؛؛ الشاعر محمد بن فطيس المري ؛؛

بنت المناااعير · 21-03-2007, 11:36 AM

القصيدة الأولى :

ودي بـك وابيـك وابـاك وابـغـاك
جمّعتهـا لرضـاك واختـار فيـهـا

شف ويش منها يتبع احكاك ورضـاك
اللي لك اسقـي مسمعـك لا ضميهـا

غديت (افر)احكـاي واسايـر احكـاك
انـا تشّـرف لكنـتـي واهتويـهـا

مضمونهـا ودي بشوفتـك واهـواك
اللي دروب اهل الـردى مـا تجيهـا

صانـك ولـي امـرك وحبـك وداراك
لاقــدر ردع الحـظـوظ ومجيـهـا

نفسـك مهذبهـا وعـز الله ربّــاك
ايـدري ان جيـش الهيـام يغزيـهـا

الله قسم يبـلاك بـي وانـت يبـلاك
اللي سواتـي فـي العـرب يرتجيهـا

محبة (ن ) ذربه من القلـب تكسـاك
حبـة (ن) صـدق الهـوى يكتسيهـا

يامرك قلبـك بالوفـا لـي وتنهـاك
اس (ن) على لامـاك تفـرك يديهـا

رزين عقـل ومـن مزايـا مزايـاك
فسـك تحـب وعفـتـك تمتطيـهـا

تطيع عقل (ن) ما بعـد زل واغـواك
شاعـرك تعصـاه ..وانـت تعصيهـا

ماشفـت منـك الا عيونـك ويمنـاك
حبـة (ن) راع الـردى مـا يبيـهـا

يقبـض فـوادي لا تخيلـت فرقـاك
اشف عين (ن) مـا سـواك يعنيهـا

وياعزوة اخوانـك ومطلـب هـذولاك
اس (ن) محبـة والــدك تدعيـهـا

ناس (ن) تخـدم ابيـك كلـه لعينـاك
هـو يحسـب ان الله عليـه يهديهـا

ياجعلها تفدى علـى الارض ماطـاك
الله بمـن هــو مثلـهـا يبتليـهـا

لكـن لعـب فـي ياوليفـي تغّـلاك
نفسي غلاك مـن الصـدود يحديهـا

تبطـي علـي وانـا هنـا واتحـراك
كبـدي لواهيـب الصبـر تشتويـهـا

اجمّع علومك امـن هنـاك وهنـاك
والله لـو انهـا تنشـرى لا اشتريهـا

وعذرك (انا لاهي) يا ويش اللي الهاك
اهـي ومر(ن)منـت لاهـي تليـهـا

كانك مشكك في الوفا والغـلا هـااك
جوالـي اقـرا القائمـه كــل ابيـهـا

رقمك مع (الصادر) ولا (وارد ) اسواك
الناس في اللي ( لـم يـرد عليهـا ).

وايــاك واياني...وايـانـي ايــاك
من غيبة (ن) من دون عذر يحميهـا

القصيدة الثانيــة:

قد عطيتك وانـت ماظنـك لئيـم
والنصيـحـه لليـالـي تـذكـره

لاتحرك جرحـي الماضـي الاليـم
ولاتحسب ان طول بعـدك طهـره

كل جرح يهـون يالجـرح القديـم
وكل شي قد مضـا معـك اذكـره

جرحي وذكـراك والليـل البهيـم
حـزت فـوادي بمثـل المنشـره

العذول غراب وانـا اكبـر غشيـم
والجروح الماء وطاريـك حجـره

والزمان اكرم من الحـظ الكريـم
لانفتح لي بـاب صوبـك سكـره

وحبك اللي لاطرى لي رحت اهيـم
قمت احسب اصغر كلامك واكبـره

ليتنـي عـاد الهـوا تـوه فطيـم
انعذلـت لعاذلـي بـس خـيـره

مالقيت من الوفـاء يـااول نديـم
كون صدق الحزن وجهه وظهـره

عقب رمح الشوق في وجه الصميم
سيف هجرك في قفاه وشف ثـره

وانت شكلك تحسبنـي فـي نعيـم
لنـي اخبـي صوابـي واسـتـره

لايغـرك حلـم رجــال حلـيـم
مهون اللي مـن سكوتـه فجـره

ولاتحسب الجفن من دمعه عقيـم
يستحي منك والـى اقفيـت انثـره

ولايغرك وان بدا جسمـي سليـم
والله انـه مثـل سـور المقبـره

والله ان امر من ضحـك الخصيـم
شوف حقي بيـن اياديـه اشكـره

والله ان احـر مـن دمـع اليتيـم
دمعة الرجـال مـن فرقـا مـره

وقال >> *عن الوطن..

