ماركات الأعضاء

[هرمنا]

فيه اعضاء تميزوا بشغلات وحركات يسوونها اذا بغوا يكتبون شي في المنتدى وصارت مثل الماركة المسجلة لهم

معظم هالشغلات أو كلها حلوة وبعضها حلوة لكن مزعجة _ ما يقصد بسمة سدير _ لدرجة ان طريقتهم لفتت نظر المتابعين واعجابهم ..وربما الاستفادة منها في كتاباتهم

انا لاحظت هالماركات الكتابية وجمعتها لكم وابحطها هنا على شكل اجزاء ..

(( تحذير مهم : اي واحد يبي يرد هنا تراه معرض للنبش في مواضيعه والبحث عن الماركة المسجلة بإسمه ..ويمكن يلقى اسمه هنا في الاجزاء ))



======================
نبدا بالمكيظم :

المكيظم لاحظوه ياجماعة ..أي موضوع يكتبه قبل ما يكتب العنوان وش يحط؟؟؟

الجواب هو ((.......@.........))

الحين عرفنا الماركة المسجلة بالمكيظم

============

نجي عند اختنا قمـ%ـر سدير%


قمـ%ـر سدير% هذي عجيبة الحروف الهجائية عندها 27 حرف بس

بتقولون وشلون ؟

انا اعلمكم

قامت جزاها الله خير بحذف حرف ((الألف)) واستبداله برقم (( 1 )) يعني خففت علينا الحروف..او ان كيبوردها مافيه زرار حرف الألف

بجد طريقتهـ11111111111111 مميزة

و1نـ1 تعجبني 1ل1بتكـ111111ر11111ت في 1سلوب 1لكتـ1111111بة


================


حالم ليل وش عندك هنا؟؟

هع هع

وشوله داخل هالموضوع ؟؟zs:

هع هع


اظن ما يحتاج اكمل


هع هع <<<كل ماشفتها تذكرت حالم ليل

====================

دمعة المـــــــــــــــ

//
:
:
\\
:
:
//

الحرفــــــــ الأخير منــــ كلــــــ كلمة فيــ المقالاتــ يخلينا نبصمــ بالعشرة انــ الكاتبـــ هو دمعة المــــ

خاصة اذا كانت الالوان موجودة بطريقة مميزة...

الوكيل الوحيد في المملكة هو شركة دمعة ألمــــ
================

على طاري الالوان

اللي عايف عيونه ولا يبيها يروح لمواضيع بسمة سدير

لون خطها الفسفوري يسبب التهاب في قولون الشبكية ..وشد عضلي في الحدقة ..وتناحة في البؤرة (( كلها امراض جديدة طلعت منذ دخولها منتديات سدير ))

وكما قال المثل العربي القديم

يقول المثل (( قريت لبسمة سدير ...قال نعم قريت .....طيب اوجعتك عيونك ....قال لا ...قال اجل ماقريت ))

الان عرفنا ماركة بسمة سدير
=======================

شريك المشاكس :ابد اذا دخلت موضوع ولقيت نفسك فاق كشرتك وتضحك ..عندها اعلم حفظك الله انك تقرأ لتحشيشات شريكووووووووه


الله ينور عليك <<<شفرة خاصة

وش حشيشة ؟


طحيااااطي

=================

ماودي اطول عليكم

الأجزاء القادمة لازالت تطبخ على نار هادئة كونوا معنا ولا تبتعدوا فلازال للماركات بقية

واكرر تحذيري

تحذير مهم : اي واحد يبي يرد هنا تراه معرض للنبش في مواضيعه والبحث عن الماركة المسجلة بإسمه ..ويمكن يلقى اسمه هنا في الاجزاء


الى اللقاء في الجزء الثاني وفيه

بنت الشيوخ

عاشق ديرتي

غوته

القاصف

وغيرهم

[عبدالله الفـارس]

..

أرد

ولا ما أرد

أرد

ولا ما أرد

اممممممم

نرد والي يصير يصير خخخخخخخخخ

أما بسمة تعمينا الله يخس شيطانها أكره أتابع ردودها ومواضيعها



أما هع هع هع هذا حالة خاصة ما شاء الله

في كل رد لازم يحطها لو وش الموضوع يحطها


السبعين ألقف تحياتي

بإنتظاار الجزء الثاني

وأتحداك تلقى علي شي هع

..

