يا اهل الحوطه ما عندكم سالفه

[سمراء سدير]

كتبت رأيي حول العيد في الحوطه وعن نشاط اهل الروضه ورغم ان الموضوع يحتاج الى النقاش الهادف وتبيان اسباب عدم وجود اي حفلات في الحوطه الا ان الامر كشف لي ان اهلي وهم اهل الحوطه ما عندهم سالفه او ان اللي في المتدى ما لهم كلمة عند الكبار وخصوصا انتم يالرجاجيل والا عطو الحريم فرصةوانا اولهن وتشوفون وشلون نخطط وانتم عليكم التنفيذ والله بخلف على الحوطه اللي يقول عنها الوالد سوالف عجيبة في مثل هالمناسبات وكيف كان ابو قاطور منتدى وملتقى للجماعه وعندنا صور كثيره عنها . على العموم اقول يا خلاف على الديره واهلها الجدد يعني الجيل الجديد اللي ما عنده ذره من الانتماء.

[أبو ريان]

وش دعوة سمراء سدير ما كنا حلوين 0000000 اللهم لاتعليق 0 يبلغ

[سمراء سدير]

اخي في الله هجرس اشكرك علىتفاعلك مع ما اطرحه في المنتدى والظاهر انك الوحيد اللي عنده القناعه بما يطرح من وجهات نظر في الوقت اللي نام فيه كل المشاركين مع العلم ان الحوار في امكانية ايجاد حلول لفكرة ان تتبنى الحوطه المبادرات المتميزة لاقامة الفعاليات الكثيرة ومنها حفلات العيد كما تعودنا من اهل الحوطه ز
وبعدين وش دعوا تحط وجه معبس وزعلان
لك حق تزعل
ثم لك حق نرضيك;)

[الطبيعي]

من وجهة نظري الاحتفال الذي يقام في الحوطة أو الروضة يخدم الجميع فالحوطة هي الروضة والروضة هي الحوطة لافرق بل يجب على كل منهم أن يبدع ويقدم خدمات ومظاهر جديدة تخدم جميع مدن المنطفة مثل الاحتفالات والمحاضرات والندوات والمعارض والكليات والمدارس والمعاهد والمشاريع الاستثمارية لان المسافة قريبة جداً بينهم بل أعتبر مدن سدير مدينة واحدة فالخير يعم الجميع وشكراً يا سمراء ;)

[هواوي سدير]

والله انك صادقه ياسمراء سديرررر
هاذي ثالث او ثاني سنه ماحطو حفل
والشوارع بس خلينااااا ساكتين مافيه بلديه




والله صادق السماري


يوم يقول فى المقال (حوسة سدير)

[سمراء سدير]

الاخ طبيعي الظاهر انك متفاءل كثير مثلي في ان يكون هناك احتفال مشترك وما بقي الا الروضه والحصون وجلاجل للانظمام للحوطه بعد انظمام الجنوبيه والعطار والخطامه والجنيفي لها واصبحو ديره وحده ( وش دعوى تحالف )المهم وش رايك في تاسيس نادي مشترك باسم الجميع .. والله ان تشوف مستشفى الحوطه مليان . يا اخي طبيعي خلك طبيعي وحاول في حفل لاهل الحوطه D( تم تحريره من قبل المشرف ) واقنع بعض الناس اللى افتوا بتحريم الحفل رغم انه حفل عادي مهوب عيدر راس ورجلين السنه ولا عيد ميلاد ولا فيه اختلاط ولكن فيه فرحه للصغار والكبار ودليل على تكاتف الاهالي .ويصير في الديره حركه ونشاط مهوب صايره مثل قندهار بعد الحرب .
اما اخي هواوي سدير اللي غاطس في هوى ( عشق سدير) اقول ان السماري بعد ما ملوا بطنه اهل الحوطه رجع يطالب انها تصير محافظه وينه عنها قبل (او ما بعد شروا الذبيحه ).. وعلى طاري البلديه ودي ان رئيسها ياخذ دوره عند رئيس بلدية الروضه .. دوره مكثفه لعل وعسى .. وشكر على متابعتكم وفي حال استمرار الردود سوف اطرح فكره تهبل فكرة حرمه عن الف رجال من غير رجاجيل سدير طبعا .:

[عاشق الروضه]

صح لسانك ......يالطيبيعي

صح لسانك ...........يالطيبيعي

صح لسانك ................يالطيبيعي

صح لسانك .....................يالطيبيعي

صح لسانك ...........................يالطيبيعي

صح لسانك ..................................يالطيبيعي

صح لسانك ............................................يالطيب يعي

[الجريوي]

أختي سمراء سدير .............

