قصيدة لحمد بن فطيس موجهة الى محمد بن علوش
قرأتها واستمتعت بها وأردت ان تشاركوني الاستمتاع
حيث اكتمل الجمال برد ابن علوش على قصيدة صديقه ابن فطيس
اترككم مع القصيدتين
الاولى لابن فطيس
[poem=font="Simplified Arabic,5,black,bold,normal" bkcolor="transparent" bkimage="" border="solid,5,orangered" type=0 line=0 align=center use=ex num="0,black"]
انا ماني بحول للحمامة كون عقب الشين=الى مني دريت ان هاالخلاويّة خلاويّة
انا ماني على البرقه زهوف وكلمة التلحين=إلى من شفت من تبدي شكاويّه شكاويّه
انا اقرنس بفضل الله من الذرعان والكفين=احوم بجو وانظر من علاويّه علاويّه
انا مااهتم لا كثر المماسح من غراب البين=انا ارقا فوق ولا هو حراويّه حراويّه
انا ادفع كاش لهل الكاش والبعدين يابعدين=ابو بعدين ماتلحق مناويّه مناويّه
يقولون الفقر بيّن مع من بيعته بالدين=وانا اعطي كل من زادت هقاويّه هقاويّه
انا ادري كل سرٍ ما يذاع ان سار بين اثنين=واعرف ان الطريق اصعب ملاويّه ملاويّه
إلى شفت العقول الراجحه من بين حين وحين=عرفت اشقومها روس الشقاويّه شقاويّه
اسل السيف فن وكيف واماري بابو حدين=واعرف ان كل الايمان الرهاويّه رهاويّه
مع اهل الصف الاول ما تعيّني مع التالين=نعمت ابدار..والدار السناويّه سناويّه
ويعجبني فقط لونين ..ماني بارغب التلويين=نهار وليل..والاريا السحاويّه سحاويّه
اعوّد للقديم ولاجهلني عيشتي بالفي=نولا بشمت واعرف ان الجلاويّه جلاويّه
ولاني بالتفت في راعي التهويل والتخمين=ولو هي متقنه تبقى السماويّه سماويّه
ابعد خطوتي والاّ قصير الشبح ابو مترين=يروح..يرد..ويتبّع.. خطاويّه خطاويّه
صدور الناس ديواني ولا يحتاج له تدوين=انا وش جبت لاقلت النداويّه نداويّه
الى شفت الردي يبغي يروح ايسار رحت ايمين=اخليها..تجاوبها ..غطاويّه غطاويّه
انا ماني وابو وجهين يامحمد بخشم وعين=ابو وجهين ما غطّت بلاويّه بلاويّه
انا شبحي يابن علوش مع شرواك عقل ودين=انا ادري كل مطلوب الهواويّه هواويّه
انا ادري بندق الفتنه لها روح ولها روحين=وعلى الدم الشياطين الشفاويّه شفاويّه
ابعّد خطوتي عن كل دربٍ فيه جيم وسين=وخرج المعرفه تربط عراويّه عراويّه
انا اعرف وين اوجه كلمتي لاسار زين وشين=لها باختار من تطلب عزاويّه عزاويّه
انا ويّاه في حلفٍ من السابق ومن ذالحين=انا ويّاه لو ماحن دناويّه دناويّه[/poem]
وجاء رد ابن علوش على قصيدة ابن فطيس بهذه الرائعة
[poem=font="Simplified Arabic,5,darkred,bold,normal" bkcolor="transparent" bkimage="" border="double,5,black" type=0 line=0 align=center use=ex num="0,black"]
قريت بيوتك العذبه، وراحت كنّها بيتين=بيوت كبار، وبيوت الصباويّه..صباويّه
فتحت الباب يبن فطيس ماحطّيت له قفلين=ولا وقّفت حرّاسٍ جباويّه جباويّه
أنا وافي، وأحبّ ألعب مع أمثالك من الوافين=ومع غير الوفي أجعل مثاويّه مثاويّه
منين ووين؟ يا أديب الشعر يمّتْك هذي وين=وشاللي جدّ في النفس الشلاويّه شلاويّه
رعاك الله يبن فطيس وش خلّيت للمنوين=على ياس الرجا تبقى الرجاويّه رجاويّه
يازين مداعب أفكار المعرفه لشعراٍ واعين=على السمو بالأدب تبحر جراويّه جراويّه
تهوم أصعب مسارات الخطاوي ماتقول منين=بفكرٍ معظم دروبه نحاويّه نحاويّه
تشوق عقول من فعقولهم حاجه من الثنتين=فراسه أو من أيامه دعاويّه دعاويّه
إدن منّي، وبأدنا منْك لو ماحن لبعض أدنين=جمعنا الطبع، والنفس الغناويّه غناويّه
نعم، والرجل أبو مبدا على ماهو عليه سنين=مثل شيخ الفتاوي هي فتاويّه فتاويّه
وفي مادون ذلك كلّ يومٍ له جديد يبين=نهاوي نفس، وأهداف النهاويّه نهاويّه
أنا ماآقول لضعوف الروابع كون ألا ياسين=يدربٍ مستوا دامت مهاويّه مهاويّه
ولضعاف النفوس آقول ألا يامال فرقا العين=عليكم مبعد الروس الطناويّه طناويّه
وأبو قلبٍ كنا سود الظغاين من تحت ضلعين=بلاه يزود لو يلحق بأداويّه وأداويّه
نعم والفرق واضح بين أبو محمد وأبو وجهين=له أشباهه، ولوجيه اللهاويّه..لهاويّه
وأنا ماني بداله، وأنت مااظنّك من السالين=دله في وسط الأسواق الرباويّه رباويّه
كرامتنا توقّفنا على أدنى أقصر من الفترين=تربّينا كذا لنّ النقاويّه نقاويّه
تشرّبنا معزّتنا من الفانين والحيّين=تميّزنا، وهملنا الرخاويّه رخاويّه
لأنّي عشت وشفت وكلّ من لايعتبر مسكين=وأنا أجزع وأقتنع ولاّ الظراويّه ظراويّه
تدور أيامنا غصبِ علينا، ماحن براضين=عطت تاج الذهب عقب الفداويّه..فداويّه
وتمّت وإسلم وسلّم يبو محمّد على الغالين=وعسا ردّي على قدر الغلاويّه غلاويّه[/poem]
منقول من منتديات الندواي