سؤال عاجل قبل دخول رمضان

[زهرة]

السلام عليكم


عندي سؤال لأم فيصل خاصة وللعضوات عامه تخبرون رمضان قرّب


آلة اللقيمات فيه احد جربها.؟؟


هل هي عمليه ؟؟


أخاف إنها لازم تقيدني بقوام معين للعجينه


وصراحه عقدتي اللقيمات ماتطلع متواسيه هذي كبيره وهذي صغيره وهذي فيها بعج


مره نشبت بالملعقه ماطاعت تنزل في الزيت وقعدت اسحب فيها بالمقلى الا ابيها تنزل طلعت بطاطس مقلي مب لقيمات مطيت ابوها



اتوقع الآله بتحل الأزمه لكن من جربهااا؟؟


وشاكرة لكم مقدماً

[أم فيصل]

وعليكم السلام ورحمة الله وبركاته ..


هلا والله بزهره نور قسم الطبخ .. وينك ياشيخه ماتزورينا ولا شي


بالنسبه لألة اللقيمات جربتها وبصراحه متعبه شوي الشغل اليدوي افضل بكثير ومشكلة الاله

هي :

انها يبي لها واحد سريع مره بحيث انك تلحقين تتركين الضغط عليها بوقت قياسي ..

ولها مشكله ثانيه انه تخلي حبات اللقيمات كبيره مره يعني مايمديك تتركين الضغط فتطلع كبار ..

واللقيمات المفروض تكون صغار لانها تكبر في الزيت .. مرة اخوي تمدحها مره وتقول انه

مرتبه .. بس انا مااعجبتني اليدوي افضل بالنسبه لي لانك تتحكمين في حجمها ..



وبقولك وشلون تخلينها ماتلصق بالملعقه ..


طبعا التلقيم له طريقتين طريقه بدون ملعقه وطريقه بملعقه ..

اللي بدون ملعقه >>> تخلين جنبك بادية مويه وتغطسين اطراف اصابعك في المويه وتحطينها

ببادية العجين وتاخذين كوره بيدك وتحطينها بالزيت وحاولي تكون حجم الكور زي بعض انتي

تحسينها بيدك .. وكل ماحسيتي اطراف اصابعك نشقت بليها بالمويه لان المويه تساعد على

انزلاقها يعني كل ثلاث كور اغطسي يدك بالمويه << شكله حامت كبودكم



اللي بالملعقه >>> نفس الشي خلي جنبك بادية مويه اغطسي يدك اليسار في المويه وبعدين

دخليها في بادية العجين وخذي العجين بيدك وارعصيه ويكون بيدك اليمين ملعقه .. اغطسي

الملعقه في المويه وخذي كورة عجين من يدك اليسار بعد الرعص وحطي الكوره بالزيت وهكذا

كل شوي حطي الملعقه في المويه عشان تنزلق الكوره بالراحه <<< هنا اكيد حومة الكبد

دبل بس وش اسوي هذي الطريقه ..



اذا مافهمتي علميني واشرح لك بطريقه ثانيه ولا سيري علي واعطيك كورس عملي قبل

رمضان ..

[زهرة]

هلا أم فيصل

منور فيك والله ..بزوركم برمضان أنا وفطوري



اللي بدون ملقعه ماحبها لإني اخاف من الزيت مررره



ياختي كل شي سهلوه وفروه الا اللقيمات مافيه كورر جاهزه بس ماعلينا الا نحط بالزيت


ليتك قريبه لمي مب عشان الكورس

لا عشان تروحين لي من فطوركم اريح


دامك مامدحتيها ومرت اخوك جازت لها

شكلي بجربها ان نفعت ولا بكيفه مب لازم تواسى اهم شي الاخلاق (الطعم)



شاكرة لك ياختي

[أموَآج الحَنِين]

يا حبيلك يا زهره

انا ما اعرف الا باليد ارمي انواع الحوسه ههههههههههههه

انواع الاحجام


اهم شي الطعم يختي خخخخخخخخخخخخخخخخخخخ



ام فيصل يا حبيلك ماشاءالله

يصلح برمضان اجيك كورسات<--اطلعي من حياتها خخخخخخخخخخخخخخ


الله يعين والله




ما تقصرون اي جديد قولولنا



أمواج

[زهرة]

هلا امواج الحنين

زين اللي تسوينها باليد

انا ودي بس الزيت يخووف ماقرب يدي لمه


عاد اتخيل شكلي واقفة عند باب المطبخ واجدع بالزيت من بعيد


قلق هاللقيمات

[أم فيصل]

امواج ياحبي لك والله ..

الله يحيك تعالي ومالك الا اللي تبين ..