[عبدالعزيز]

يقول المثل (( قريت لبسمة سدير ...قال نعم قريت .....طيب اوجعتك عيونك ....قال لا ...قال اجل ماقريت ))


خخخخخخخخخخخخخخخخخ

السبعين ياحبك للاستقعاد


<< الله يستر وش بيقول فيني >> ترى بجلدك عاد لا تجيب شي قوي هع هع

شاكر لك يالغالي

[جنون]

ههههههههههههههههههههههه

الله يرجك اخوي السبعين..
قسم بالله طلعت اشياء توني انتبه لها..

بس اعجبتني اللي حاطه حرف 111111111..



اما اللون فحدث ولاحرج..
مستحيل اقراه بدون مااظلله..


وخل عنك راعي الحشيش يبي له موضوع كامل..


<<يدور ماركه يحطها لك..



بس لقيتها..



دايم تختم مواضيعك بهالختم..



القف تحياتي..



يعني اذا قريتوها ادروا ان الحبيب السبعين هو اللي كاتبها..



يالله ياغالي..

كمّل الباقين علشان نعرف وش ماركتهم..

ومشكوووووووور على الموضوع الحلو..

الله لايحرمنا منك..


والله يوسع صدرك مثل ماوسعت صدورنا..




القف تحياتي

[الطفولة]

حلو أني أول من يدخل الموضوع ويقص الشريط الأحمر حقه

طبعاً هالكلام قبل لا ينقطع الإتصال وصرت من اللي دخلو بعد قص الشريط ولم يتسنى لهم بمسك المقص اللي محطوط على مخده حمراء

السبعين

والله أنك جبتها وضحكت على بعض الأعضاء كثير



أنت تقول إذا الواحد رد هنا بتجيب خبره ولا

المهم أنا جديده وما تقدر تجيب خبري

هههههههه

أحييك على الموضوع الرائع

شكراً وترانا نبي نشوف باقي الماركات العالميه



وبالنسبه للي ذكرت اسمائهم وتتوعدنا أنك بتجيب خبرهم

ماعليك ترى واحدٍ منهم دايم يحب يحط حركات وضمه وشده وسكون وفتحه بكل موضوع>> مساعده ع الطاير

[بنت الشيوخ]

الاخ الفاضل الحبيب مرررره السبعبين:<<<خلك حبيب مع الحبيبيين

موضوع رائع جداً اهنيك عليك...<<<الى الآن مؤدبه

الاخوان كلهم اللي قلت عليهم اوافقك الراي عليهم وبشده..

بسمه سدير الله يرجه رجاً لين تطييش ... هع هع
رحت قصيت دربيل_نظاره_ عشان اشوف ردودها زين<<<gِ

الاخ حالم ليل:
ارهب الارهبين..
يذكرني بنفسي هع هع<<<بسم الله علي <<<عقب صلاه العصر تلقونها مطروده من المنتدى

عاد الباقين مالك حق هع هع
خلهم يلونون ويرسمون على كيفهم من حلالك شي<<<<<قايله لكم بتنطرد

المشاركة الأصلية كتبت بواسطة   الى اللقاء في الجزء الثاني وفيه بنت الشيوخ عاشق ديرتي غوته القاصف وغيرهم

هع هع
مالك سنع بصراحه..
وش دخلني انا حبيبه واموره ومانيب اخالف
يعني كل اللي عندي...
فمان الله
وبس خلاص<<<حرقتها عليك

واحب اقول بالنهايه معليش يعذروني الاعضاء اللي بعدي لاني خلصت عنهم الابتسامات
هع هع


فمان الله
وبس خلاص

[ام سديـم]

السلام عليكم

هههههههههههههههههههههه

ههههههههههههههههههههههههههههههه

رهييييييب التنبيش اللي كذا



اما بسوووم الله يصلحها هي وهاللون بس خل عنك لو تكتب بغيره ماصارت بسمة


والبقية عليهم ماركات تههههوس



ننتزر الجزء الثاني من الاعضاء وانتبه لا يحترقون هماااه

[هرمنا]

الجزء الثاني

قبل ما ابدا في مجموعة ماركات الجزء الثاني بقول ردود سريعة للي حضروا وكتبوا تعليقاتهم :
لقد وقعتم في شر اعمالكم ...وسوف ابحث عن ماركاتكم السرية ..ولو اضطررت ان استخدم سلاح الجو والبحرية .. وسأعلنها بحرية ..في منتدى الديموقراطية ..ولي عودة مفصلة مع ردودكم المعصقلة