أذكري الله هداتس الله ؛ النقد ما يجي بالتجريح والسب والشتم !! !

[سمراء سدير]

الاخ الجريوي الظاهر ان منتداكم ما يستحمل الصراحه والصدق واصبحت فيه الصراحه سب وشتم لكن الحقيقه اثبتت ان الخوف مغطي عليكم وتوقعتوا اني اشتم احد من انسابكم او اخوالكم رغم اني اجمع في اسرتي جميع العوايل في الحوطه يعني جميع (الفصائل على قول الفلسطينيين) ياوليد الجريوي خلك مرن وخل روحك وعقلك عصري
واللي قلته لكم صحيح والمجامله لبعض الرافضين للحفلات هي السبب في ايقافها بحجة انها حرام علما انها تقام في جميع المدن ويحظرها مشايخه وعلماءدين ويشجعون عليها مادام الامر في حدود المباح . طبعا انا ما اعرف الاسباب الا بعد ان شرحها لي اخوي الكبير..
اما الاخ عاشق سدير اعجبتني فيك الفزعه مع الطبيعي لكن الوعد بعدين وانا بنت ابوي اذا ما وقفت لك في مواضيعك بالنقاشات المسكته .. اذا اقول اذا كانت تستاااااااااااااهل:o

[سمراء سدير]

اناآآآآآآآآآآآآآآسفه
جدا على الخطأ في اسم عاشق الروضه الله يعينه على العشق
واود ان ان اقول للجريوي
ارفق
على
قلبك .. لا... ينفقع

[الجريوي]

الأخت سمراء سدير ...............


راجعي كلامك وتعرفين !! ! وترى كلام أخوك ما اظنه صحيح والله أعلم .

[أبو ريان]

الاخوة الاعزاء اعضاء منتدى سدير 0 السلام عليكم ورحمه الله وبركاته 0 اشكر كل من ساهم في الرد على الموضوع الذي طرح من قبل الاخت سمراء سدير وفعلا كل له وجهه نظر خاصه في طرح الردود وهذا المنتدى
جعل ليناقش الامور التي فيها مصلحه للجميع 0 واختلاف الرأي لايفسد للود قضيه 0 موضوع الاخت سمراء فعلا في غايه الاهميه خصوصا انني كنت موجود في حوطه سدير ثاني ايام العيد ولكن ذهبت خارج الحوطه لاابحث
عن الاحتفالات فمثلا بلديه الروضه وضعت مهرجان في غايه الروعه من ناحيه التنظيم والاستقبال وخطامه
سدير ايضا وضعت احتفالات دامت ثلاثه ايام وكذالك عشيرة والتويم 0 اما كان من الاجدر ببلديه حوطه سدير
وضع مثل هذة الاحتفالات خصوصا هي من اكبر مدن سدير بعد المجمعه 0 فوالله من المحزن ان ترا سكان حوطه
سدير يذهبون الى مناطق اخر لكي يستمتعوا بالاحتفالات عموما لا اطيل عليكم الكلام ولكن نرجوا من المنضمين
للاحتفالات في السنوات القادمه ان لا يهضموا حق سكان الحوطه من فرحه العيد والمشاركه في هذة الاحتفالات
وارجو من الاخ المشرف على منتدى سدير ان يضع للموضوع اهميه من حيث ايصال الرساله الى المسئولين
لكي يتم مساواتنا بالمدن الاخرى 0 وفق الله الجميع لما يحب ويرضى0000

[الجريوي]

أحسنت يا أبا ريان ، وأنا أتفق معك ومع الأخت المتحمسة ( سمراء سدير ) شكلاً ومضموناً ، والنقد شيءٌ جميل ورائع بل هو من الضروريات ، ولا يمكن أن يستقيم إعوجاج ٌ إلا عن طريق النقد الهادف ، أما النقد التجريحي والشتائمي والكيل بمكيالين فلا نفع له ولا طائل منه بل يزيد الطين بلة ً وبلة .