ولو تبين ارسل لك ارسلت لك مايغلى عليك

[ياسمين]

زهوووره

قولولوليييييييييييييييش

نوووووووور القسم والمنتدى بكبرررررره

والله فقدتك يادبيه

زهوره صح كلام ام فيصل اذا كنتي تسوينها بملعقه خلي جنبك باديه مويه وكل كوره كورتين غطسي الملعقه في المويع عشان ماتلصق انا كذا اسويها ومره متواسيه ومقاسها واااااااحد

جربيها واذا ماعرفتي عطيني خبر اذا بغيتي تزوريني اعجن اللقيمات ونطبقها عملي انا وياك

[سكر نبات]

اختي زهرة وام فيصل والاخوات
اللقيمات ما تصلح بشكل واحد الا من طريقة العجينة اكيد عجينتك لينة شوي عشان كذا تطلع لك في الزيت اشكال مختلفة
انا ما امدح عجينتي بس صراحة جنن من جميع النواحي من ناحية الشكل تكون معك مرة شكل واحد
ومن ناحية اللون تكون مرة لون واحد من جمبع جهاتها ومن ناحية الطعم مررررة جنن
كثير من الناس خذو طريقتها وظبطت معهم
جربي طريقتي فيها الالة وطريقة اليد
انا استخدم يدي مرة تطلع شكل واحد
انا لو اعرف طريقة الصور صورتها لكم تعبت من تصويرها
والا سير علي انا اعلمك طريقتها
والله يعينك

[شـمـ إمرأة ــوخ]

صباح الخير ... يـــ زهورتنا ..

نورتي المنتدى بقدومك ...

بالنسبة لـــسؤالك ... أنا جربت ألة اللقيمات ...

بصراحة ... ماهي حلوة ... تطلعها لك كبار ..

ولا تضبط الا بالطريقة المكتوبة على الكرتون ..

ودك باللقيمات اللي تفتح النفس ويكون مقاسها صغير وحلو ..

نفس اللي ذكروه البنات ... وأضيف اذا استعملتي الملعقة خذي الملعقة

الصغيرة .. ماهي حقت الأكل العادية ..الصغيرة .. تطلع شئ ... مقاس واحد


ويارب .. تضبط معاك ...

[أم أسامة]

[align=center]هلابالغاليه زهره وينك من زمان عنك وهلا باخياتي كلهن والله اني احبكم في الله [/align]
بالنسبه للاله احس انه بياذن ماخلصتي وشكلها مطاريس الله يخلي اليديات ومثل ماقالوالاخوات تحطين شوي ماء بيدك وتسمين بالله وشوي شوي بس خلي النار هادئه وبتطلع ولااحسن مرتبه وصغيره وبتتعودين على هذى الطريقه ولااسهل منها مثلى اول مابديت بالنت اكتب حرف حرف الله يحفظ الجميع من كل شر

[زهرة]

ياسمينوووو


منور فيك ..يكفى أنتي متواجده يابعدي


>>دبيه الله اعلم من اللي داب بهالأجازه


ماشاء تعرفين اجل تسوين لقيمات


بجرب كلامكم بإذن الله

وان مانفعت بجيك انا وعجينتي تعلميني

[in my dream]

مصدقين انتم لووووووووووووووووووووووووووووووووول اي شي بس اهم شتي تكون شقراء وطعم يحبة قلبك ولا تحطون شيررررة بدلوة بعسل ولو يكون طبيعي يكون افضل ولا يستحسن اننا نكثر من صبت العسل مرور الكرام على مايقولون

[ياسمين]

المشاركة الأصلية كتبت بواسطة   ماشاء تعرفين اجل تسوين لقيمات

خير طايحه من عينك

لا بجد تعااااالي والله لخليك تضبطينها ان شاء الله

وصح كلام سكر نبات اهم العجينه لازم تكون متماسكه

عاااااد زهوره ابلشي بعمرك ماعاد فيه يور سستر

[بنت الشيوخ]

يوووووووووووووه
والله مشوار اللقيمات

أنا ما احبه
أحب اصابع الجبن

والله انكم بطلات اللي تصلحون ذا الطبخات..
يعطيكم العافيه

فمان الله
وبس خلاص

[زهرة]

سكر نبات

تسلمين اختي على الطريقه


....


شموخ امرأة


هي تضبط معي بالطعم بس الشكل من جنبها

تسلمين ياختي

....

in my dream


هلا بك

العسل ثقيل على المعده الشيره اخف واطعم

شاكرة لك اختي


....

ياسمين


ماي سستر اااه <<<طقتها العبره


لا وش دعوة ماطحتي من عيني بس مستغربه


اصلا شكل مايحصل لي اجيك الا برمضان الحين مزحووومه


...

بنت الشيوخ

وش الفطور بدون لقيمات!!!


ماحس اني صايمه بدون فيمتوا وسمبوسه ولقيمات