.. تقرير حصري لرحلتي إلى Malaysia .. - الجزء الأول -

[عبدالله الفـارس]

السلام عليكم ورحمة الله وبركاته

كيفكم شخباركم <<< ما عرف يبدأ الموضوع

كنت الشهر الماضي في جوالة سياحية ممتعة في دولة ماليزيا لمدة 22 يوم

برفقة الأهل الرحلة كانت ابتداءا ً من يوم 1 اغسطس - 17رجب

حتى يوم الأربعاء22 أغسطس - 9 شعبان ..

كان وقت رحلتنا مسائي الساعة 9,45 عبر الخطوط السعودية التنظيم في مطار الملك خالد يرفع الضغط صراحة كاونتر واحد

لتحميل الشناط وطابور غير منظم ...

ركبنا الطيارة طبعا ً كنا خايفين من الرحلة لأن مدتها طويلة

حوالي 7 ساعات مرت الساعات في الطيارة بسرعه بحكم

أن الرحلة مسائية لذلك الغالبية ناموا طوال الرحلة

دخل وقت صلاة الفجر وكنا وقتها فوق المحيط الهندي والغيوم

كثيرة لذلك بدأت المطبات الهوائية تشتد ..

طفت اشارت ربط الأحزمة قام غالبية الركاب للصلاة وأنا منهم

المصلى آخر الطيارة ومساحة صغيرة لا تتعدى 2 في 4 متر

أول ما كبر الأمام طلع الصوت : نرجو من السادة الركاب ربط

الأحزمة <<<< مطبات هوائية

وبدت الطيارة تهتز تنزل شوي وترقى شوي والأمام يقرأ

نزلت الطيارة نزله قوية طحنا كلنا يالي نصلي

صراحة ما أدري شلون كتمت الضحكة لين بعد الصلاة

طبعا ً قمنا وكملنا الصلاة والجميع متكتفين بيدين بعض عشان

نثبت إلى أن نتهي الصلاة والحمدلله عدت على خير ..

هذي صورة من شباك الطيارة



شوفوا الخضرة في مطار كوالالمبور أول ما وصلنا



وصلنا إلى مطار كوالالمبور حوالي الساعة 6 صباحا ً بتوقيت الرياض

11 صباحا ًً بتوقيت كوالالمبور ..

نزلنا من الطيارة وركبنا القطار الي ينقل المسافرين للجهة الأخرى

من المطار أكثر ما أعجبني في مطار كوالالمبور هو التنظيم المميز

في الكوانترات وغيرها بعكس مطار الملك خالد

استأجرنا تكسي لينقلنا للفندق ..



السكن كان في فندق رويال بينتانج (Royale Bintang ) على

شارع (بوكيت بينتانج )أو ما يسمى بشارع العرب والفندق من فئة 4 نجوم ..



وصولنا للفندق كان الساعة 1 ظهرا ً تغدينا وجمعنا الصلوات و نمنا المغرب

بعد الرحلة المتعبة ..

إلتقطت هذي الصور للبرجين التوين تور من نافذة الغرفة في الفندق ..


صورة نهارية


صورة عند الغروب


صورة ليلية

صحينا من النوم جميعا ً الفجر وأفطرنا في الفندق طبعا ً الفطور مجاني

وبعدها خرجنا نتجول وكانت وجهتنا الأولى هي حديقة الفراشات

وهذي بعض الصور من الحديقة ..









وهي حديقة صغيرة لكنها تضم المئات من الفراشات والحشرات

أشكالها غريبة وجميلة سبحان الله ..

بعد ما طلعنا من الحديقة صادفنا الفنان فايز المالكي ( مناحي )

بعدها توجهنا للحديقة المجاورة لها وهي حديقة الطيور ..

حديقة الطيور جميلة جدا ً وممتعة وكبيرة وفيها أنواع كثيرة من الطيور

صور من الحديقة ..












وهذا استعراض للطيور في مسرح في وسط الحديقة ..



تذكرون البومة الي صورة حالم ليل العام الماضي لقيتها

في الحديقة وإلتقطت لها هالصورة



وبعدها توجهنا للفندق ...

في الأيام الأولى بسبب خربطة النوم كنا مكتفين بوجبة وحدة

تكون المغرب لا هي بغداء ولا هي بعشاء مدري وش اسميها

غشاء خخخخخ

وكانت غالبا ً من كتناكي و بيتزا هت ما لقينا مطعم عربي جيد

في كوالالمبور ..




في اليوم التالي كانت وجهتنا الأولى صباحا ً المعبد الهندي

شوفوا الصور واحمدوا ربكم على الأسلام ..

ناس عايشه في تخلف و جهل ..



هذا الإله حقهم وجنبه الدرج الي يودي لداخل الكهف

طبعا رقينا الدرج وهو عبارة عن 250 درج على ما أذكر

هذي صورة من داخل الكهف بعد ما طلعنا الدرج



هذا منظر جميل سبحان الله لأشعة الشمس وهي تنبعث لداخل الكهف

من خلال هذه الفتحه في أعلاه



وأنا نازل من الدرج شفت هالقردين مدري وش يبون وصورتهم



شكلهم جايين يتعبدون بس نقصهم يحطون نقط حمرا على جباههم أستغفر الله

طلعنا من المعبد وتوجهنا إلى أجمل مكان طبيعي بنظري وهو

شلالات كوالالمبور وهو مكان جميل سبحان الخالق ..

