اي نوع من الاطفال كنتوا لما كنتوا صغار؟؟

"الرحال" · 18-10-2007, 03:05 AM

بسم الله الرحمن الرحيم

السلام عليكم ورحمة الله وبركاته

اصدقائي حبايبي سوال صريح ...
اي نوع من الاطفال كنتوا لما كنتوا صغار؟؟

الطفل البريء ..

في البيت تلاقيه حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

الطفل العنيد

يطبق نظام البيت بالعكس .. يسوي اللي براسه ..

مايخاف من الماما او البابا .. لو قلت له هذا خطر لاتقربه .. عناد فيك يسويه ..

وكثيرا مايضرب في طفولته .. ومع ذلك عنيد مايغير رايه ..

الطفل الحنّـان 

يستخدم وسيلة الحنة لتلبية رغباته

له نغمه خاصه في البيت.. 

تلبى رغباته غصب عنك .. يعانون اهله من الصداع المستمر ..

الطفل المادي 

هذا الطفل مايرد السلام الا ( بفلوس ) ..

تعامله مع اهل البيت .. مادي بحت .. 

يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتّــان 

تلاقي عند هذا النوع جميع اخبار البيت .. 

يلاقي المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع 

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..

الطفل العله 

يزعجك بأسئلته الي ماتنتهي .. يستفسر من كل شي .. حتى لو عطست ..

قالك كيف عطست .. وليش عطست .. وكيف تكونت العطسه .. 

يحرجك احياناً .. ويمكن دائماً بأسئلته .. مره تجاوب عليه ومره تسفهه .. 

واكثر الاوقات ماتلاقى اجابه لاسئلته .. لانك في الحقيقه تجهلها ..

الطفل الدوار

هذا الطفل مستحيل يجلس في البيت.. 

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق .. 

الطفل الملسون 

يستمتع اهله بسوالفه .. فصيح جداً .. 

ويلقط العبارات والمفردات بسرعة مذهله ..

يسبب احراج دائم لأهله .. يمكن يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..

الطفل اللزقه 

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم .. 

و كثيرا ماينضرب .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطروا انهم يطلعو من شباك البيت للهروب منه .. 

ولكن للأسف يلاقونه بانتظارهم في السيارة ..ويسألهم ليش تأخرتوا عليّ ..

الطفل الهادي 

هذا الطفل ماله صوت ابدا .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله .. 

لو يموت من الجوع مايتكلم .. 

في كثير من الاحيان تلقى اهله ناسينه بالسوق او عند الاقارب اثناء الزيارات ..

الطفل القوي << ياشديد 

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه .. 

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال .. 

يتقرب منه الكبار ويتوددون له حفاظاً على سلامة اطفالهم ..

مجنـ سدير ـونة · 18-10-2007, 03:44 AM

يشرفني اني اكون اول عضو ارد ع الموضوع

وبصراحه كنت من النوع الاول ماارجع من المدرسه الا ووجهي احمر من التكفيخ

مشكووووووره ع الموضوع

غزال نجد · 18-10-2007, 03:48 AM

الطفل القوي << ياشديد 

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه .. 

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال .. 

يتقرب منه الكبار ويتوددون له حفاظاً على سلامة اطفالهم ..

أحس اني من هاذا النوع

**FATA--JALAJEL** · 18-10-2007, 03:53 AM

والله يا بو عبدالعزيز مدري وش أقولك لكن ما أذكر وش كان يصير لي وأنا صغير

مدري أبدي التكفيخ وإلا أبدي الهبال وإلا الملوسن

أتوقع أشياء كثيرة صارت لي وأنا صغير لكن ماني متذكرهن

مشكور على الموضوع الحلو

"الرحال" · 18-10-2007, 05:58 AM

مجنـ سدير ـونة

هههههههههههههههههههههههههههه

لا شكر على واجب

ومشكوووووووووره على المرووور الرائع

"الرحال" · 18-10-2007, 06:04 AM

غزال نجد

يعطيك العافية على الرد الرائع

"الرحال" · 18-10-2007, 06:10 AM

فتى جلاجل

وشلون ماتدري عن حياتك

معليه

يعطيك العافية على المروووووووو الجميل

ولا شكر على واجب

مقبل المقبل · 18-10-2007, 07:20 AM

المشاركة الأصلية كتبت بواسطة الطفل الهادي 

هذا الطفل ماله صوت ابدا .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله .. 

لو يموت من الجوع مايتكلم .. 

في كثير من الاحيان تلقى اهله ناسينه بالسوق او عند الاقارب اثناء الزيارات ..</

حسيت إنها أحسن وحدة واخترتها

ههههههههههههههههههههههههه

تحياتي

لهفة الخاطر · 18-10-2007, 08:02 AM

المشاركة الأصلية كتبت بواسطة الطفل الهادي 

هذا الطفل ماله صوت ابدا .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله .. 

لو يموت من الجوع مايتكلم .. 

في كثير من الاحيان تلقى اهله ناسينه بالسوق او عند الاقارب اثناء الزيارات ..

[align=center]هذا أنا خخخخخ

لإن مرة من المرات أهلي كانوا معزومين مرة ونسوني عند هم ...

موقف ماأنساه باقي في ذاكرتي

تسلم ويعطيك العافيه [/align]

أموَآج الحَنِين · 18-10-2007, 08:03 AM

البريء+الهادئ

مع اني عناديه لدرجه عجيييييييبه بس بهدووء برضو

وللحين عناديه اخسر اشياء كثيره بعنادي

ادعولي افك العناد

يوووه ذكريات

شوووكرا عالموضوع

دمت بخير

أمواج

شيختهم تميميه · 18-10-2007, 02:19 PM

انا صراااااااااااااحه !!!

الدلوع والحنان والعنيد

والدوار <<بس إذا كنت بسدير <<لأني أخذ راحتي بالشارع !!!

والهادي<<بس مب لدرجة الجووووووع<<تراها ماتحب البلع أبد خخخخخخخخ

ومشكووووووووووور ع الموضوع الحلوووووووو وتقبل مروري

شيختهم تميميه !!!

!!!!!

روح الانوثه · 18-10-2007, 06:23 PM

الطفل البريء ..

في البيت تلاقيه حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

اشكرك خيوو عالموضوع الرائع وانا من هالنوعيه

فرووحه أنا · 19-10-2007, 12:59 AM

أنا كنت في طفولتي وإقطع أبو الطفوله ولد إلا حبتين ماأحب ألعب مع البنات
ليش ؟؟؟؟؟ عشانهم دلوعات ما يمديك تمسكين وحده منهم الا وهي تلقينها
تصايح ( خير إنشاءالله تمسكيني غش منيب لاعبه معكم ) يعني ماينلعب معهم .
وكنت قويه على البنات أما الأولاد مستقويه .

شوشة منفوشة · 19-10-2007, 02:16 AM

مدري ؟؟؟؟

بس بزره من البزران !!!

بعدين أصلا أنا ما قد صرت بزر أبد أبد ،،،

"الرحال" · 19-10-2007, 08:30 AM

مقبل المقبل

جعل هضحكه دوم

ومشكوووووووووور على الرد الرائع