=== كيك أمهاتنا منول ( طلبيه ) ===

[أم فيصل]

=== كيك أمهاتنا منول ===

المشاركة الأصلية كتبت بواسطة سكندر111   ""ام فيصل نبي كيك اول الي يجي في صينية وحدة ومقمرمع الحوايف من فوق و تحت يم يم يم يم يم يم يم يم ويجي حالي من عند الحوايف """لاتصيفين بة تراني اتلعمط ""مشكورة اختي ام فيصل

هذا كيك امهاتنا منول يسوونه العصر مع الشاهي ..

ولا ياخذونه معهم لوحده والده ..

ولا اذا سيرن على بعض العصر ..


ميزته انه سهل مره ومايحتاج لا لخلاط ولا شي ومقاديره متوفره في كل بيت وفوق هذا كله

طعمه ممتاز جدا ..




تعالوا نشوف طريقته :



3 بيضات + كاس سكر + نصف كاس زيت + شوي فانيلا تخلط في زبديه مع بعض ..












نضيف لها كاس حليب ( مويه + ثلاث ملاعق حليب بودره ) ونخلطه مع بعض ثم نضيف ملعقة

بكنج باودر كبيره وكاس ونصف دقيق ..


















نحطه بصينيه بعد دهنها بالزيت وندخلها الفرن ..













ونقطعه ونصفه بصحن وبالعافيه ..








وهذي الحوايف ..

[بنت الشيوخ]

ولا أروع من كذا..

تسلمين يا ام فيصل..

المفروض الواحد مايدخل مواضيعك تالي الليل
ههههههههههههههههههههههههههههه

تسلم يدينك

فمان الله
وبس خلاص

[أم فيصل]

حيا الله بنت الشيوخ ..

المشاركة الأصلية كتبت بواسطة   المفروض الواحد مايدخل مواضيعك تالي الليل

تصدقين ماكان عندي نيه انزله تالي الليول

بس والله غصب عني من امس وانا ابي احطه تأخرت على اللي طالبه بس كل شوي يجيني شغل

واقوم من عند الكمبيوتر ..


كان ودي انزله بنهار تصير البطون مليانه وشبعانين بس ماقدرت


تسلمين والله على المرور ..

[سكر نبات]

ايااااااااااااه يا ام فيصل ذكرتيني بامي الله يرحمها
وكيك العصر
جعل والديك محرمين عن النار والمسلمين يا اخيييتي
الله يعطيك العافيه على هالكيك حق امهاتنا رووووعة مرة

[$همس$]

$

يسلم ربي لنا ذا اليديات

فعلا كيك منول

وصدق لا قالوا ///

حياة منول وش زينه ,,,

يخليك ربي أختي /// أم فيصل

$

من أختك /// $ هموووسه $

تقبلي أرق التحايا ...

[أم فيصل]

المشاركة الأصلية كتبت بواسطة سكر نبات   ايااااااااااااه يا ام فيصل ذكرتيني بامي الله يرحمها وكيك العصر جعل والديك محرمين عن النار والمسلمين يا اخيييتي الله يعطيك العافيه على هالكيك حق امهاتنا رووووعة مرة

الله يغفر لوالدتك ويرحمها ويغفر لجميع اموات المسلمين ..


مشكوره اختي سكر نبات على المرور ..

[ياسمين]

ههههههه

حلوه كيك منول <<<< على بالي وحده اسمها منال وتدلعينها منول

ايه هالكيك مافي اسهل منه

جعلك سالمه يأم فيصل

وعافاك ربي

اقول ماودك تعزميني في رمضااان

دمتِ بخير ،،

[رحاب]

يعطيك العافيه يا ام فيصل مشكوووووور والله يعطيف الف عافيه

[يـــزيـــد]

السلام عليكم

ذكرتوني برحلات حلقة تحفيظ القرآن

لازم كيك سفري

يعطيكم العافية

[ابراهيم بن عبدالله]

ماشاء الله تبارك الله

[NAWAF]

الله يعطيك العافيه ام فيصل

تحياتي

[أم فيصل]

المشاركة الأصلية كتبت بواسطة $همس$   $ يسلم ربي لنا ذا اليديات فعلا كيك منول وصدق لا قالوا /// حياة منول وش زينه ,,, يخليك ربي أختي /// أم فيصل $ من أختك /// $ هموووسه $ تقبلي أرق التحايا ...

همس حياك الله ..


ايه والله حياة اول غير احسهم مرتاحين موب مثلنا

[عبد العزيز بن عبد الله]

ام فيصل ""العذر والسموحة ""المفروض اني انااول من يرد عليك "بس والله نسيت "مشاغل الدنيا الله لايشغلنا الا في طاعتة ""والله لايهينك ماقصرتي ""مشكورة اختي على كيك منول ""بس المشكلة ان الشوف لنا والاكل لغيرنا ""عليكم باالعافية ""وجعل عافيتة احلى من طعمة """تحياتي

[أم فيصل]

المشاركة الأصلية كتبت بواسطة ياسمين   ههههههه حلوه كيك منول <<<< على بالي وحده اسمها منال وتدلعينها منول ايه هالكيك مافي اسهل منه جعلك سالمه يأم فيصل وعافاك ربي اقول ماودك تعزميني في رمضااان دمتِ بخير ،،

حيالله ياسمين هلا بك والله ..


منهي منول هذي ؟


الله يحيك عندي في اي وقت رمضان ولا الحين بس عساك قريبه

[أم فيصل]

المشاركة الأصلية كتبت بواسطة رحاب   يعطيك العافيه يا ام فيصل مشكوووووور والله يعطيف الف عافيه

يعافيك ربي ..

مشكوره على المرور ..