( لاتـأمن الدنيا )

مواااادع · 31-08-2007, 03:07 AM

[poem=font="Simplified Arabic,4,white,bold,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]

(لاتأمن الدنيا)
ترى المراجل كايده تصعب على بعض الرجال=صعبه على اللي مامشى في دربها يومه صغير
تصعب على اللي لابغى يعطي تحسّف باالريال=حتى على نفسه وبيته قد بخل هذا الفقير
وناس(ن)تحسب المرجله بالبشت وشماغ وعقال=ولاّ الى منه مسك منصب غدى هو المدير
وبعض الرجال بصيتها تصعد على روس الجبال=واكبر مثال ابوفهد معروف في حوطة سدير
راعي الكرم صالح والى منه فزع جاله مجال=لآمن نخيته حل موضوعك ولو انه عسير
ولاّمثل صيت الدواسر طيبهم مابه جدال=اولاد زايد في الشدايد فعلهم سيف(ن) شطير
هم لابتي هم عزوتي لآصحت من غدر الليال=والى مدحت اعيال عمي بحقهم ماهو كثير
والقصر الى من صك ماله عـز ابد هذا محال=ياليت من هو قد بنا ذا القصر يرجع للحصير
القصر شفته باالمعشبه قصرعز(ن) به دلال=قصر(ن) لبوتركي فتح بابه صغير(ن) مع كبير
والجرح الى صابك من بعيد(ن) يطيب بكل حال=وبعض الجروح اليا سطت تقصم بعد ظهر البعير
خص(ن) الى جت من قريب(ن) من ولد عم(ن) وخال=ولاّصديق(ن) تحسب انه عون لك دايم نصير
والمال الى منه غدى باالبنك ماهو راس مال=مال(ن) بدون العز عله مع هوى الغربي يطير
لاتأمن الدنيا والى اقفت مالها والله قبال=ذا طبعها تجري بفلك(ن) دوم طبعه يستدير
قدم لنفسك خير واطربها طرب ياابن الحلال=افلان مات وذاك به جلطه على ذاك السرير
هذي نصيحه للي يبغى مني العلم الزلال=وختامها صلوا على الهادي لنا وهو النذير[/poem]

محمد المحارب · 31-08-2007, 04:14 AM

[align=center]بسم الله الرحمن الرحيم
السلام عليكم ورحمة الله وبركاته
حيالله اخوي الشاعر موادع .......قصيدة جزلة .....وصح لسانك......اعجبتني
ننتظر ابداعك المقبل والجديد
تقبل مروري ..[/align]

حمد سهيان الصعب · 31-08-2007, 02:40 PM

صح لسانك اخوي موادع ولاهنت على القصيده

ولك خالص تحياتي
اخوك الشاعر حمد سهيان الصعب

خالد بن محمد · 01-09-2007, 08:30 PM

[frame="4 80"]صح الله لسانك يالقرم

قصيدة جزله بمعنى الكلمه

لا هنت ولا فض فوك

وبعض الرجال بصيتها تصعد على روس الجبال
واكبر مثال ابوفهد معروف في حوطة سدير
راعي الكرم صالح والى منه فزع جاله مجال
لآمن نخيته حل موضوعك ولو انه عسير

الله صدقت وهذا الشيخ مهما قيل في حقه فهو قليل

فالكل يشهد له وفاءه وطيبه لأهالي سدير عامه

واخيراً

ونعم فيك وفي لابتك اخي الفاضل موادع

وصح لسانك مره اخرى

سجل مروري واعجابي بهذه الجزله والرائعه

وهذه الاجتماعية الرائعه

تقبل مني فائق الاحترام والتقدير

وخالص واطيب التحيات [/frame]

طالبة المعالي · 01-09-2007, 09:23 PM

والمال الى منه غدى باالبنك ماهو راس مال
مال(ن) بدون العز عله مع هوى الغربي يطير
لاتأمن الدنيا والى اقفت مالها والله قبال
ذا طبعها تجري بفلك(ن) دوم طبعه يستدير
قدم لنفسك خير واطربها طرب ياابن الحلال
افلان مات وذاك به جلطه على ذاك السرير
هذي نصيحه للي يبغى مني العلم الزلال
وختامها صلوا على الهادي لنا وهو النذير

< اللهم صلي وسلم عليه > .. صح لسانك اخوي مواااادع .. ويعطيك العافية .. نصيحة رائعة ..

ومشاعر صادقة .. وتصوير حي .. جزاك الله خير ..

مواااادع · 02-09-2007, 12:27 PM

[frame="1 80"]كل الشكر والتقدير لمن قام بالمرور الكريم على مشاركتي المتواضعه وتقبلوا جميعاً تقديري واحترامي (مووووادع )[/frame]

وارث الطيب · 02-09-2007, 09:42 PM

وناس(ن)تحسب المرجله بالبشت وشماغ وعقال
ولاّ الى منه مسك منصب غدى هو المدير

موادع :: ياهلا فيك

ونعم اللابه الدواسر ... وشكرا لهذا النص

مواااادع · 03-09-2007, 12:10 AM

[frame="1 80"]اخي الفاضل ( وارث الطيب ) شاكر مرورك الكريم وتقبل تقديري واحترامي[/frame]

ناصر الحنو · 05-09-2007, 12:23 AM

اللهم صلي وسلم على سيدنا محمد

الله الله الله عليك ياموادع

قاف وفكر وابداع

تحضر بجمال الشعر
وتحلق بشموخ الفخر
وتبدع بجمال الحكمة

تمدح من يستحق
وتعتز بفخر بقبيلة شرف

مليون نعم بالدواسر
ومليون نعم بابو فهد
ومليون نعم بك ياموادع

ابدعت وامتعت بحق

صح لسانك ولاهنت ياغالي

كل الحب والتقدير

اخوك ناصر
ظماالعشق

مواااادع · 06-09-2007, 10:49 AM

[frame="1 80"]الغالي ( ناصر الحنو ) شاكر ومقدر مرورك الكريم وتقبل تقدير واحترام اخوك ( موااادع )[/frame]

بنت المناااعير · 06-09-2007, 12:42 PM

ولاّمثل صيت الدواسر طيبهم مابه جدال
اولاد زايد في الشدايد فعلهم سيف(ن) شطير

النعم والسبعة انعام بالاد زااايد , خطلان الايدي ..

وابياتك كلها جزلة ووافية وماعليها حكي , صح لسانك ويسلم قافك ومعناك ..

تحياااتي ..

لهفة الخاطر · 06-09-2007, 08:30 PM

[align=center]
اللهم صلي وسلم عليه

ماشاء الله أبيات رائعه ودام هذا الصيت كله

تسلم على هالبوح ياموادع ويعطيك العافيه [/align]

مواااادع · 07-09-2007, 08:52 PM

[frame="1 80"]اختي الغاليه ( بنت المناعير ) شاكر مرورك الكريم وتقبلي تقدير واحترام اخوك ( مواااادع )[/frame]

مواااادع · 07-09-2007, 08:57 PM

[frame="1 80"]اخي الغالي ( حمد ) شاكر مرورك الكريم وتقبل تقدير واحترام اخوك ( مواااادع )[/frame]

مواااادع · 07-09-2007, 09:06 PM

[frame="1 80"]اختي الغاليه ( لهفة الخاطر ) شاكر مرورك الكريم وتقبلي تقدير واحترام اخوك ( موااادع )[/frame]