تفرجوا


على مدخل الشلالات يوجد بائعي الفواكه ..







انتهى الجزء الأول ..

في الجزء القادم ( السفر إلى جزيرة بياننج – اهدائي لمنتديات سدير من على شواطىء بياننج – حديقة الفواكة – معرض الشوكولاتة – تل بياننج )

[مشــاعر]

[align=center]
.
.

ماشاء الله صور خياليه وخاصه هذي,,



واهم شي استانستوا ..

بس صورة البومه تفططططس ضحك ,, كأنها تقول : وش تبي انت؟؟

.
.
.

[/align]

[بنت الشيوخ]

احتراف هاللقطه


خير يالحبيب


اعجبتني

بصراحه رحله ولا احلى..
ماشاءا لله

يعطيك العافيه عاشق على التقرير الرائع جدا

ونحتري البادزي..

فمان الله
وبس خلاص

[فارس تميم]

ماشاء الله تبارك الله ياولد عمي حركككات


رحله في قمت الروووعه ممتعه .. وتصوير محترف


ذكرتنا بورااط الله يرجك ==> حسينا بشطفه


تسلم خميساتك على التقرير الوافي بس الاكل ما اشوف فيه اهتمام

[مثل النخيل خلقت]

ماشالله ..


تقرير مميز ..


والحمد الله على سلامتك اخوي عاشق ديرتي ..

[شعيب سدير]

ماااااااا شااااء الله ..

وش هزين يالغالي ...

اولا الحمدالله على السلامة ...

هههههههههههههههه

اما ونتم تصلون ..

والقروده ذولا شي هع



وهالمنظر هذا صراااحة روووووعه ...




رحلة موفقة اخوي .. عبد الله ..

وننتظر الجزاء الثاني ..


تحياااتي لك يالغلا ..,,

[ماجد بن إبراهيم]

ماشاء الله .. رحلة موفقة .. والحمد لله على سلامتكم..



والله ماأدري ليش ماأواطن هالشكل أبد .. .. أحس أنها غبية مرة مرة >>> الله يحلل البنقالية عندها

[أمير سدير]

ماشاء الله تبارك الله

رحله موفقه

بانتظار الجزء الثاني

[خرجاوي]

اخس عبودي كل هاذا انا مدري

مشاء الله شكلك فليتها

اجل تقول
[mark=33FF99]
((طفت اشارت ربط الأحزمة قام غالبية الركاب للصلاة وأنا منهم))[/mark]

لا ياشيخ انت منهم قل والله لالا ما اصدق انت جاد في كلامك

وش الي انا منهم طيب بعدين من قال انك كافر لا سمح الله

خخخخخخخخخ امزح

والله وناسه واكثر شي عجبني المعبد الهندي وانت ماشاء حتى الدرج عاده حلل ام السفره خخخخ

يالله عاد لا تطول بلجزء الثاني

ايه صح نسيت وش جبتلي هديه اكيد هديه محترمه

خخخخخخخخخ

[المكيظم]

وعليكم السلام ورحمة الله وبركاته

والحمد لله على السلامة

رحلة موفقة من جميع النواحي ولله الحمد

شكر الله لك أخي الحبيب على تقريرك الرائع

لك من ( المكيظم ) تحية عطرة .

[يـــزيـــد]

السلام عليكم

الحمد لله على السلامة

واما هذا تصوير احترافي والله




وهذولي كنهم في فصل وجاهم النوم هع




الله يعطيك العافية وشاكر لك

[( عابرة سبيل )]

:
:


وعليكم السلام

: عاشق ديرتي :

بداية حمدالله على سلااامتــك انت والاهل ..
واجازة موفقه وممتعه .. تقرير طيب وجميل ..
وتصوير احترافي ... وسوالف سنافيه خاصه وانتم تصلوون
يعطيك العافيه وننتظر .. بقيه الاجزاء

[أبو إبراهيم]

اما يوم تصلون

أشوا إن ذا الموقف ماجاني ولا كان علوم



صوره إبداع

لكن احس ان خط الأفق مايل شوي


يسلمو على هالتقرير أخوي عاشق

وفي انتظار الجزء الثاني . . . .

[فهد المنيع]

المشاركة الأصلية كتبت بواسطة   أول ما كبر الأمام طلع الصوت : نرجو من السادة الركاب ربط الأحزمة <<<< مطبات هوائية وبدت الطيارة تهتز تنزل شوي وترقى شوي والأمام يقرأ نزلت الطيارة نزله قوية طحنا كلنا يالي نصلي صراحة ما أدري شلون كتمت الضحكة لين بعد الصلاة

هع هع هع تخيلتك رازحن في جدار



ماشاء الله عليك صور حلوة وسواليف توسع الصدر بس عساك سلمتني على البومه



ليتك عطيتنا التقرير كله جميع وشوله اجزاء مانصبر وانا اخوك ..

نحتريك

[عبدالعزيز]

ماشاء الله عليك

الصراحة تقرير ولا اروع

تسلم يابعدي

وننتظر الجزء الثاني