يا ذيب ياللي جر صوت عوى به

[سلطان العضيدان]

كان في بنت بدوية من بدو هاك السنين الاولين وهالبنت الله يسلمكم متزوجة رجال ماهوب من قبيلتهم يعني من قبيلة(ن)
ثانية ...الوكاد ان صار بين قبيلة الرجال وقبيلة البنت اللي متزوجها خلاف ومشاكل بين القبيلتين
(عاد القبايل منول اذا صار خلاف بين قبيلتين يغزون بعض ويسرقون حلال بعض )

المهم الله يطول بعماركم ...جاء اخو الزوجة يسأل البنت عن أبل قبيلة زوجها يبي يسرقها بسبب الخلاف اللي بينهم
والبنت ما تدري وين أبل القبيلة فيه ..!! قالها اخوها روحي الحين لمنازل قبيلة زوجك وانشدي عن أبلهم وابجي
بعد كم يوم للمنازل وتكون بيننا كلمة سر وهي اني لا اقبلت على منازلكم ابعوي
مثل عواء الذيب وانتي ردي علي أبيات شعر تبين فيها مكان أبلهم قالت طيب .

المهم يوم جاء هاك اليوم غابت العين واقبل سود الليل عليهم وطلع اخو البنت قاصد مضارب اخته والله ويومنه قرب من
عندهم شوي قام يعوي كنه ذيب وتقحص اخته وتقول :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا ذيب ياللي جر صوت عوى به = ما ادري ظما والا من الجوع يا ذيب
يا ذيب لا تطــردك عـنا المهـابه = طــرش العـرب بالـبر كلـه عـوازيـب
تلقى العشا لك في خشوم العقابه = في روضة الرواح وان تهـت يا ذيب [/poem]


عاد الحين بينت لخوها وين مكان الابل
بس البنت سمعتها عجوز كانت بجنبها وسمعت الابيات العجوز وسمعت عواء الذيب هالعجيز ما هيب بسيطه
عرفت السالفه كلها وعرفت ان هذي خطة(ن)مدبره بس مع من مدبره ما تدري العجوز ...؟
وقالت العجوز هالابيات تحذر فيها البيت يوم تقول :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا بنت حذرا لا يعضك بنابه = ترى معض الذيـب ما به تطابيـب
يترك مثل البكرة اللي جلابه = ليا حافها السوام يلقى عذاريب
يخلى جنابك مثل دار خرابه = تصـير للفـار المخــرب ملاعـيـب [/poem]

وقامت البنت وقحصت وطامرت من الخوف ومن الابيات اللي قالتها العجوز وعرفت ان السالفه
خلاص تبي تنكفش بس البنت صارت ذهينه ما هيب مثل عجوزنا ردت بعد بأبيات تبيرى ذمتها يوم تقول :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وحياة جلاب المطر من سحابة = اني سليمة ما بعد عضني ذيب
واللي ظلمني جعلها في شبابه = وتحـدره من عـالـيات المراقيب
أنا كما عــد عــذي شــــرا به = ما تارده بالقيظ حرش العراقيب
سبع العجايز دايرات للمـعـابه = سود المقانع يابسات العصاليب
[/poem]

عاد العجوز اخمدت بعد ماسمعت الابيات اللي قالتها البنت وكن الشك زال عندها
وسكتت العجوز والظاهر انها كبتتها نومه والله والعالم والبنت طلعت اذهن منها

[سعود الخليل]

هههههههههه عز الله ان هالعجوز جيده ما يفوتها شي ....


تسلم يمناك يا راعي الغاط .. وكل عام وانت بخير ..

وننتظر الجزء الثاني من القصه <<< راعي طويله.,,

[عبدالله الفـارس]

::

صرفتها البنت خخخخخخخخ

شكرآ راعي الغاط

::

[X-Ray]

العجوز ذهينة ..
والبنت سريعة بديهة...

ما قصرت راعي الغاط ..

قصة ممتعة..ولاتحرمنا مثل هذه المواضيع...

تحياتي لك...

[لهفة الخاطر]

[align=center]ايه والله افهمتها العجوز وكان رد البنت عليها قوي بالمره

الله يسلمك ياراعي الغاط وتروح بنا الذكريات للوراء


يعطيك العافيه ةولك شكري [/align]

[شـمـ إمرأة ــوخ]

والله حركات كلامهم اشعار ..
وكلن بفسر على كيفه ..

والهدف المنشود صار ..

والهذره دايم بين الحريم اكوام ..

مشكور أخوي ..

[ذيب سدير]

يامال العافيه يا راعي الغاط ..
نستمتع بمواضيعك دائمااااا ..
نحن في انتظار المزيد..

