العيد حل وكل هم(ن) طرالي
سهرت ليلي والمخاليق سالين
كتمت سري لين بان انفعالي
واصبحت انا ماميز الزين والشين
جاني خبر والقلب زاد اشتعالي
جابوه ناسٍ بالصداقه وفيين
سألت قالو وش يفيد السؤالي
راح الحبيب اللي تحبه من سنين
قلت اذكر الله لاتزيد انشغالي
خلك ثقيلٍ واترك المزح ياشين
حلف يمين وقال يابن الحلالي
ماقلتلك غير الذي شفت بالعين
والله يابو سلطان لو منت غالي
ماكان جينا تالي الليل عانين
حاول امورك كان فيها مجالي
كلم اهلها دام عندك قريبين
وعرفت منهم موعد العرس تالي
في شهر سبعه يوم تسعه وعشرين
ظاقت بي الدنيا وانا كنت سالي
وتوقفت دقات قلبي من البين
سبة زمانٍ جار فيني ومالي
وقتٍ ظلمني وزود الهم همين
جينا لابوهاوقال هذا محالي
ماأعطيك بنتي لو تحبك من اسنين
هذا الذي تبغاه صعب المنالي
ماني مزوج واحدٍ عاش بالدين
بنتي تربت بين عز ودلالي
ماتحتمل عيشة فقارى ومساكين
قلت اعترف.مافيه عندي حلالي
ولاني من اللي يملكون الملايين
المال دايم عرضةٍ للزوالي
ولايبقى الا راعي الخلق والدين
دنياك هاذي لو صفتلك ليالي
اعلم ترى دنياك تمشي بوجهين
لاتحسب ان العوز عيب الرجالي
العيب لامن قيل عنهم رديين
عايش على المقسوم مرتاح بالي
وعندي غناة النفس تسوى بلايين
كنت احسب اني عندك اليوم غالي
لاكن حسافه صارو الغير غالين
نسيتني واغليت واحد بدالي
وارخصتني من شان ناسٍ بعيدين
طاوعتبي هرجة قفا وافتعالي
وفشلتني قدام ناسٍ كثيرين
حطمتني واشقيت قلبي وحالي
وخليتني عايش وحيدٍ بنارين
مابك رحم قلبك من الحب خالي
حطمت ناسٍ دون ذنبٍ بريين
أول رحوم وينظربّك مثالي
اليوم جاك القطع يالعفن من وين
مابي نسبكم جعلكم للهبالي
لو ان غلا بنتك من الموت يحيين
خايف عفنكم ينتقل في عيالي
والحمد لله يوم بينت لي زين
حنا الحرار اللي نروم المعالي
نلقى من احرار الحمايل شياهين
ان شاء الله تعجبكم
02-01-2007, 12:52 PM
العرض العادي