وبالمناسبة ترى المسألة مزح من اخو يمون على اخوانه..لذا فالزعل ممنوع والعتب مرفوع والرزق على رب الجموع=

==================
مقدمة
الاولين ماخلوا للتالين شي ..ومن الاولين ناخذ الحكمة ..ومنهم نأخذ الخبرة..وقالوا لنا شغلات ما كنت مقتنع فيها ...لكن الايام اثبتت ان كلامهم صحيح

وش الطاري يالسبعين ؟؟ وش داعي الكلام المكتوب بالاحمر هذا ؟؟؟ <<<<<سؤال المتابعين

الطاري هو ان الاولين قالوا ..ان اسهل شي البداية لكن النهاية تكون صعبة .. <<<والله مدري هم قالوها الاولين والا لا بس عاد لا تدققون
وهالشي لقيته في مواضيع وردود بنت الشيوخ
تبدا الموضوع تمام والامور زينه ..وتتوسط الموضوع او الرد والامور كلها زينة وتمام ...لكن اذا خلص الرد ((يعني نهاية الرد او الموضوع )) تتوهق ولا تدري وش تقول

تدرون وش تقول في نهاية الرد ؟؟؟؟













فمان الله
وبس خلاص


وش بقينا لشعبولا ؟؟
بصراحة ماركة (( بس خلاص فمان الله )) ماركة مميزة لبنت الشيوخ...ولكن لا انصح باقتنائها

ولي عودة للرد على تعقيبك السابق في نهاية الموضوع


===================

ياقاضي القضاة ..لقد اتانا رجل من اهل الكويت قادما الى ارض اليمامة متأبطاً صحفاً واوراقاً
القاضي : ماذا تقول ايها الحاجب؟؟؟؟ ماهي هيئته ؟؟
الحاجب : انه يلبس جلبابا صوفياً ثقيلاً ويلبس عمامة لم أجدها عند غيره ..ويبدو انه ورثها عن جده أبي فراس الحمداني ويتكلم الفصحى بطلاقة ..ويقصفنا بكل ماهو جزل من معاني وألفاظ ..ويعتني بكل لفظ يقوله..كلامه يخضع لقوانين سيبويه في النحو ؟..فلا تجد منه لفظاً أعجميا ولا يخرج من فيه كلمة بها لحن

القاضي : عرفته ..انه القاصف
تعليق سبعيني :

القاصف الله يهديك كل ماقريت لك رد او موضوع اتخيل نفسي وانا جالس في مجلس قبل 1000 سنة ..عاد يا مصلي انا وانا لابس خلاقين الاولين ..عجزت والله ازبط الإزار ..الرداء مايخالف اعرف له بس البلا من هالإزار لازم احط مشابك والا يطيح..خاصة اذا رحت الاحق اللي يمشي في اسواق المدينة ومعه طبل ويقول : يا اهل المدينة طب ططب طب طب ..امر الوالي ..طب ططب طبطب..ان يقدم لكم ويمة .طب ططب طب طب

بجد الكتابة باللغة الفصحى من ماركات القاصف ..وأنعم بها من ماركة

======================

..
.

عاشق ديرتي

.
..

لو ماحط هالثلاث نقط اللي فوق رده وش تتوقعون يصير له
.
..

اتوقع تجيه ازمه نفسية او اضطراب معوي

.
..

ياجماعة اذا شفتوا هالنقط اعرفوا ان عاشق موجود

الله يهديك ياعاشق ديرتي ..كل ما شفت فيش التلفون اتذكرك ..بس ابعرف لو تجرب مرة وتكتب رد بدون هالنقط وش يبي يصير لك

اذن ماركة عاشق ديرتي هي نقطة انتر نقطتين ...وفي رواية اخرى نقطتين ثم نقطة ..


