*** كبسة لحم .. بريّة الطعم << (( مشاركة بالمسابقة )) ***

[ابو عبدالإله]

[align=center]









هذه هي مشاركتي الاولى ( وللأسف طبعاً) .. ولكني جايكم بكبسة لحم هرفي يحبه قلبكم .. ان شاءالله تعجبكم ..

طبخة الكبسة هذي كانت في راس طعس في الثمامة يوم الخميس اللي فات وكنا مجموعة شباب من بينهم العضوين الغاليين على قليبي

ابراهيم بن عبدالله

وابوهتون


والحمدلله ان الكبسة ضبطت وأعجبت الشباب ولاّ كنت بنجلد وكنّس البر ذيك الليله ..

مالكم بالطويله ... وندخل بالموضوع :



المقادير :

[frame="7 50"]2 كيلو لحم غنم

4 كاسات رز بشاور

ملح

بهارات مشكلة غير مطحونة

نصف ملعقة سمن غنم

3 حبات بصل

حبتين طماطم [/frame]







الطريقة :


بداية .. تقطيع البصل والطمام ( وكانت مهمة ابوهتون ) تسلم يدّك يابوهتون









تنظيف الرز وتنقيعه ( الحاجة ام الاختراع ) << آخر صيحات المنقذ ابراهيم ..









وبعدين نحمس البصل مع السمن :









وبعد الحمس نحط اللحم ونتركه شوي عشان يمتصّ النكهه :






وبعدين نحط الطماطم :






ونصب المويه الحارّه :






نحط البهارات والملح :










وبعدين نكتم الكاتم :






وننتظر حتى يصفّر السفتي ( المحبس حق التهوية ) ونحسب 20 دقيقة من بداية التصفير وبعدها نفتح الغطا ونشيك على اللحم :






وبعدين ننكب الرز :






ونغطي القدر من غير مانكتمه ونخليه على نار هاديه لين يستوي الرز :







وبعدين ... وينك يالجوعان << مقابل الجيش ولا مقابل العيش







7
7
7








ان شاءالله أعجبتكم الطبخة .. ولاتحرمونا من أرائكم ..

محبكم ابو عبدالإله


[/align]

[عبدالله الفـارس]

ما شاء الله تبارك الله

جمعة طيبة .. وطبخة أطيب

الله يعطيكم العافية يأبو عبدالإله أنت والشباب وعساكم عالقوة

ما قصرت

تحيتي ,,

[نـــــــــدى]

ماشاء الله تباركـ الله ..
كبسة كاملة .. والكامل الله سبحانة ..
ووبعد بالكاتم .. ورز عنبر .. الذ واطعم ..

بس ناقص الكبسة شي ..؟؟!!
ووين الفلفل الحار مانشوفة بالصور ..!!

تقرير رائع ..
ربي يحفظكـ ويباركـ فيكـ ..
وبالتوفيق يارب
دمتم بحفظ الله
نــدى

[أم فيصل]

الله يعطيكم العافيه ..

شغل مرتب ونظيف ..

من الفايزين ان شاء الله في الدنيا والاخره ..

بالتوفيق ..

[ابراهيم بن عبدالله]

ما شاء الله تبارك الله

الطبخة ما يحتاج انا اللي ماكلها

لكن ترتيب الموضوع ممتاز >> طبعا انا اللي مصور


الله يعطيك العافية يأبو عبدالإله ,,,, أنت الماستر الشيف حقنا >> الله لايضرك

ولا يهون ابو هتون >> (( ترى لنا نصف الجائزة ))



والله الموفق ,,[/QUOTE]

[ابو عبدالإله]

المشاركة الأصلية كتبت بواسطة عاشق ديرتي   ما شاء الله تبارك الله جمعة طيبة .. وطبخة أطيب الله يعطيكم العافية يأبو عبدالإله أنت والشباب وعساكم عالقوة ما قصرت تحيتي ,,

الله يعافيك يالغالي .. ولازم يوم نعزمك وتذوقها من يدينا .. تحياتي لك ..

[ابو عبدالإله]

المشاركة الأصلية كتبت بواسطة نـــــــــدى   ماشاء الله تباركـ الله .. كبسة كاملة .. والكامل الله سبحانة .. ووبعد بالكاتم .. ورز عنبر .. الذ واطعم .. بس ناقص الكبسة شي ..؟؟!! ووين الفلفل الحار مانشوفة بالصور ..!! تقرير رائع .. ربي يحفظكـ ويباركـ فيكـ .. وبالتوفيق يارب دمتم بحفظ الله نــدى

حياك اختي .. وعدم وجود الفلفل الحار هذا يعود لأن خوالي فرنسيين وخوال ابراهيم أسبان وخوال ابوهتون سويسريين << عشان كذا مالنا علاقة بالهنود نهائياً ههههههههه

شكرا لمرورك اختي ..

[ابو عبدالإله]

المشاركة الأصلية كتبت بواسطة أم فيصل   الله يعطيكم العافيه .. شغل مرتب ونظيف .. من الفايزين ان شاء الله في الدنيا والاخره .. بالتوفيق ..

شكرا اختي الكريمة

الله يكرمنا ونفوز ان شاءالله ..

[لهفة الخاطر]

[align=center]

ماشاء الله تبارك الله

بصراحه أكل البر له طعم مختلف جداً عن أكل البيت ...

شكله مشهي بالمره يعطيكم العافيه عليه ...

وطريقة غسل الرز رهيبه ...

تسلم الأيادي وبالتوفيق[/align]

[ابو هاجر]

ماشاء الله

شغل معلمين يا بوعبدالإله

وتوثيق رائع من الغالي ابوعبدالله

الف صحة وعافية

[ابو عبدالإله]

المشاركة الأصلية كتبت بواسطة ابراهيم بن عبدالله   ما شاء الله تبارك الله الطبخة ما يحتاج انا اللي ماكلها لكن ترتيب الموضوع ممتاز >> طبعا انا اللي مصور الله يعطيك العافية يأبو عبدالإله ,,,, أنت الماستر الشيف حقنا >> الله لايضرك ولا يهون ابو هتون >> (( ترى لنا نصف الجائزة )) والله الموفق ,,

[/QUOTE]


هلا هلا بالفوتوغرافي .. الموضوع كلّه على الصور ماشاءالله .. لاعدمناك

وخصوصا حركات ابوهتون ( مايحتاج نلمّح )

الجائزة وانا .. كلي لكم يابعدي .. تحياتي

[ابو عبدالإله]

المشاركة الأصلية كتبت بواسطة لهفة الخاطر   [align=center] ماشاء الله تبارك الله بصراحه أكل البر له طعم مختلف جداً عن أكل البيت ... شكله مشهي بالمره يعطيكم العافيه عليه ... وطريقة غسل الرز رهيبه ... تسلم الأيادي وبالتوفيق[/align]

اهلا اختي الكريمة .. شكرا لمرورك ..

وطريقة غسل الرز هذي أصدرنا عليها براءة اختراع لبراهيم .. ههههههههه

تحياتي لك

[ابو عبدالإله]

المشاركة الأصلية كتبت بواسطة حيدره   ماشاء الله شغل معلمين يا بوعبدالإله وتوثيق رائع من الغالي ابوعبدالله الف صحة وعافية

هلابك اخوي ..

شكرا لمرورك .. وتعاون الاخوان هو اللي كمل الشغل .. تحياتي لك

[عبدالعزيز]

للاسف اني ضحية

دخلت في وقت ماله داعي << جوعان

بالعافية يابعدي والصراحة مايبي لها كلام الكبسه

[أمير سدير]

ماشاء الله

شغل عدل والله

تسلم