكيت لين العين ييبس ثمالها
وابكى على الا ثنين ما ذعذع الهوا=مدى الدهر لين النفس تلحق زوالها
وابكى على ما صاب نفسى وما جرى=وابكى على فتخان الايدي زلالها
وابكى على دار ربينا بربعها= معلوم خشم الرعن من شمالها
ومن شرق طعسين الأرخم تحدها=بين اللوى والسر ما اطيب سهالها
دار بنجد جنة كان قبل ذا=ومن صكته غبر الليلى عنا لها
وصفه من الخفرات بيضا عفيفه= يفوق كل البيض باهر جما لها
حسودها يغضى الى مر حولها=من خوف عيال تربوا بجالها
حى امنا واحلو مطعوم درها= غدتنا وربتنا وحنا عيالها
بزور بنا ما مثلها يكرم الضنا=وصول بنا لكن نسينا وصالها
تلقى علينا الجوخ والشال فوقنا=وهي عاريه تبكى ولا احد بكى لها
ولا أحد جزع من صيحته يوم سبلت= ولا أحد نشد من بعد ذواش جرى لها
قلت آه واويلاه يا خيبة الرجا= كيف أمنا تهضم وحنا قبالها
يا طارش من فوق سراقة الوطا= هميم الى سارت ذعرها ظلا لها
حابل ثمان اسنين ما مس خلفها= ولا بركت للشيل جملة حمالها
الى بدالي لازم قلت شدها=واضبط عن الفزات مقضب حبالها
ولا نعتنى بالخرج ماذي بحزته= شل قربة واجعل زهابك عدالها
فالى شلت خذلى بالرسن قدر ساعه= أبلغك في دق المسايل جلا لها
والى ختمته بالسلام فحثها= من دار (ابو جابر) سقى الغيث جالها
اوصيك يا مرسال بالسير والسرى=واحذرك نوم الليل عينك ينالها
الى سرتها عشر وخمس مغرب= مرواحك (الشام ) منها منا لها
والى جيت (سوق العصر ) ياتيك غلمه=تخثع بزينات البريسم انعالها
يقولون لك ياصاح عطنا علومك= بلدان نجد عقبنا وش جرى لها
قل كل بلدان القصيم وغيرها= عن الخوف زاموا دون جاله رجالها
مير داركم من عقبكم تندب الثرى= تبكى على الماضين واعزتا لها
لعبوا بها الاجناب لا رحم حيكم= والبيض بالبلدان شتت لجالها
شيا بكم تضرب على غير موجب= من عقب كبر الجاه تنتف سبا لها
أولاد على اليوم ذا وقت نفعكم= لا رحم أبو نفس تتاجر بما لها
أولاد على ان الليالى قصيرة= ولا للفتى غير الثنا من نوالها
أولاد على اليوم ما هوب باكر= قومو بعزم الليث ماضي فعالها
لا تتبعون الهون والعجز والعسى= او ربما او ليت يعتب سوالها
جود ورجا يا نا س ما هيب عندكم= هذيك ما لحقو هل القول جا لها
وذى قالة ما ينطحه كود نا در= اولاد على من بكم قال انا لها
ترى مركب الاخطار هو مصعد العلى= ولا يدرك المقصود غير احتما لها
وترى بالسيوف المال والعز والبقا= والجنه الخضرا بخضرة اظلالها
قومو براى الله واقضوا ديونكم=أنتم هل القالات ما أنتم رذالها[/poem]
[ALIGN=CENTER]كذلك يقول الشاعر الكبير سويلم العلي السهلي رحمه الله :[/ALIGN]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كني خلوج يوم صفق الرعايا = تحن بالمفلا لما روحني
على ولدها كيف سو سوايا = طبايع ماظنتي يعملني
ساجت وراجت ومالقت له حلايا = وخرشت ونشت والقوايم جثني
وتصن مثل اللي يوصي وصايا = تبي لعل اسموعها يسمعني[/poem]
[ALIGN=CENTER]كذلك قال الشيخ تركي بت حميد من قصيدة يرثي بها اخاه منها قوله :[/ALIGN]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألا واوجعني من بكرة هيضتني = في ليلة الجمعه تزايد حنينها
تجر صليب الصوت مما جرى لها = تجره من الوجلاء وفرقا ضنينها[/poem]
[ALIGN=CENTER]
وقول الشاعر حاضر بن حضير في خلوجه :[/ALIGN]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خلوج تجاذب صوتها من نهارها = تكسر بصندوق الضماير اعبارها
تفجع فوأد المنفجع من حنينها = لاجرت الاصوات تبكي حوارها[/poem][/color]