مساء الخير للجميع اليوم سمعت قصيده عن الأم وأعتقد إنها للشاعر نصار الظفيري أثرت فيني كثير وخصوصا طريقة إلقاءه وأكثر شي أثر فيني هذي ألأبيات:
يــا يـمّـه .. يالله ظـمـيني ودفـيني بـهالأحضان
أنـا أدري فـيك مـشتاقه .. وهـمك بـس مـلاقاتي
يـا يـمّه (حـيييييييل) ضـميني أبـي أرتاح أنا تعبان
تـعبت أهـرب مـن ذنـوبي ابـيك آخـر مـسافاتي
أبـسمع مـنك أي كـلمه .. لـصوتك مـسمعي ولهان
أبـسـمع (يـمّـه) بـصوتك أبـذكر فـيها نـشواتي
أشـوفك سـاكته يـمّه ؟!!.. غـفيتي ولا أنـا غلطان؟
غـفيتي يـا بـعد عـمري؟.. تـعبتي مـن مواساتي؟
يـا يـمّه طـالبك قـومي .. إذا لـي في عيونك شان
أشـوف الـموت بـعيونك .. عـساها تـخيب هقواتي
تـعـالوا يـا بـشر شـوفوا أنـا مـحتار أنـا تـلفان
أنـا أمّـي مـدري وش فـيها أنـا مـدري أنا أحاتي
شـنو ؟؟ أمّـي أنا ماتت !!! لا لا.. لا ترى غلطان!!!
أنــا أمّــي مــا تـخليني عـلى حـزني وونـاتي
أنــا أمّـي قـلبها طـيب ولا يـمكن تـبكي إنـسان
أنــا أمّــي مــا تـبـكيني .. ولا تـتمنى آهـاتي
يـا يـمّه صـح مـا متي؟ .. وصح الموت تو ماحان؟
إذا مـتـي أنــا بـعدك أبـقضي ويـن سـاعاتي..؟
يـا يـمّه قـومي يـا يـمّه .. وقولي الموت لا ما كان
أنــا جـيـتك وأنــا نـاوي أبـبدي فـيك جـناتي
تـركـتيني ومـتي لـيه؟؟ تـركتيني وأنـا غـرقان؟
وسلامتكم
اللهم أغفر لوالدتي وأرحمها
وأدخلها فسيح جناتك