[سلطان العضيدان]

راعي الأوله
عاشق ديرتي
X-Ray
قلبي المتيم
شـمـ إمرأة ــوخ
ذيب سدير

شكرا لكم على حضوركم ومروركم الكريم ..

ومااقصرتوااا ..

[M.M.Z]

[align=center]حلوة ![/align]

[معشي الذيب]

الله يعطيك العافيه



على ها السالفه




والمشاركه الطيبه منك




وتقبل تحياتي

[القاصف]

[align=center][poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
واللي ظلمني جعلها في شبابه=وتحدره من عاليات المراقيـب[/poem]

يا سـلام سلّم .. هالبيت حيـل مشهـور .. أظنّه اشتهَر بسبب كثرة أستعمال المظلومين له


الأسـتاذ :

( راعـي الغـاط )

قصّة رائـعة ، فيها دهاء وفيها شِعر وفيها طرافة بعد


يقول :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا كما عد عـذي شـرا بـه=ما تارده بالقيظ حرش العراقيب[/poem]

أنا الصراحة أسمَع عن ( حرش الراقـيب ) وأيضاً ( سِدرة الغرمول ) و ( حزم الجلاميد ) .. إلخ

تقدر تفـيدني أستاذ ؟



في النهاية .. أشكـرك جزيـل الشكـر على هالقصّة .. وأشكرك مبدئيّاً على إجاباتك[/align]

[سلطان العضيدان]

M.M.Z
معشي الذيب
القاصف

أشكركم على تشريفكم وحضوركم الكريم ..

المشاركة الأصلية كتبت بواسطة   أنا الصراحة أسمَع عن ( حرش الراقـيب ) وأيضاً ( سِدرة الغرمول ) و ( حزم الجلاميد ) .. إلخ تقدر تفـيدني أستاذ ؟

لا اخفيك يا عزيزي القاصف اني اسعد بوجود مثل هذه الاسئلة والمناقشات لما فيها من فائدة للجميع

حرش العراقيب : هي اسم من اسماء الابل وسبب التسمية .. لان عراقيب الجمل حرشة وغير ناعمه

سدرة الغرمول : الغرمول هو اللغة العامية ..(الطعس ) .. والطعس هو كثيب من الرمال في الصحراء
اما السدرة : فهي شجرة كثيفة جذورها متعمقة منتشرة ذات جذع متفرع لأفرع متعرجة
لونها بنى فاتح يصل ارتفاعها من 2 إلى 4 أمتار تقريباً
ويقول أحد الشعراء في قصيدة مشهورة :
السيل ياسدرة الغرمول يسقيك ... من مزنة هلت الماء عقربية

حزم الجلاميد : قريه صغيره تقع بين منطقة عرعر وطريف شمال المملكة العربية السعودية
وقد أشتهرت عند اهل القنص لانها تعتبر بوابة للطيور المهاجره
ويقول احد الشعراء :
أنا على المقناص قلبي يرفي .. فترة ونرجع يم اهلنا مناكيف
بديار لفــروق الحــبارى تلفى ... جنوب من حزم الجلاميد وطريف

[القاصف]

[align=center]شاكر عنايتك الكريمة أخي ( راعي الغـاط ) .. وسرعة الإستجابة

بالنِسبة للعراقيب .. فاللي أعرفه أنها تُطلَق على أخمس أقدام الأغنام والماعِز .

كما تُطلَق ( الحوافِر ) على أرجُل الخيل والحمير، أمّا لأقـدام الابِل فاللي أعرفه تسمى : ( خـُـف )


أمّا عن السِـدرة ؛ فهيَ معروفه وثمَرها نسمّيه الكنـار ( النبق ) .. والسدرة بالفصحى : الزَيـزَفون

يمكن خانني التعبير .. فأنا قصدْت : أين موقـع الغرمـول هذا .. بالثمـامة مثَـلاً ؟؟

وبالنِسبة لأسئلتي .. فنحن وُلِـدنا جهَلة .. وعن نفسي لا أخجَل مِن السؤال عن أيّ شيءٍ أجهله .

حتى الدين يحثنا على السؤال والإستفسار .. حتى لا نقع في المحظور .


أكرّر شكـري لك .. بإنتـظارك[/align]

[سديراوي عسل]

ههههههههههههههههههههههههههههههههههههه


والله يالبنت ذهينة من جد ...صرفتها ....




مشكور أخوي سلطان .....

[سلطان العضيدان]

يا هلا فيك يالقاااصف ..

المشاركة الأصلية كتبت بواسطة   أين موقـع الغرمـول هذا .. بالثمـامة مثَـلاً ؟؟

الغرمول : ليس لها مكان معين فهي تكثر في المناطق الرملية ..

ولكن السؤال اللي يدور بذهني ماهو اصل هذه الكلمة ..؟

وشكرااا لك على تعقيبك .. وتشريفك يا القاااصف