قصة اول طبخه

[فروحة]

بسم الله الرحمن الرحيم

سلام الله عليكم ورحمته تعالى وبركاته

مساكم / صباحكم جوري وزنبق

عزيزاتي السحالي اعزائي التماسيح


" أول طبخة بحياتك"


العنوان يكشف ماهية الموضوع

لكل شيء في هذه الدنيا بداية

وللطبخ بدايات

ومواويل

فحكاية أول طبخة

لاتنسى على مر السنين

مما سبق

وددت لو نتشارك جميعاً

ذكريات أول طبق قمت بعمله

كم كان عمرك وقتها؟؟!

وماهي الطبخه التي قمتِ بإختيارها؟؟!

وكيف كان نتائج "خبيصك" ؟؟!

وماهي ردود "الجماهير" أقصد العائلة ؟؟
*
*

أتمنى التفاعل

وحكايتي ستسرد بعد رؤية مواقفكم

بإنتظار أقلامكم

أعذب تحيه

[لهفة الخاطر]

[align=center]حلو يافروحه والله وانا راح اكون اول مشاركه فيها

تسلمين ياقلبي على هالحركات [/align]

[لهفة الخاطر]

[align=center]بسم الله نبدأ :

اول طبخه لي طبعاً غير سلق وقلي البيض والبطاطس كانت وانا بصف سادس ابتدائي كان عمري وقتها اعتقد 11 سنه وعلمتني امي الله يخليها لي الطبخ كيف اقطع البصل واحمصه واسوي الكبسه طبعاً
في يوم الخميس طبعاً لا مدرسه ولا شئ قلت راح اطبخ لهم وقمت وطلعت الدجاجه وازهب الأغراض طبعاً الطبخه عبارة عن الملوخيه بالدجاج
اقطع البصل واحطه في القدر طبعاً واحركه واحركه واشوفه مايتحرك زين وبعد كذا قلت عادي يمكن كذا تسوي الطبخه وكملت ......
حطيت الدجاج وقلبته مع البصل وحطيت البهارات والملح والماء وبعد كذا حطيت الملوخيه ....
جهزت الطبخه وكانت تجنن واهلي عجبتهم بالمره
وكان عيبها واحد بس إني ماحطيت زيت وانا احمس البصل خخخخخ بس اهم شئ طلعت لذيذه

وسلامتك يافروحتي [/align]

[زهرة]

موضووع فله الصراحه

تسجيل اعجاب بالموضوع

وبنشوف قصص الأخوات وسواليفهم

لإني ووالله ناسيه ومذكر اي اشي عن أول طبخه



يعطيك العافيه يافروحه على الموضوع



قلبي المتيم ..

زين جت على الزيت بس الأمر هين

سنعه أجل

[شـمـ إمرأة ــوخ]

فروحه صراحه ... انت رهيبه ... وفكرتك مصيبه ..

طبعا السلطات حدث ولاحرج دايم براسي ... وأول طبخه كنت بالصف الاولـ متوسط ...
كانت ليله شديدة البروده ممطره وطلبت جدتي (الله يرحمها ) معدوس ..
يعني رز بالعدس ... يدفي تمام ... (معدوس بالبطن يدوس )كنايه عن التدفئه

قامت الست شموخ ... ونقت العدس والرز .. وسويت كلـــ شئ تمام ..
مشكلته يطووووولـ شوي بالطبخ .. رايحه جايه على القدر..
طفشني عيى يخلص .. ومن شطارتي ... قلت بخليه وروح أصلي
ومره وحده اوتر ... مدري وش خلاني اقرى من طوال السور
مانسيت الطبخه .. بس كنت متواكله .. اقول ربي شايفني أصلي .
أكيد مارح ينحرق القدر ... أكيد بتطلع طبختي تجنن ..

وأصلي وأصلي .. وانا بالصلاه أسمع صوت لجه .. خلصت بسرعه .
وجيت .. واسمع الهاوش .. وينك ياست هانم .؟؟
يوم جيت اللهم لاحسد القدر احترق... ...

بس مو مره انحرق يعني لسعه بسيطه ... اهم شي انهم تعشواااااا
وعينوا خير ...وأعجب جدتي .. بس كان درس لي لاينسى ..

[مشــاعر]

.
.
موضووع راااائع .,, مشكوره على هيك فكره ,,

انا الصراحه اول طبخه طبختها هي القهوه ,, كان عمري 11 سنه ,,

والله وارقى فوق عند الشغاله وأسألها عن المقادير وكيف الطريقه ,,

نزلت وجهزت اغراضها ومتحمسه بسويها,,

يوم سويتها ,, وياليتني ماسويتها ,,


اول شي حاطه ملعقة حلا زعفران مطحووون,,وطلعت صفراااااااااااا

ثاني شي حاطه هيل لين قلت ربي اشهد,, وطلعت حااااره ,,

وحاطه فنجال واحد قهوه بس,, يعني مافيها طعم قهوه,,

وكانت نهايتها في الزباله الله يكرمكم,,

وبس
.
.

[ســــامـــيـه]

موضووع روووعه فروووحه

مشااااااعر

مسويه زحمه طبخه وآخرتهاا قهوه

خخخخخخخخخخخخ

بحاول اعصر مخي واتذكر اول طبخه

بس على ماااتذكر إني سويت

قرصاان او جريش كاني مانيب غلطانه

خخخخخخ

وأخيراً لي عودة ,,,

[فروحة]

ههههههههههههه


مشكووورين على الموواقف هههه

وعلى مروووركم اللي نووووور

[الطفولة]

موضوع يرجعنا لكم سنه للوراء

شوفي أول طبخه

كانت كيكه أسفنجيه>> ماتلعب

عجنت الخلطه زي اللي بالكتاب تمام

والمصيبه أنهم كاتبين بالكتاب ضعيها بالفرن 15 دقيقه

الشاهد أني ما أعرف الـ 15 دقيقه بالضبط

قمت أعد الأرقام اللي بالساعه وحده وحده على بالي كل رقم هو دقيقه

فهمتوا

المهم طولت وأنا أنتظر لأني جلست فوق ساعه إلا ربع

والريحه فاحت

وللمعلوميه مسويه فيها مفاجئه لأمي وهي برا البيت طبعاً

هي جت وشمت الريحه وفتحت الفرن على طول

ولا الكيكه رايحه فيها سوداء كويحه

وتفشلت بقوه

وعقبها صرت أعرف للساعه والدقايق

وسلامتكم.

[عَندليب]

مشكوره على الموضوع


وبحاول التذكر وش كان اول طبخي


اتمنى اتذكر

[فروحة]

هههههههههه

كان صرفتي وقلتي كيك با شوكو

ههههه

<< بس الطعم :$


ومشكووورة على المروور يا الطفووله

[فروحة]

تذكري يا تااج

ولا تحرميناا من موواقفك