[سمراء سدير]

الله يعطيك العافيه يا هجرس والله انك وليده ولك كلمه في الموقع ولهذا جت فزعتك زكلامك الحلوا للمشاركين مقنع ولا انسى الاخ الجريوي رغم اتهامه المبطن باني اكيا بمكيالين ( وش دعوى يا حافظ على بالك اسرائيل) المهم اننا بدينا نتفق على الهدف واتمنى مثل ما قال صديقنا هجرس الواجب ايصال الحلول بعد ان تجتمع المقترحات عبر الحوار الى البلديه .لا ان تترك ضيافة المسئولين او ضيوف الحوطه على الامارة مثلا او على البلديه وانا اعرف ان كثير من المناسبات تقام من قبل بعض الجهات الحكوميه وهم مستحين يطلبون المساهمه من منطلق الكرامه (وتطيح العزيمه في كبودهم )ويجمعونها من موظفينهم
لهذا اقترح
1ـ انشاء صندوق باسم صندوق الاحتفالات يدعم اي احتفال
يتم دعوة جميع رجال الاعمال من اهل الحوطه وهم كثير ولله الحمد وخيرهم عام للقاصي والداني للمساهمة في الصندوق
الاستفاده من قصر الاحتفالات المهجور ليكون مقر لادارة الصندوق وللمناسبات تطبيقا للهدف منه
تشكيل
1ـ مجلس اداره للصندوق يتفرع منها
لجنة متابعه .. ولجان تنفيذيه وكلهم من شباب الحوطه المعروفين بالامانه والتفاني لبلدهم...
هاه وش رايكم والله اني اسنع من الف رجال بس من غير رجاجيل الحوطه طبعا
ولكم الف تحيه زاعدكم بسواليف الجماعه وكشتات ابو قاطور واللي كثير منكم ما يعرفها .

[عبدالله الصالح]

الله يقويكم جميع ،،،

وفي النهايه انشاء الله ما راح يخسر احد ، بالعكس الجميع راح يستفيدون
وراح تكمل حلاوة الموضوع لو كان مشترك ،،

بمعنى / مثل ما فيه احتفالات للرجال والاطفال ، يكون هناك اماكن مخصصه للعائلات وتقوم على تنضيمها سيدات من المجتمع الفاضلات تحت ادارة لجنه منبثقه من الجنه العليا لتنضيم المهرجان .
ويكون الاحتفال مفتوح بحيث لا يتوقف على مكان محدد ، بل يكون متنقل في اماكن مجهزه ومحدده من قبل .

ومن اهم الامور اللتي تتسبب في فشل مثل هذه المهرجانات ويجب تحاشي الوقوع فيها : هو ازدواجية العمل بين اعضاء الجان المشاركه ،،
بمعنى / يجب ان يحدد عمل كل لجنه ومدى صلاحياتها في اطار معين لا تتجاوزه الى ماليس من اختصاصها ويكون هناك تنسيق محكم بين عمل اللجان مع بعضها البعض دون الوقوع في العشوائيه والاجتهادات اللتي قد تفشل المهرجان .

هذا ما لدي في الوقت الحاضر ،
وما دعاني للمشاركه هو ان المهرجان ليس للحوطه فحسب ولكنه لاهالي سدير عموما ، حتى ولو حمل اسم الحوطه واقيم فيها فالكل يعلم بحقيقة مكانة الحوطه بين غيرها من القرى وهذه حقيقه واضحه وضوح الشمس في القايله

اتمنى ان يستمر التفاعل في الموضوع وان يرى النور قريبا وان نسمع مشاركات واراء المختصين في هذا الموضوع
ملاحظه / لو كان للدوائر الحكوميه في حوطه سدير بريد الكتروني لاستطعنا ايصال الفكره لهم عن طريق هذا البريد ( ليس لدي فكره عن هذا الموضوع ).

تحياتي للجميع