[align=center]
يسعد صباحكم/مساكم
هذه القصيده بها من الحزن الشئ الكثير
وللاسف انني لا اعرف اسم الشاعر
ألله ومر بالوصل من بين ألأقراب
وحنا بوقت زايدآ بالقطيعة
وانا من الي شفت بلحيل منصاب
وضاقت علي الأرض لوهي وسيعه
يابوي أنا من صدتك عارضي شاب
وحطيت في كبدي جروحآ شنيعه
مغير أهوجس مثل منهار ألأعصاب
أنا أشهد إن صدتك عني وجيعه
ولأ لقيت إلها تفاسير واسباب
ومعاتبتك محرمه في الشريعه
شفت المهونه من شباب وشياب
وانا عن الحقران نفسي رفيعه
لأنيب سربوتآ ولانيب كذاب
ولا لي مع الأنذال شريه وبيعه
يابوي أفك الباب وتسكر الباب
وخصيتني يابوي في ذا الطبيعه
حتي اصغر ألأخوان كشر لي الناب
ماكني الأ بايقن لي وديعه
ولأحدآ أخذ لي شور في كل الأنساب
يالله دخيلك من حياة الهزيعه
ويوم النزايل يايبه صرتو احزاب
أحدآ نزل هيظل واحد بالبديعه
ترى المعونه جات من رب الأرباب
لأحدآ يحسبني برجوى صنيعه
لأكن ابي جمع القرايب والأحباب
قدام كلن يغلق الموت ريعه
صاروا خواني عند ورعاني أغراب
شي يولع في ضميري وليعه
ليا سألوني يغرق الدمع الأهداب
يالله عسى من لأمني للفجيعه
يونس علي كبده مثل عضة الداب
وأرحم عياله لأومر مايطيعه
يابوي طيرك له جناحآ ومخلأب
يحط في ربن الحباري فنيعه
مهوب حقآ إنك تحطه بسرداب
وتحمله من فوق مايستطيعه
حطه علي يمناك وتشوف الإعجاب
وأفخر بطلعاته مع أهل الطليعة[/align]