شرووووط مشرف عام ******** مو صاحي ههههههههههه

$همس$ · 08-11-2007, 05:01 AM

؛
,
ســلام الله عــلـيــكــم ؛ ؛

صبحكم الله بالخير
؛
,
شروط واحد ماهوب صاحي!!

هذى الشروط من المشرف العام لأحد المواقع المشهورة بعد ان جائته حالة من الطفش من كثر

مشاكل الأعضاء والموقع وبحكم أعجابي بها اردت ان تشاركونى هذهـ البسمة فاقرؤوا وش قال

الله يرج ابليسـهـ رجآً مبررحآًَ...
::

::

لقد تغيرت شروط التسجيل في المنتدى ....وتم تغيير مسمى المنتديات

لتواكب مرحلة ما بعد الحرب الباردة :

اعرفوا الشروط زين.. وافهموها....و اللي ما يبي هالشروط جعل اصبيعاته

اللي طقت على الكيبورد للكسر...ولو ما عليه كلافه يطق راسه باقرب جدار

حنا ما نلعب....واللي يبينا حياه الله بيننا....فهمتوا

بما ان هذا الموقع موقعي بلحالي لابارك الله فيكم ولا في الساعة اللي فتحت لكم هالموقع....

فاللي يبي يسجل معنا يوافق على الشروط من ورى خشمه ....والشروط هي...

1- اللي يسب اي واحد من الاعضاء نبي نجيه وبنربط حواجبه في صدامات

الهايلوكس ,, وبنروح ونطعس فيه باقرب طعس ...هماني قايلكم حنا ما نلعب !!

:: :: :: ::

2- لما تكتب موضوع خل البقيه يجون ويتميلحون ويتهاوشون بس بحدود

وخلهم يذبون براحتهم.....واللي بيقلبها سب...عز الله ان امه داعيه عليه...

لاني ابحتريه وقت صلاة الفجر بالعجرا وابشخمط وجه وابخليه

يغني اغنية...

خروفي خروفي لابس بدله صوفي...له عينين واربع رجلين...

من كثر ما امحطه بالعجرا.....هماني قايلكم حنا ما نلعب !!

:: :: :: ::

3- اللي بيخربط بالدين ولا بالسياسه....هذا عذابه عذاب

ابخليه يتخيل انه قرد ولا عمره ذاق موز ....وابحجز له على

اقرب رحله على طياره ترش الجراد وابرقي فيه على ارتفاع 50000 الف

قدم وابجدعه على خوص نخله...علشان ما يتعود لها هماني قايلكم حنا ما نلعب !!

:: :: :: ::

4- انتم اعضاء لكم تكتبون بس....ولااحد فيكم يسوي لي فيه مراقب مانبي

مراقبين.....فهمتوا ولا افهمكم...

:: :: :: ::

5- الساحه الرياضيه لكم ثنتين...واللي ماهو

نصراوي لايوطوط فيذاك ....

ساحة ابو جدي وانا حر فيها ولا عندنا ديمقراطيه....

ولا عمرنا سمعنا فيها وهي وشهي...هي الديمقراطيه حاجه تنوكل <*****<ما قلنا تنشرب

:: :: :: ::

6- مسموح الذب...والذب هي كلمه اتيه من الذباب

وهي فعل مضارع جمع تكسير مضارع بسيط...فهمتوا...صح ولا ماهو صح...

قولوا صح لابارك الله بالساعه اللي جمعة هالخشش فيها...واللي بيزعل

من الذب بنخربط وجهه ونخليه يطالع في المرايه

ويطلع الاخطاء التسعه عشر....

ايه تسعطعش. ..ساحتنا وحنا حرين فيها

:: :: :: ::

7- ياويلك ويا سواد ليلك لو تعطي احد كلمة الضروس....

الا عندي سؤال ليه سموها كلمة سر...ليه ما سموها كلمة خشم ولا ضرس

ولا مصران.... طبعا قايلكم ساحتنا وحنا حرين فيها !!

:: :: :: ::

8- اللي بيسجل باسماء قبايل وعوايل...ولا مخله بالآداب....

هذا بنوديه لا اقرب شيخ وبنكويه ...وبعدين بناخذه لا اقرب قليب...

وبنغطسه وبنطلعه...ونغطسه ونطلعه الين مايقول....

ان التفحيط ما هو بالشطاره ولا بالمصاله.....التفحيط فن يا هوووووه اقول لا تكثر بربستكم يا

هوووه....وش هالمسكه الغلط.....هماني قايلكم ما نلعب...!

:: :: :: ::

9- قريتوا الشروط........هاه عجبتكم....فهمتوها

طيب ما عندنا تسجيل هالايام....

واللي يبي يسجل معنا يرسل لي ايميل على التلفون حقي اللي ماني ذاكره لكم...

لان الدعوه عناد...واللي براسه حب ما انطحن....تراي ابطحنه له ....

واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

10- كلنا عيال قريه وكلن يعرف خيه...

11- هماني قايلكم حنا ما نلعب ..

الان اسماء المنتديات بعد التعديل :-

* منتدى شخبط وخمبق ترى محد لمك.....المنتدى العام سابقا

* منتدى شاعر في المشمش:: :: المنتدى الشعري سابقا ههههههـ

* منتدى مواضيع مهناش احد:: ::منتدى المواضيع الجاده سابقا

* منتدى معاهم معاهم عليهم عليهم:: :: المنتدى الرياضي سابقا

* منتدى ياهلال ياهلال كح كح كح :: :: منتدى الهلاليين سابقا

* منتدى كن صديقي:: :: منتدى المواضيع المتميزه

بالنسبه للبريد ان شاء الله في السنه الجايه زي هالحزه ما حنا حاطينه كح كح كح....ماعندنا!

بالنسبه للمحادثات....تسان ودكم نسوي لنا طلعة بر على الطبيعه ازين ...

مـــــــــلاحــظـه ::

اللي بنكتشف انه رجال مشورب ويكتب باسماء

انــاثــي ... ولا انــاثي تكـتب بــاسمـاء رجـاليه هـذولي بنخلي خششهم كلمـــات

متقاطعه يصعب حلها.....والله يا سرع طيحتهم . . .

وأخـــيــرا ولــيــس أولا الــمــنــتــدى صــاكــيــنة ألــيــن يــفــرجــهــا

الــمــولى ونــلــقــى لــه اســـم ســنــع يــلــبــق عــلــى هالــخــشــش

ضــفــوا وجــيــهــكــم , , ,

انــتــهــى كــلاااامــه ...: : : :

أتــمــنــى تــكــونوا اســتــانــســتوا مــع هـالـمــشــرف وشــروطــه ...

: : :

ولــكــم مــن أخــتــكــم /// $ هــمــوووســــــــــــــه $

أرق وأطــــيــــب تــــحــــيــــــــــــــــــــــــــــــــــــــه . . .

ولد المزروع · 08-11-2007, 10:50 AM

[align=center]همس

رووووووعة

خخخخخخخخخخخخخ

بس لاحظي هالشرط

المشاركة الأصلية كتبت بواسطة 8- اللي بيسجل باسماء قبايل وعوايل...

كأنه يقصدني

الله يستر

شكرا على هالتميز

لكم مني كل تقدير[/align]

مجد · 08-11-2007, 11:12 AM

اللي بنكتشف انه رجال مشورب ويكتب باسماء

انــاثــي ... ولا انــاثي تكـتب بــاسمـاء رجـاليه هـذولي بنخلي خششهم كلمـــات

متقاطعه يصعب حلها.....والله يا سرع طيحتهم . . .

خخخخخخخخخخ
هههههههههه

حلووووووه