==============

غُوتَه الفَاعلُ مَرْفُوعٌ

والأَصَابِعُ تَتْعَبُ إذَا حَاوَلْتُ أن أَكْتُبَ مِثْلَكَ

رِفْقاً بِنَا يَا اَخِي

قسم بالله اوجعني ظهري يوم كتبت مثلك..ما اعرف اكتب بالحركات الا اذا شقص ظهري
غوته ماركة مسجلة يكتب الكلمة مشكلة بالحركات ويضع كل حركة في مكانها الصحيح
من اجمل الماركات في نظري
=========

العميد

يمكن ماتعرفونه العميد

لكن اللي ما يعرف العميد يسأل عنه ابو نخلة (( مثل النخيل خلقت )) او ابو ابراهيم مشرف قسم الصوتيات

رهيب هالولد تحبه على طول .....لكن وضح لي انه من اعداء حروف المد ..مايحب حروف المد ابد ..عشان كذا ما يكتبها

اشتهر بكلمته التي يختم بها كل ردوده

((((((( شكرن وسهلن )))))) الله يرج مندوب مندوبك يالعميد

ابعرف وش جاب كلمة سهلاً عند شكراً

يالله على بابك ياكريم ياكريم <<<<نشيد في توقيعه

ياحبي لك والله لك وحشة



انتظروا الجزء الثالث ولي عودة للرد عليك ياجنون انت وريماس والطفولة وبنت شيوخ وشيخ شمر وعاشق ديرتي..الله يعطيكم الف عافية على تفاعلكم


القفوا مني احلى تحية

[فهد المنيع]

هع هع هع هع هااااااااااااااااع ----------> اضف الاخيره عندك


هع هع هع الله يرجك يالسبعين على هالصيد الطيب بس اترك عنك غوته كل ماشفت رد له قلتالله يعظم اجره ما يدري يناظر الحروف والا حركات هع هع هع شكل لوحة المفاتيح عنده ميييييح هع هع يا حليله

المشاركة الأصلية كتبت بواسطة   الله يهديك ياعاشق ديرتي ..كل ما شفت فيش التلفون اتذكرك

هع هع هع هاااااااااااااااااااااع الله يرجك اوجعني بطني هع هع



عاشق ديرتي
.
..

كيف الحال ؟


هع هع


الله يوسع صدرك بالعافيه والقف تحياتي -----------> ماركة السبعين

[يـــزيـــد]

بعد قليل في القنوات الفضائية خبر عاجل


توافد الكثير من مرتادي المنتديات بالمسارعة في تسجيل ماركاتهم لدى وزارة التجارة قسم الماركات الاعلامية المسجلة لاصحابها
وهذا وقد صرح مصدر مسطول في مبنى التجارة بالظهيرة بان يلزم على كل عضو مخاطبة صاحب الصلاحية السبعين للموافقة والكشف على الماركة

وهذا وقد تم التعميم لمنع ماركة الاخت بسمة سدير واعتبراها غير مسجلة
وها نحن نهيب كل حقين الماركات بعدم التعامل معها ولسني ولسنا ولسهم مسئولين عن هذه الماركة

[عبدالله الفـارس]

... <<< زودت عشان ماتصير فيش يالسبعين

الله يعطيك العافيه على هالكفشات الحلوة

نبي في الحلقة الجايه ميشو وساميه

ووووتسلم

..

[أمير سدير]

هع هع

حلوه يالسبعين

وسجل اسمي من ضمن قائمتك ابيك تطلع علي ماركات اكثر من الموجودين

خخخ

شكرن وسهلن

[القيصـــر]

السلام عليكم



مااااايعقل هالولد لازم يطلع بطلعه تخلي الواحد يتسدح من الضحك
الله يرجك رجاً مبرحا ياسبعينوووه والله يستر من اللي جااي
فتكم بعافيه .

[المكيظم]

======================
نبدا بالمكيظم :

المكيظم لاحظوه ياجماعة ..أي موضوع يكتبه قبل ما يكتب العنوان وش يحط؟؟؟

الجواب هو ((.......@.........))

الحين عرفنا الماركة المسجلة بالمكيظم

============

ماشاء الله عليك أخي السبعين
طرحك دائماً رائع ..

على كل أحسنت فمن أول موضوع لي في الانترنت وهذه العلامة موجودة

بل مرة من المرات جرى تحدي مع بعض الشباب في ساحة الأصدقاء الساحة العربية إذا وجدوا موضوع بدون العلامة @

طبعاً يوجد عدة علامات مسجلة باسمي أيضاً أترك البحث عنها لك وللزملاء .

لكم من ( المكيظم ) تحية عطرة .

[مثل النخيل خلقت]

ههههههههههههههههه

والله ان تجيب العلم يالسبعين ..

يالله لاتبطي علينا وبانتظار الباقي ..
الا ابن حتتك ..

هع هع ..