إللي ما يعرف طريقة المثلوثة يجي هنا ...

**FATA--JALAJEL** · 21-10-2007, 01:02 AM

السلام عليكم ورحمة الله وبركاته

بصراحه من أول ما سجلت في المنتدى وأنا ما دخلت قسم الطبخ

واليوم واحد من الربع عشاني مثلوثة

وجيت للدوام في المقهى قلت خل أبحث على طريقة المثلوثة وأنزلها للي ما يعرف الطريقة

وهذي طريقة المثلوثة آمل أن تحوز على رضاكم

هي في الاساس تتكون من ثلاث وصفات ..
تعمل كل وصفه لوحدها
وعند التقديم تكون طبقات فوق بعض ..

طبعا بما أننا شعب جدا متطور وحابين نواكب

عصر السرعة قلنا نجمع ثلاث أكلات في وحده

ونجلس ثلاث أيام بدون غدى تطور من نوع نادر جدا

الجريش ..
وطريقة عمله في المثلوثه انه يكون باللبن
المقادير :
لكل كوب جريش لتر لبن
بصل مفروم
ملح وكمون ..
ملعقتين سمن بلدي ..
كيلو لحم غنم ..

تحمي السمن على النار وتضعي اللحمه
تتحمر قليلا حتى يكتسب السمن
نكهة من اللحمه ثم انتشلي اللحمه
من السمن حتى نطبخها مع الرز ..
بعد ماتشيلي اللحمه ضعي البصل المفروم
والكمون وقلبي باستمرار حتى يذبل البصل
لا ان يتحمر ثم اضيفي اللبن وحركي باستمرار
حتى لا يتكتل الى ان يصل اللبن للغليان
ثم اضيفي لهم الجريش المغسول جيدا
واستمري في التقليب حتى الغليان مره ثانيه
اتركيهم على النار وعندما تلاحظين ان اللبن
بدأ يجف غطي القدر باحكام
وضعيه على نار هااااادئه جدا ويستحب أن
يكون هناك عازل بين النار والقدر
بوضع بلاطه أو حديده المهم يكون القدر
بعيد عن النار فقط تصله الحراره البسيطه
لأن الجريش هنا يطبخ بالبخار المكتوم في القدر
ويترك من ساعه الى أكثر حسب الكميه

بعد ان ينضج الجريش افتحي القدر
وحركيه بقوه بالملعقه حتى ينرهس الجريش جيدا..
والان الطبقه الاولى وهي الجريش جاهزه

القرصان تشتريه جاهز من السوبر ماركت
وبامكانك تجهيزه في البيت كعجينة السمبوسه
ولكن من الدقيق الأسمر والملح والماء
وتفرديها فرد رقيق جدا جدا وتضعيها
على الصاج على نار هادئه حتى تنضج وتجف

تعملي ايدام بالخضار واللحمه وتبلي
القرصان فيه وتنتبهي لاتتعجن القرصان
حتى ماتخرب عليك وهذي هي
المرحله الحرجه في المثلوثه وتحتاج لخبره

بعد ماتسلقي اللحمه مع البهارات الصحيحه
من هيل وقرنفل وقرفه وفلفل وكمون ...
تضعيها في صينية الفرن وترشي عليها
ملعقه سمن وتحمريها ..
في مرقة سلق اللحمه تسلقي الرز
وتتمي طبخه عادي ..
وتحمري قليل من المكسرات في الزيت
والزبيب وتنثريها على وجه الرز ..

الجريش ...ثم القرصان .. ثم الرز والمكسرات ..
وفوقهم اللحمه ..
وأخيرا زيني الطبق بشرايح الليمون والطماطم

وصحتين على قلوبكم

م ن ق و ل

أم فيصل · 21-10-2007, 06:19 AM

ماشاء الله تبارك الله ..

طريقه واضحه ومرتبه استمتعت بقرائتها ..

يعطيك العافيه على هالنقل ..

بإذن الله يستفيد منها الجميع ..

بسمة فرح · 21-10-2007, 02:58 PM

ماعمرك دخلت منتدى الطبخ(( هذي تراء يبيلها قضيه))

على العموم طبخه كويسه

يسلمو يافتى جلاجل

شريك المشاكس · 21-10-2007, 03:02 PM

فتى ومنيب قايل

هالحين شلون سويتوها كذا يا عيال اللذينا

لا تقولي مستخدم حقات الكريمه همن اخوض في بطنك

مشــاعر · 21-10-2007, 04:52 PM

[align=center]
.
.
ماشاء الله تبارك الله ,, خطييييييييره ,,

بس والله لو نحط هالشكل للرجال قالوا وش هالنحاويق؟؟!!

مشكور فتى جلاجل على هالوصفه ,,

دمت بود

.
.
.

[/align]

**FATA--JALAJEL** · 22-10-2007, 12:24 AM

البنت الدلوعه الــــــــــــــلــــــــــــــــــه يخارجنا

أجل قضية لا تدري الأخت / زهرة تراني من زمان عن القسم الشرعي هع هع

على العموم مشكورة على المرور والرد

**FATA--JALAJEL** · 22-10-2007, 12:28 AM

شريك المشاكس جاك المالح هع هع << علشانه ملح المنتدى

المشاركة الأصلية كتبت بواسطة هالحين شلون سويتوها كذا يا عيال اللذينا

أقول شريك المشاكس ما تعرف المثل إللي يقول : ( إللي ما يعرف للصقر يشويه )

هذي حركات مو زي مطعم المثلوثة تجيك منحوقة هههههههههههههآآآآآي

مشكور على المرور والرد

**FATA--JALAJEL** · 22-10-2007, 12:31 AM

مشــاعر هلا بك

المشاركة الأصلية كتبت بواسطة بس والله لو نحط هالشكل للرجال قالوا وش هالنحاويق؟؟!!

من جد ( يازين التكتكة )

مشكورة على المرور والرد

نـــــــــدى · 22-10-2007, 12:53 AM

ماشاء الله ..
مثلوثة مش اي كلام ..وعصرية ..
تسلم دياتكـ ع الوصفة والنقل ..

دمتم بــ ــــود
نـــ ــــ ــدى

**FATA--JALAJEL** · 22-10-2007, 01:55 AM

نـــــــــدى حياتس الله

مشكورة على المرور والرد

حلا سدير · 23-10-2007, 08:44 PM

بصراحه ذا المثلوثه شكلها شي بتنافسنا يالحريم بس بصراحه انا شاكه في قضيه الشكل اتحدى ولد بيقلب وحركات تلقاك منحوق نحاويق شي بس والله شكلها شهيه تسلم يديك

**FATA--JALAJEL** · 24-10-2007, 12:36 AM

acute butterfly << والله إن إسمك طويل مدري وش يبي

مشكور على المرور والرد