مرثية في الشيخ علي الشويعر رحمه الله (للشاعر:ناصر السعيد)

[سعود الخليل]

بسم الله الرحمن الرحيم

قصيدة رثاء في الشيخ علي الشويعر رحمه الله .
[poem=font="Simplified Arabic,4,black,normal,normal" bkcolor="transparent" bkimage="" border="double,4,black" type=0 line=0 align=center use=ex num="0,black"]

يالله عساها ياعلي خلد وجنان = من واحدٍ فـوق السموات عـالي
ربٍ كريمٍ خالق الأنس والجان = محصي بحرها والوعر والسهالي
في دبرتة كل الخلايق والاكوان= والعبد في دبرة عـزيز الجـلالي
الموت حق ولاعن الموت هجران= سنة ولي العرش وامـره محالي
لابـد مانقفي ولاكـايـن كـان= كل الخـلايـق ردهـا للـزوالي
العمر له مـده وعـده ونقصان= مثل الـبروق السـارية بالخـيالي
هذي حياة الناس ضحكات واحزان= لاحـلت الاقـدار مـالك مجـالي
والدمع لو يسقي من البـيد وديـان= مـايـرجع اللي بالمـخاليق غـالي
يبقى الفعل والطيب للشخص برهان = مـثـل الجبال الراسـيات الطـوالي
مرحوم يللي مات في شهر شعبان= علـية عـيـني كـن فـيها جـذالي
علي الشويعر منزله وسط الاعيان =لاشـك موته حـط بـالقلب صـالي
مرحوم ياشيخٍ له المجد عـنوان =رجـل كريـمٍ وافـيٍ بالخـصـالي
يالله يا منزل تـبارك والانـسان =مـنا الدعـا وانـتا عـليك اتـكالي
يالله عساله في ذرى الخلد ميدان=يـنعم بـها خـضـرا برادٍ ضـلالي
يالله عسى قـبره زهورٍ و ريضان=الله يـونـس وحشـتـة بـالسـؤالي
الله واكبر كـنـها حلم يـافـلان=الـدايـم الله عـالـمٍ كـل حـالـي
كم فرقت مابـيـن ربـعٍ وخـلان=وكـم راح شـيـخ من قـروم الرجالي
ما مات من خلف ليـوثٍ وشـجعان=وانـا احـمد الله مرّثٍ لـه عـيـالـي
فيهم رجالٍ للمـهـمات خـطـلان =افـعالـهم بـالطـيـب مـثل الجـبالي
والهرج مايـبـنى على غير ميزان =افـعولـهـم لاشـك بـاول وتـالـي
والخاتمة صلو على نسل عدنـان = عـد المـزون وعـد حـب الرمـالي

[/poem]

الشاعر:ناصر بن عبدالله السعيد

[طالبة المعالي]

هذي حياة الناس ضحكات واحزان .. لاحلـت الاقـدار مالـك مجالـي
والدمع لو يسقي من البيـد وديـان .. مايرجع اللـي بالمخاليـق غالـي


أي والله هاذي الدنيا الله يكفينا شرها .. يوم لك ويوم عليك .. الله يوققنا فيها لطاعته .. وأسالك

يالله انك تغفر للشيخ علي الشويعر .. وتعفو عنه .. وتجازيه بالحسنات احسانا .. وبالسيئات عفوا

وغفرانا ..

ويعطيك العافية اخوي راعي الأوله ..

[المكيظم]

جزاك الله خيراً أخي راعي الأوله على طرح القصيدة

وجزى الله خيراً الشاعر ناصر السعيد .

ورحم الله الشيخ علي الشويعر وبارك في ذريته .

ولكم من ( المكيظم ) تحية عطرة .

[يـــزيـــد]

السلام عليكم

الله يغفر له ويرحمه ويسكنه بفسيح جناته

صح لسانهـ الاخ ناصر السعيد

والله يوفق الجميع ويرحم موتى المسلمين

[عبدالله الفـارس]

المشاركة الأصلية كتبت بواسطة هند السبيعي   أسالك يالله انك تغفر للشيخ علي الشويعر .. وتعفو عنه .. وتجازيه بالحسنات احسانا .. وبالسيئات عفوا وغفرانا .. ويعطيك العافية اخوي راعي الأوله ..

.............

[أبو يزيد]

غفر الله للشيخ علي الشويعر

وصح لسان الشاعر ناصر السعيد

[سعود الخليل]

هند السبيعي


بارك الله فيك اختي ورحم الله الشيخ على الشويعر واسكنه فسيح جناته ..

[سعود الخليل]

المكيظم

جزاك الله خير اخوي ابو تركي على تواصلك .. ورحم الله المتوفى واسكنه فسيح جناته ..

[سعود الخليل]

يزيد ..

بارك الله فيك اخي ... وفي تواصلك الكريم..

[هوجاس]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والهرج مايبنى على غير ميـزان = افعولهـم لاشـك بـاول وتالـي[/poem]

[align=center]صح الله لسان شاعر جلاجل القدير

ناصر السعيد

ورحم الله الشيخ علي الشويعر

سلمت يمنيك أخي الكريم على نقل مرثيه السعيد[/align]