يقولـون سمعنـا قصيـد الوطـن نبغـيـه
وانا اقول هاكـم والوطـن يستحـق اروااح

ولكـن مـن اللـي بالقوافـي قـدر يوفيـه
اشوف ان مدات الشعر لـو تجـود شحـاح

تعجز المشاعر لو بغـرف البحـر واعطيـه
ولا اشيّن من الطبعه سوى طبعـة السبـاح

عجزت افصح اللي في كنين الصـدر مخفيـه
واشوف السكات افصح الى ما انصف الافصاح

احبـه ولـو مابيّـن القـاف كيـف اغليـه
وحبـه شربتـه واجتمـع فالـؤاد وســاح

قطر موطني وانـا مثـل مـن تربـوا فيـه
راع البـل وراع المـال والغيـص والفـلاح

رجال ٍ الـى سمعـوا نـداه اجمعـوا لبيـه
تطيح الغتر والروس .. بس العلم مـا طـاح

ولدنـا يجـي فـي لازم الـدار هـو وابيـه
مجـي المعيـد الموجـب لراعـي التلـواح

سواعد الاميـر وفالمحافـل فخـر و وجيـه
ونارد حياض الموت كنحـن خـرز مسبـاح

وسيوف لولي العهـد فـي لازمـه وايديـه
دروع عليـه وفاللـوازم قـنـا ورمــاح

جنود الوطـن لحتـاج الامـر وذرا ً يذريـه
ولسـان ٍ فصيـح ٍ قاطـع ٍ يسكـت النبـاح

رجـال اللـوازم كلنـا والعـهـد نوفـيـه
علـي بالطـلاق انـه كـلام مهـو بمـزاح

هذا بعـض مافالصـدر للـدار يـا باغيـه
كتبتـه قصيـد وديـرتـي تستـحـق ارواح

* إجتماعيه..

الموت تالـي العمـر والدنيـا مقيـل
والاخـرة هـي منتهانـا لا مـحـال

واعمال كل انسان لـه منهـا حصيـل
توضع على الميزان وان ما مال .. مال

وديني وحب النـاس والخلـق النبيـل
ثلاث هي دربي الـى حسـن المئـال

ماهي بلحية شـوق للطـرف الكحيـل
لا ذكّـر العقـل الجـوارح بـالـزوال

الله يقـدرنـي عـلـى رد الجمـيـل
والله يجمّلنـي الـى جالـي مـجـال

والله يحـط الستـر لـي ظـل ظليـل
والله يقوّينـي علـى وصـل الحبـال

والله ينوّرنـي لصـار الصبـح لـيـل
والله يقدّينـي الـى غــاب الـهـلال

والله يروّينـي السميـن مـن الهزيـل
لا ضيعوا ويش السمان مـن الهـزال

والله يكثّـر كـل ماهـو لـي قلـيـل
الاّ العيوب .. وكـل مانقصـه كمـال

والله لا يحوجنـي لـمـدات البخـيـل
ويعيضنـي فـي كـل ماحـرّم حـلال

والله لا يذللـنـي لسـطـان الذلـيـل
والله لا يسقيني المذّلـة فـي الـزلال

والله يوفقنـي الـى اختـر الخلـيـل
والله يجنبنـي مجالـس قيـل .. قـال

والله يساعدنـي علـى القـول الدليـل
وستر من المنقـود والسنـة الرجـال

والله يقومنـي الـى شلـت الثقـيـل
ولا ينوخنـي لديـن عـبـاد مــال

والله يرحمنـي عقـب عمـر طويـل
وادخل مع السبعة تحـت ذاك الظـلال

وقال أيضا:

غاسل ٍ كفي مـن مصافحـة بعـض اليديـن
وقافـل ٍ بوجيـه اهلهـا صناديـق البـريـد

وشايف ٍ شي ٍ لي اعـوام مالـي فيـه عيـن
وقاطـع ٍ خيـط الهقـاوي بسكيـن الوكـيـد

وخالص ٍ من طيب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الاوادم بالرصـيـد

ومحتمي ٍ من غدر الاصحاب في حصن ٍ حصين
ولابس ٍ لرماح الاقـراب ثـوب ٍ مـن حديـد

وماضي ٍ مني علـى اللـي تمشينـي يميـن
ما تجي منهو قريـب ٍ والـى احتجتـه بعيـد

المواقـف تشخـل النـاس والطيّـب يبـيـن
كل عام يطيـح تسعـه ويصفـا لـي وحيـد

اشهد ان خيـر المـدارس تجـارب الاوليـن
واشهد ان راي التجارب هـو الـراي السديـد

واشهد انـي للبـلاوي علـى الدنيـا مديـن
كل مـا راجعـت نفسـي طلعـت المستفيـد

** وفي مجاراة لقصيدة الشاعر / قطري بن الفجاءة :

أقول لها وقد طارت شعاعا ً
من الشعـّـار ويحك ِ لا تراعي

عليك الصبر والباقي على الله
وعلى التصويت ما للخوف داعي

ترا اللي كاتبه ربي بياتي
ولو ما سعى لحظي جاك ساعي

تحزمت بقصيدي والقبايل
و جا شعري على الدفع الرباعي

انا في مركب الشعر الحقيقي
وجمهور الشعر حسبت شراعي

أمامي لجنة ٍ كفو ٍ بأهلها
وعلى الشاشات لي جمهور واعي

ودام ان ديرتي دار التميمي
فأنا ماظنتي يحجب شعاعي

تربينا على حب الطليعة
وندعس للوطن رووس الافاعي

نعيش لرفعته ونعيش لأجله
ونموت لعزته موت ٍ جماعي

قطر داري ودار بن الفجاءة
بلاد ٍ نبتها سيل ويراعي

ظهر بن الفجاءة في زمانه
وانا بن فطيس تظهرني ذراعي

للاستماع:

[rams] http://www.5ymah-up.net/upload/upload/wh_54955534.ra[/rams]

القصيدة الثالثة (( غزلية )) :

بعض العرب حبه يوردك الجنون
ولا يوصّـف له غلاك حكاك له

ما يقنعه وصف الغلا لو وش يكون
لو كل حرف ٍ بالحرير يحاك له

الموت جاك وهو تقلبه الظنون
ولا لك الا الصبر ( وش وداك له ؟ )

ان قلت ضايق قال هونها تهون
ما يدري ان ضيقتك له وبكاك له

تقعد تحبه وانت ساكت ومغبون
يمكن بيوم يدال له منفاك له

و كانك مشكك هو يمون او ما يمون
تخيل ان عفت الصبر فرقاك له

غلاه من فوق الغلا ما هو بدون
و حكاه سمعك يجبرك برخاك له

ودك تحطه بالعيون من العيون
وتبسط على رمض الثرى يمناك له

و تظله من الشمس في ظل الجفون
ولا يمر اذنه سوى لـبـّّـاك له

و تسج من غيره لو انهم يذكرون
ومنين ما سجت القدم ممشاك له

غروٍ يميله الترف ميل الغصون
غصن الليان ومكرمه بشقاك له

وجديله لا اقفى ستر منه المتون
كني بريحه لا التفت بدعاك له

كيك وعسل . . لكن ماهو في صحون
و دعاك من عين الحسود غطاك له

الله لا يعطيه ناس ٍ ينظلون
ويستر عليه من النحل لا ياكله

الوصف والتعبير في وصفه يخون
غير اطلب الله يستجيب دعاك له

و عذال قلبك في محبته يهبون
سكينهم عن قطع حبله حاك له

ناس ٍ عن اعراض العرب ما يعرضون
دايم على نفس الشكل والشاكله

اللي من لحوم الأوادم ياكلون
وحلوقهم دفع البلا متواكله

في سلمهم اولى بالأكل الأقربون
وأطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

ياجعلهم فدوة ثرى الغض الفتون
اللى على الدرب الطويل إخطاك له

طيفه الا نام البشر زارك بهون
وطيفك الا نام البشر سرّاك له

حبه دفان ومقبره خضر الطعون
بين العظام العوج كنك ناكله

اللي كذا حبه لو تموت مغبون
ولا لك الا الصبر ! ( وش داك له ؟ )

للاستماع:

[rams]http://www.5ymah-up.net/upload/upload/wh_38376465.ra[/rams]

للتحميل والمشاهدة:

http://www.malfat.com/up//down2.php?...5be7241d92.3gp

ألف مبروووك للشاعر القطري: محمد حمد بن فطيس المري ولـ شعب قطر كافة...
تحياااتي...

تأبط شرًا · 21-03-2007, 12:43 PM

شكراً لكِ أختي على هذا النقل الرائع

وبالفعل يستاهل أبوحمد هذا الفوز المستحق

**عبدالله الفـارس** · 21-03-2007, 12:56 PM

:

ألف ألف مبروك لقطر فوز المري

شاعر مميز وأخذ المليون بجدارة

شاكر لك بنت المناعير التقرير الرائع

:

الساجده لله · 21-03-2007, 01:19 PM

يستاهل أبوحمد هذا الفوز المستحق

وارث الطيب · 21-03-2007, 01:40 PM

بن فطيس له حضوره وشاعريت وهدوءه
وجزالة وصدق حروفه ومعانيه

يستاهل خذ قلوب الملايين قبل أخذ الميلون

شـمـ إمرأة ــوخ · 21-03-2007, 04:41 PM

صراحه يستاااااااااهلــــ الفوز ... يمتلك ذائقه شعريه أهلته للفوز ..

مبدع يابن فطيس ... الله يديم عليك فضله

بنت المناااعير · 23-03-2007, 01:48 PM

تسلمون ياجماعة الخير ..

تأبط شراّ

عاشق ديرتي

الساجدة لله

وارث الطيب

بنت الشيوخ

وبالعون انه يستاهل شاعر المليون , ويستاهل الصيت , ومهي بغريبة على بوحمد , فهو شاعر ولد شاعر

وجدانه شعراء , وال بن فطيس معروفين بالشعر ,,

والله اني تنومست باللفته الطيبة والشيمة الرائعة اللي ابداها بتبرعه بالمليون ,, جعلها سفرتن له ..

ولايفوت اللي يحب يحضر المهرجانات الثقافية .........

هذه الايام تحتفل دولة قطر بالمهرجان الثقافي واقامة الامسيات والمحاضرات والاسواق الشعبية وفعاليات

التراثية وغيرها ...

ويوم الاثنين 26--مارس بتكون امسية لمحمد بن فطيس .......... لاتفوتكم ..

لكم تحياااتي وتقديري ..